ارجو منكم المساعدة بخصوص اكسنت rb

[beshoyyy]

تحياتي للجميع
انا حاجز نيسان تيدا من اكثر من شهرين و بصراحة محتاج سيارة ضروري الايام دية و الاستلام لسة بعد شهر
اة رايكم في الاكسنت اول فئة اتوماتيك بس ياريت يكون الرائ فعلا محايد و بدون اي مجاملات
ارجو الرد و شكرا

[elmo7amed]

بص انا معايا اكسنت ار بى مانيوال عربيه جميله وكل حاجه بس حاول تجيب حاجه تانيه للاسعار الموجوده حاليا وبرده فكر فى حاجه غير نيسان ؟


واكسنت مفيهاش اى شى حيزعجك غير المساعد الخلفى ودا حتغيره فى التوكيل وانت واقف ببلاش ؟

نصيحه احسن بقه فكر فى لانسر بومه عربيه قويه وفلوسك مش حتضيع عليك وحتبقى راكب حاجه يابانى

[Habd]

شوف سعر الاكسنت كام دلوقت و قارن ف رنج الاسعار ده يجيب عربيات ايه مع ان الصراحة التيدا مع انى ما بحبش شكلها الا انها احلى من الاكسنت كركوبة

[john55]

هي عربيه جميله بس للمدينه فقط يعني حضرتك لوبتسافر كتير بلاش لمن غير كدا موفره في البنزين شكل عصري اوبشن حلو لكن عيوبها الصاج خفيف الدهان ضعيف ومفهاش عوامل امان وممكن البديل نيسان صني لوعجبك شكلها او لانسر وعلي فكره العربيه معايا مش مزعلاني ومرتاح فيها لاني كل مشاويري جوا البلد فرجاء لو هتسخدمها في مشاوير وسفريات كتير دور علي عربيه تكون اعتماديه اكتر وشكرا

[Samir Elshahawy]

بص انا معايا اكسنت ار بى مانيوال عربيه جميله وكل حاجه بس حاول تجيب حاجه تانيه للاسعار الموجوده حاليا وبرده فكر فى حاجه غير نيسان ؟


واكسنت مفيهاش اى شى حيزعجك غير المساعد الخلفى ودا حتغيره فى التوكيل وانت واقف ببلاش ؟

نصيحه احسن بقه فكر فى لانسر بومه عربيه قويه وفلوسك مش حتضيع عليك وحتبقى راكب حاجه يابانى

مشكلة المساعدين كانت في الدفعات الاولي فقط اللي نزلت في 2012 لكن بعد كده تم تلافي العيب ده في موديلات 2013

طبعا النيسان تيدا عربية جميلة جدا و لا غبار عليها لكن تعالي نفكر بالعقل وواحدة واحدة كده :
- انت كنت بتفكر في عربية واسعة جدا و ياباني فيها وسائل امان ... صح
- سعر التيدا أول فئة أوتوماتيك ب 120,000 جنيه
و في السوق تعمل لحد 133,000 تقريبا

- هل من المنطق أنك تجيب البديل بتاعها يكون أقل في الوسع و من غير وسائل امان ؟
طبعا بغض النظر كوري و لا مش كوري

يبقي ليه التفكير في أول فئة ؟

أسعار الأكسنت rb الرسمية كالتالي :
- أول فئة أوتوماتيك = 120,000 جنيه
- أوتو فول أوبشن = 121,000 جنيه
- هاي لاين = 127,000 جنيه (و دي أكيد فيها وسائل امان)
طبعا انت مستعجل و هاتجيبها من السوق يعندي هاتعدي ال 130,000 جنيه كده

طيب ما انت كده قربت من سعر التيدا في السوق لو زيرو
و لو مش فارقة معاك هاتها مستعملة بحالة نظيفة و بسعر أقل من الاكسنت و انت أولي بالفرق و الاوفر برايس و لا أيه ؟

[matantawy]

بص يا باشا انا بشترى اكسنت دلوقتى و احترت بينها و بين التيدا ف هقولك كل حاجة اعرفها و الاسعار كمان ان شاء الله

