النترا 2008 ابوابها بتكهرب

[HaMaKyy]

السلام عليكم

العربية عندى كل ما امسك الباب لما افتحة بيكهربنى
دة اية بالظبط من السنتر ولا كهربا زيادة ولا اية وهل ليها حل ؟

[mshmshm3]

انت عندك كهربا زيادة في جسمك ده لو انت بتتلسع كل لما تلمس الباب من اي حتة صاج لما تيجي نازل
انا عندي المشكلة دي و بتظهر في الشتا و في اماكن كتير غير العربية زي البيت و باب الاسانسير
الحل في العربية لما تفتح الباب ما تحطش رجلك علي الارض و امسك معدن الباب و انت ماسك الباب حط رجلك في الشارع علي الارض كدة انت فرغت الشحنة الزيادة
دي طريقة انا مجربها
بعملها و بحس ان الناس بتقول عليا مش طبيعي

[Ahmedhussein007]

انا كمان كده

[mody_elmasry]

حاجه طبيعيه جدا وبتزيد مع نوعية اللبس يعني لو لبسك فيه نسبة بولستر عاليه او ما شابه هيحصلك مايسمي بالاستاتك شارج وده شئ عادي

[seri0us]

حاجه طبيعيه جدا وبتزيد مع نوعية اللبس يعني لو لبسك فيه نسبة بولستر عاليه او ما شابه هيحصلك مايسمي بالاستاتك شارج وده شئ عادي

هوووووو ده الكلاااااااااااااام المظبوووووووووووط +11111111

مش موضوع جسمك فيه شحنات كهربا زيادة ... هو حسب نوع ملابسك لانها الحركة
دي كانت بتحصل معايا بالذات في الشتاء مع جاكيت معين و ربطت بينه و بين الكهربا
و كنت بسمع صوت الشحنات من الجاكيت نفسه ...

فماتقلقش عربيتك تمام و انت تمام و لبسك بعضه مش كله مش تمام هههههههههههههه

[mody_elmasry]

[QUOTE=seri0us;3874934920]هوووووو ده الكلاااااااااااااام المظبوووووووووووط +11111111

مش موضوع جسمك فيه شحنات كهربا زيادة ... هو حسب نوع ملابسك لانها الحركة
دي كانت بتحصل معايا بالذات في الشتاء مع جاكيت معين و ربطت بينه و بين الكهربا
و كنت بسمع صوت الشحنات من الجاكيت نفسه ...

فماتقلقش عربيتك تمام و انت تمام و لبسك بعضه مش كله مش تمام




ههههههههههههههههههه جامده لبسه بعضه مش تمام

[aw2100]

بالنسبة للكهربية الساكنة بتحدث نتيجة شحن الجسم من الأحتكاك لمواد مولدة للكهربية الساكنة وده فى الأماكن اللى بيكون الجو جاف لايحتوى على الرطوبة وبيظهر فى فصل الشتاء ولايحدث فى الصيف لارتفاع نسبة الرطوبة فى الجو ودة ممكن يحدث مع المشى على السجاد او الموكيت المصنع من خامات من البوليستر او من الملابس المصنعة من نفس المادة والفولت الناتج بيوصل حوالى 5000 فولت وبحدث التفريغ اللى بيكهرب مجرد لمس جسم معدنى موصل بالأرضى او جسم معدنى كبير وممكن رؤية الشرارة الناتجة فى الظلام وده ممكن تشوفة لو خلعت بلوفر بوليستر فى الظلام حتسمع صوت طقطقة وممكن تشوف الشرارة الناتجة وده لية خطورة على اى جهاز كهربائى بتفرغ فية الشحنة دى زى اجهزة المحمول او اللابتوب او الكومبيوتر بتحصل لية صدمة كهربائية تؤدى لتلف الجهاز تماما تحياتى !!!