أفيدوني افادك الله قبل تغير الزيت

[muslim_nsb]

ان شاء الله ناوى اغير زيت الموتور للعربيه النترا 2005 اتوماتك عامله تقريبا 114 الف كيلو
انا من يوم مااشترتها كنت بحطلها شيل الاصفر وبغيره على 3000 حتى 5000 كيلو
اخر مره جربت شل الترا داخل على سنه وعمل تقريبا 9 الاف كيلو فقلت اغيره لانه تجربه فاشله بصراحه صوت الموتور بدأ يعلى وكمان ظهر صوت تكتكه في الموتور عند تسخين السياره صباحا او مساءا .
المهم عندي حلين وارجوا منكم الافاده ايهم افضل :-
1- الرجوع الى شل الاصفر وكفى الله المؤمنين شر القتال
2- تجربة الاخ (amr elsisi) في استخدام زيت الديزل وده رابط الموضوع
http://www.nilemotors.net/Nile/340751-a.html

وليا استفسار :-
- كنت عاوز اغسل دورة الزيت للموتور بأن اضع زيت وانزله تاني
المفروض اخلي الزيت يسخن في الموتور بعمل مشوار كده كام كيلو وبعدين انزل الزيت
ولا اشغل العربيه على السلانسيه 5 دقائق بدون مشوار وبعدين انزل الزيت
وايه افضل زيت اغسل بيه دورة التزييت انا بفكر في شل الاحمر ايه رأيكم.
- ايه رأيكم في علبة (ابرو) التي تضاف للزيت وفوائدها ودي صورتها

آسف للاطاله

[muslim_nsb]

على فكره انا من قنا ومفيش زيت عندنا غير موبيل وشل والتعاون يعني بلاش كاستور وليكى مولي وفالفولين وخلافه لانه مش موجود عندنا

[mohmmedzohier]

السلام عليكم

اولا صوت التكتكات دا صوت الكستبانات


تانيا انت معدى ال100 الف ياتحط زيت ال5000 الاف يا تغير شنابير وتتحط زيت ال 10000الاف اكنها عربيه زيرو
ونصيحها جيب زيت ليكومولى
عايز تنطف الماتور هات زيت ال1000 وامش بيه 500 كيلو وروح مشوار كبير وانت راجع غير اللى انت عايزه مع الفلتر لازم العربيه تبقى سخنه

[muslim_nsb]

اولا صوت التكتكات دا صوت الكستبانات


تانيا انت معدى ال100 الف ياتحط زيت ال5000 الاف يا تغير شنابير وتتحط زيت ال 10000الاف اكنها عربيه زيرو
ونصيحها جيب زيت ليكومولى
عايز تنطف الماتور هات زيت ال1000 وامش بيه 500 كيلو وروح مشوار كبير وانت راجع غير اللى انت عايزه مع الفلتر لازم العربيه تبقى سخنه

شكرا لرد حضرتك هو ايه يعني اغير شنابير ولو غيرتها صوت الكستبانات يروح ولا لما احط زيت 5000 شل الاصفر هايروح لوحده

[mohmmedzohier]

السلام عليكم

الشنابر ملهاش علاقه بالكستبنات

الزيت التقيل بقلل صوت التكتكات ولو لسه فاضله بيبقا الكستبانات جابيت اخرها هى مشكلتها انها غاليه شويه فالناس بيجيب بتمنها نص ماتور علوى

[Ashraf_Ibrahim]

على فكره انا من قنا ومفيش زيت عندنا غير موبيل وشل والتعاون يعني بلاش كاستور وليكى مولي وفالفولين وخلافه لانه مش موجود عندنا

هو علشان الزيوت دي مش موجودة في قنا تبقا زيوت وحشة ؟!
مش فاهم وجهة نظرك !



زيوت الديزل يا عزيزي بالفعل معمولة للمواتير التي تتعامل مع الديزل
المواتير دي بيكون فيها احتراق عالي جدا ودرجة حرارة اعلى بكتير من مواتير البنزين فعشان كدة بيكون الزيت اتقل
دا بينجح مع المواتير اللي قربت تجيب اخرها لكن المواتير السليمة والجديدة تجربة زيت ديزل معاها هيكون بمثابة اعدام للموتور واحتمال اجزاء الموتور متصمدش مع اللزوجة العالية للزيت دا
رأيي الشخصي تحط شيل الاصفر 5000 كم هيكون افضل
او ممكن حاجة زي كاسترول ماجنيتيك وجربه لحد 8000 كم ونزله وشوف ايه الاخبار
الكاسترول الماجنيتيك بيمشي اصلا 10000 كم وهو زيت نصف تخليقي للمواتير اللي تجاوزت ال 100000 كم
وبالتوفيق

[lad]

شل اصفر

[S O P H O S]