اولا التيدا امتن و يقال ثباتها احسن و الكلام ده كله، بس انا مجربتش بصراحة عشان أأكد الكلام ده
التيدا الشكل الحالى مشكلتها شكلها سئ سئ مش شبابية خالص و ده من وجهة نظرى
التيدا مميزتها ان فيها اير باج و ABS بأرخص من الاكسنت
التيدا سعر اعادة بيع منخفض و قطع غيار مهما كان مش زى اى هيونداى
اظن انت عارف اسعار التيدا بس هقول تانى، اتوماتيك ب اير باج + ABS ب 120 تقريبا، هايلاين جنوط و كلام من ده اظن 133

الاكسنت بقى
مميزاتها، شكل حلو و موفرة بنزين و سعر اعادة بيع و قطع غيار بس متعتمدش على التوكيل اوى عشان بيبقوا حرامية ساعات
عيوبها، اول فئة اوتوماتيك مفهاش اير باج ولا ABS
اسعارها بقى، انا اعرف الاوتوماتيك
ملحوظة: الاسعار دى بعد خصم 3 الاف و العرض ده سارى دلوقتى بس محدش يعرف لإمتى!
اول فئة 119
1 اير باج 121
1 اير باج + ABS ب 124
2 اير باج + ABS ب 126
هايلاين 135 تقريبا او اقل

لو ناوى اكسنت rb فعلا يبقى انصحك بسرعة اجرى و احجز عشان انا شخصيا لفيت كل المعارض عقبال ما لقيت و لو استنيت ممكن الخصم يروح + الاسعار ممكن تغلى

نصيحتى: 2 اير باج + ABS ب 126
تبقى اخدت من الاكسنت كل حاجة و زودت عليها شوية عناصر امان ب 6 الاف ، بس يا رب تلاقيها لأنى ملقتش الفئة دى للأسف الناس اشترتها بسرعة جنونية لأنها مكانتش بتنزل قبل كده ساعتها تجرى تلحق ال 1 اير باج + ABS ب 124

و يا رب اكون نفعتك و جاوبت على اسألتك

[beshoyyy]

مشكلة المساعدين كانت في الدفعات الاولي فقط اللي نزلت في 2012 لكن بعد كده تم تلافي العيب ده في موديلات 2013

طبعا النيسان تيدا عربية جميلة جدا و لا غبار عليها لكن تعالي نفكر بالعقل وواحدة واحدة كده :
- انت كنت بتفكر في عربية واسعة جدا و ياباني فيها وسائل امان ... صح
- سعر التيدا أول فئة أوتوماتيك ب 120,000 جنيه
و في السوق تعمل لحد 133,000 تقريبا

- هل من المنطق أنك تجيب البديل بتاعها يكون أقل في الوسع و من غير وسائل امان ؟
طبعا بغض النظر كوري و لا مش كوري

يبقي ليه التفكير في أول فئة ؟

أسعار الأكسنت rb الرسمية كالتالي :
- أول فئة أوتوماتيك = 120,000 جنيه
- أوتو فول أوبشن = 121,000 جنيه
- هاي لاين = 127,000 جنيه (و دي أكيد فيها وسائل امان)
طبعا انت مستعجل و هاتجيبها من السوق يعندي هاتعدي ال 130,000 جنيه كده

طيب ما انت كده قربت من سعر التيدا في السوق لو زيرو
و لو مش فارقة معاك هاتها مستعملة بحالة نظيفة و بسعر أقل من الاكسنت و انت أولي بالفرق و الاوفر برايس و لا أيه ؟

انا مقتنع جدا براي المهندس / سمير الشهاوي
بس للعلم مافيش تيدا نهائيا في اي معرض و سعرها الان في الوكيل 120000 سيدان اتوماتيك و الهاي لاين 133500 في الوكيل

[Walid_M]

يا فندم لما الواحد يجي يشتري عربية لازم يضع بعض المعايير من خلالها يحدد نوع العربية منها للتوضيح وليس الحصر :

1- حيستخدم العربية دي في إيه ؟ { جوه البلد غالباً , سفر غالباً , أسرة كبيرة , أسرة صغيرة ........... الخ }.

