ارخم عيب من عيوب الار بى ( انا خبطت العربية يا رجالة ومضايق اووى

[khaabas]

رخامة العربية دى تصميمها يخليك موش شايف قدامك وله وراك لما تيجى تركن
فكنت بركن وقربت اوى من الرصيف لدرجة انى دخلت فيه لقيت الاكصطدام فك من الناحية اليمين ( الكلبسات بتاعته ضربت ومن ساعتها وانا كاره حياتى رخامة العربيات الجديدة تحس انها ورق كلينكس ومرشوش دهان ميتاليك

[mahmoud_afifi]

معلش يا باشا قدر الله وما شاء فعل
لو على الكليبسات بسيطه بس المهم اللون مايكونش طلع :(
وابقى ركب parking sensor طالما لسه عندك مشكله مع ابعاد العربيه

[khaabas]

معلش يا باشا قدر الله وما شاء فعل
لو على الكليبسات بسيطه بس المهم اللون مايكونش طلع :(
وابقى ركب parking sensor طالما لسه عندك مشكله مع ابعاد العربيه

شوية خرابيش والذى منه بس فعلا والله لازم ان شاء الله اركب سنسور بارك

[mahmoud_afifi]

شوية خرابيش والذى منه بس فعلا والله لازم ان شاء الله اركب سنسور بارك

جرب تديها شوية كومباوند بعدين بوليش والخرابيش هتروح ان شاء الله.
وحاول ماتكسلش في موضوع السنسور
ربنا يحفظلك العربيه من الخبطات

[el diesel]

قدر الله وما شاء فعل يا هندسة وعلى راى المثل اللى يجى فى الصاج :)
انا عندى نفس المشكلة بس بعقد اركن بالشعرة لحد ما تتظبط علشان ما تتخبطش

[alsayedsabry]

شوية خرابيش والذى منه بس فعلا والله لازم ان شاء الله اركب سنسور بارك

الله يخرب بيت الاستغلال يعنى عربية زى ديه مفهاش بارك سينسور حسبى الله ونعم الوكيل

[Samir Elshahawy]

قدر الله و ماشاء فعل

معلش و لازم تقدر مسافات عربيتك كويس و تعمل حسابك و أنت بتركن
أو تعمل زي حالاتي و تركب كاميرات في الامام و الخلف علشان تشوف كويس أنت داخل فين

[zambarota]

الحمد لله على كل حاجه

هاتضايق يومين كدا وبعدها هاتتقبل الخبطه

وبفضل الله انها جت على الاكصدام

[miceg]

ياعم كده كده طالما انت فمصر الاكصدام هيتفك مرة واتنين وتلاته
وهتقعد تربط فيه العمر كله
الحمد لله انها جت بسيطة والاكصدام لا يعيب العربية إطلاقاااااا

[SAMEH_FOUAD]

قدر الله وماشاء فعل , والحمد لله انها جت على قد كدة

[Karim Ibiza]

بسيطة ان شاء الله

[Walid_M]

العربيات الجديدة بقت فعلاً رخمه جداً في ابعادها , وبالذات الإلنترا والأكسنت وما شابه !!!
الحل الوحيد انك تركب باركينج سنسور أو كاميرا خلفية ودي اسعارهم بقت رخيصة دلوقتي

المشكلة انك حتتعود عليهم وموش حتعرف تركن أي عربية بعد كده من غيرهم !!!

تحياتي

[elmo7amed]

متزعلش نفسك وتعيش وتخبط وتكسر وتعمل كل اللى انت عاوزه .. انا كنت زيك كده جبت العربيه وقلت خمس سنين لحد ميجرى معايا حاجه وحياتك مكملت 4 شهور وكان ولاد الحلال مظبطين العربيه :(( وكل خدش عندى من اخطاء الاخرين وزهقت والله وحيجيلى السكر من الغباء مش اكتر
.. فكبر مخك على رأى مبارك وعيشيا كباس :))))))))))

[Samir Elshahawy]

العربيات الجديدة بقت فعلاً رخمه جداً في ابعادها , وبالذات الإلنترا والأكسنت وما شابه !!!

الحل الوحيد انك تركب باركينج سنسور أو كاميرا خلفية ودي اسعارهم بقت رخيصة دلوقتي

المشكلة انك حتتعود عليهم وموش حتعرف تركن أي عربية بعد كده من غيرهم !!!

تحياتي

دي أمثلة للكاميرات اللي بيتم تركيبها في السيارات بالامام و الخلف



ده النوع اللي راكب عندي في الألنترا MD



دي ممكن تركب قدام




ده نوع تاني فيه باركينج سنسور و كاميرا ليلية

[elmo7amed]

تكلفتها كام دى ياباش مهندس وهل حتخرج العربيه من الضمان