تقرير مصور لاستبدال الكاوتش لالنترا md والمفاجئة... ببلاش

[dr_walid]

السلام عليكم:
الف سلامة على الوالد
و ان شاء الله يقوم بالسلامة
و مبروك على الكاوتش الجديد
بس ممكن اعرف عنوان التوكيل الى فى الدقى و رقم الموبيل
لانى ناوي اغير الكاوتشات ان شاء الله
و شكرا

[Nashaat Rady]

السلام عليكم:
الف سلامة على الوالد
و ان شاء الله يقوم بالسلامة
و مبروك على الكاوتش الجديد
بس ممكن اعرف عنوان التوكيل الى فى الدقى و رقم الموبيل
لانى ناوي اغير الكاوتشات ان شاء الله
و شكرا

7 ش المساحة، الدقى, الجيزة

02-33356420

[AoA]

ألف سلامة على والد حضرتك

ومبروك عليك الفرده الجديده
مع ان المفروض ما كانوش ياخدوا حاجة لأن دة عيب من الكاوتش مش من إستخدامك
بس عموما أحسن من مفيش فى البلد دى

[Khaled Lanos]

ألف مبروك على الفردة الجديدة ياباشا..أنا كنت أفضل لو اداك فردة بنفس النقشة بتاعة الكاوتش اللي عندك عشان يبقو كلهم نقشة واحدة.
وألف سلامة على الواد ربنا يتم شفاءه على خير ان شاء الله.

[zambarota]

ياسلام هي دي الثقافه البيعيه الصحيحه

انا شارى فى الضمان يبقى اطمن

ومعدل استهلاكك للفرده طبعا طبيعي تدفعه

بس فى الدول المتقدمه لو لقدر الله حصلك حاجه بسبب الكاوتش

الشركه بتدفعلك تعويض

ياريت نوصل لثقافه الضمان دي

سواء من المشترى او البائع

[amagroup]

حصلت معايا في الاكسنت ان الفرده شمال ورا كانت بتريح كل شويه وده عند صيانة الالف
كشفت عليها بره قال لي ان الفرده محتاجه شمبر داخلي لان الكاوتش مشقق من كتر الركنه
عملت شمبر وخلتها استبن
معرفش كان ممكن اغيرها ضمان ولا لأ وبعد لما غيرت قعدت اقول لنفسي الصنايعي ده اشتغلني وخلاني اشتري سمبر علي الفاضي ولا كان كلامه صح... مع ان كان معايا ضمان هانوكوك بس مفكرتش انه متفعل في مصر

واهي ماشيه والحمد لله

[Dragon78]

مبروووووووووك ياباشا .. تغيير فردة الكاوتش

وفعلا ناس محترمه أوي

وألف سلامه للسيد الوالد .. ربنا يشفيه ويشفي مرضانا جميعا

تحيـــــــــــاتي

[Rsarabia]

هو ضمان الكاوتش كام كيلو ؟؟

[esam_ayad]

ألف مبروك يا باشا
بس السؤال هل حسيت ان نوف الكاوتش الجديد ده أحسن من نوع الكاوتش القديم وان الصوت احسن ولا إيه؟؟؟؟