راي تكمل ف شل الاصفر
بس تتاكد من اسلوب الرجوع للزيت تاني بعد التخليقي

[mhkorayem]

اول مره اسمع عن موضوع غسيل دوره زيت الماتور انا عامل بالعربية 160000 وعمري معملت حاجه زي دي

ايه بقى الموضوع ده وايه فوايده للعربية والمفروض يتعمل كل اد ايه ويتعمل ازاي بالظبط عشان مش فاهم اوي الموضوع ده

[khaabas]

زيوت الديزل يا عزيزي بالفعل معمولة للمواتير التي تتعامل مع الديزل
المواتير دي بيكون فيها احتراق عالي جدا ودرجة حرارة اعلى بكتير من مواتير البنزين فعشان كدة بيكون الزيت اتقل

طيب يا باشا ايه رائيك ان الحاج موبيل نفسه هههههههههع صاحب المحل بيقول ينفع
شوف الرابط ده
Mobil 1 vs. Mobil Delvac 1 for a Gasoline Engine

[muslim_nsb]

هو علشان الزيوت دي مش موجودة في قنا تبقا زيوت وحشة ؟!
مش فاهم وجهة نظرك !

وبالتوفيق

لأ مش قصدى كده انا بقصد ان الحاجات دي مش بتوصل عندنا زي ما يكون احنا في منفى بالرغم من قنا اتملت عربيات حديثه من كل نوع وكمان عربيات من عربيات الخليج الكروس اوفر وخلافه لان عندن في قنا ناس كتيير شغاله في الخليج
بس معرفش ليه الحاجات دي مش بتوصل عندنا ولا حد يفكر انه يجبها للناس يخاف احسن متتباعش

[muslim_nsb]

تكمله للموضوع
انا جبت محسن لزيت الموتور عاوز آخذ رأيكم فيه ودي شكل الزجاجه

شكل الزجاجه حلو وان شاء الله يكون فعال كمان وهي نوع امريكي وسعرها 20 جنيه وجبتها من بنزينه عندنا بس انا شايفه تقيل كده تقريبا اتقل من الزيت العادي
وكمان جبت منظف انجكشن الواد قعد يشكر فيه ويحلف انه بيستعمله هو شخصيا وبيقول عليه فرق قوى معاه بس انا كنت عاوز اتأكد منكم ان كان حد استعمله قبل كده لاني شاكك فيه لانه صيني بصراحه وقعدت ادور على الامريكي مفيش ودي شعل العلبه بتاعته


الخطوات اللي انا هاعملها ان شاء الله بكره :-
1- اضافة منظف الانجكشن على تنك البنزين
2- تغير الزيت بزيت شل بتاع 1000 كيلو وهاعمل بيه مشوار حوالي 150 الى 200 كيلو مع الحرق على الغيارات لغسل دورة الزيت
3- بعد المشوار هاغير الزيت بزيت شل الاصفر والعربيه سخنه مع تغير الفلتر واضافة محسن الزيت ( تفريغ لتر من جركن الزيت في زجاجه ثم اضافة المحسن على جركن الزيت وبكده يكون 3.3 لتر مع الرج لدمجهم مع بعض تقريبا دي الكميه المطلوبه وهاتأكد منها في كتالوج السياره ) ثم تفريغ الجركن في الموتور
ولا الاحسن افرغ المحسن في الموتور ثم اضيف عليه الزيت
ايه رأيكم في الخطوات دي ولا المفروض اعمل حاجه غير كده
ادعولى اشعر بتحسن في السياره ويختفي صوت الكستبانات وان شاء انقلكم التجربه وايه اللي شعرت بيه من تحسن للسياره

[Walid_M]

بجد يا إخوانا انا زهقت من مواضيع الزيت دي !!!

عامل كده زي العرب , اتفقوا على ألا يتفقوا !!!

أنا قريت معظم مواضيع الزيت ولم أصل لشيء , وأحلى فتاوى في العربيات تسمعها في مواضيع الزيوت .

ربنا يصلح الحال يارب ويكشف الغمه اللي في مواضيع الزيوت دي

تحياتي

[khaabas]

اذا كنت هتحط معالجات للزيوت يفضل الابرو

[mhkorayem]

اذا كنت هتحط معالجات للزيوت يفضل الابرو

هو زيت الأبرو بيفرق في العربية في ايه بالظبط وهل لازم يتحط لما يكون الماتور خفيف بس وممكن يضر الماتور لو كان حالته كويسه لو حضرتك جربتوا بنفسك قولينا عليه عشان بصراحه انا مش عارف استخدمه ولا لأ عشان الناس مختلفة عليه في ناس بتقول يتحط على اي مواتير القديمه والجديده عادي وفي ناس بتقول انه بيضر الماتور الجديد وانه بيستخدم لو كان الماتور قديم وخفيف ويكون قرب يودع