2- مراكز الصيانة المتوفرة في المنطقة اللي موجود فيها .

3- المبلغ المرصود لشراء السيارة .

4- توافر قطع الغيار بمحلات قطع الغيار والإستعمال وتناسبها مع دخلي الشخصي .

5- قدرة الصنايعية في التعامل مع العربية وعمل الصيانات اللازمة لها .

6- الراحة النفسية والاحساس بالشبع النفسي تجاه سيارة معينة .

7- سعر إعادة البيع وسهولة البيع لو أنا بغير خلال فترات قريبة مثلاً .

8- حضرتك شاب ولا راجل كبير , الاستخدام لرجل أم سيدة ......... الخ .

وهكذا من خلال هذه المعايير وغيرها تقدر تحدد النوع المناسب لحضرتك .....

إنما الاكسنت ال rb عربية مميزة جداً من خلال بعض المعايير !!!

تحياتي

[mody_elmasry]

تعديل بسيط بس مش اكتر الاكسنت اللي هيه ب 127 الف فيها جنوط وطاره مالتي وبلوتوث وجراب نظاره والكونسله وشبوره بس مفيهاش اير باج ولا ايه بي اس والفئه اللي ب 121 هي هي اول فئه اوتو اللي ب 119 بس فيها اير باج واحده فقط

[khaabas]

وعالفكرة برده الار بى الكاملة مانيوال 2013 فيها ايرباج للسائق

[Ghosts]

يا فندم لما الواحد يجي يشتري عربية لازم يضع بعض المعايير من خلالها يحدد نوع العربية منها للتوضيح وليس الحصر :

1- حيستخدم العربية دي في إيه ؟ { جوه البلد غالباً , سفر غالباً , أسرة كبيرة , أسرة صغيرة ........... الخ }.

2- مراكز الصيانة المتوفرة في المنطقة اللي موجود فيها .

3- المبلغ المرصود لشراء السيارة .

4- توافر قطع الغيار بمحلات قطع الغيار والإستعمال وتناسبها مع دخلي الشخصي .

5- قدرة الصنايعية في التعامل مع العربية وعمل الصيانات اللازمة لها .

6- الراحة النفسية والاحساس بالشبع النفسي تجاه سيارة معينة .

7- سعر إعادة البيع وسهولة البيع لو أنا بغير خلال فترات قريبة مثلاً .

8- حضرتك شاب ولا راجل كبير , الاستخدام لرجل أم سيدة ......... الخ .

وهكذا من خلال هذه المعايير وغيرها تقدر تحدد النوع المناسب لحضرتك .....

إنما الاكسنت ال rb عربية مميزة جداً من خلال بعض المعايير !!!

تحياتي

+ 11111111111111111 ....
أهم نقطة لفتت نظرى فى كل المعايير دى هى
الراحة النفسية والاحساس بالشبع النفسي تجاه سيارة معينة .

و دى بصراحة مشكلة كبيرة لأن الأنسان دايمآ بيحب الأحسن و كل شوية بنلاقى عربيات شكلها يجنن يعنى مثلآ أبن خالى أشترى ال RB من 7 شهور بعد ما كان هيتجنن بسببها و مريحاة جدآ و بعدين دلوقتى عايز يبيعها لأخوة و يجيب هو الألنترا بالرغم أنة مش متجوز يعنى مش محتاج عربية أكبر .. تفتكر دة أسمة طمع و لا طموح ولا جنان رسمى؟؟!!

[khaabas]

الار بى كمان ماشاء الله عربية اعتمادية وسيبك من الكلام الفاضى بتاع انها عربية سيتى كار اعرف ناس عامله بار بى 2012 150 ألف كيلو 90 % منها سفر وبسم الله ما شاء الله الله اكبر كانها لسه زيرو بس الصراحة الصديق ده بيعمل الصيانات في ميعادها ومهتم بيها علشان مطلع عين اللى خلفوا العربية