اللى زهقان يدخل

[elmo7amed]

انا عارف ان الموضوع غريب شويه بس مش كل مشاكلنا بتبقى فى العربيات اكيد فى حاجات تانيه بتزهق وبتنكد علينا ....

انا عاوز الكل يفضفض ويقول اللى مزعله واللى فى قلبه علشان ميحصلوش حاجه زيى انا دلوقت .

زهقااااااااااااااااااااااااااان قوى يا رجاله ومش عارف اعمل ايه

ومش عارف برده اقول ازاى .ادعولى

[alaamousa]

احكي يا باشا فضفض

[نينو]

انا زهقان اوي مفيش شغل خالص كل يوم زي مفتح زي مقفل و مفيش حد بيشتري اي حاجة خالص انا عندي محل دهب

[نينو]

بفكر في اي حاجة تاني بس عاوز اجازف و اجرب بالفلوس اعمل ايه

[elmo7amed]

احكي يا باشا فضفض

والله يا استاذ علاء كل المشكله انى مش مقصر فى اى حاجه وقايد صوابعى العشره شمع .. وفى الاخر كأنك معملتش اى حاجه .

[elmo7amed]

انا زهقان اوي مفيش شغل خالص كل يوم زي مفتح زي مقفل و مفيش حد بيشتري اي حاجة خالص انا عندي محل دهب

حضرتك ياباشا شغلك عاوز صبر اليومين دول بس لان فى حاله من عدم الاستقرار فى السوق من ارتفاع مفاجئ وانخفاض كبير فالناس خايفه تخسر وبعدين شغلك برده حساس شويه يعنى مرتبط بفلوس فصبرا جميل

[john55]

دا مش حالك لوحدك دا حال 90% من الشعب المصري بس الواحد يعمل ايه انا كنت خلاص مهاجر ومسافر وهسيب البلد لكن فيها حاجه مخلياني اقعد فيها مش عارف ايه هيا

[Ashraf_Ibrahim]

اهلا بيك يابو حميد منورنا والله :]
فيه موضوع فكرته مشابهة لكدة يا عزيزي

http://www.nilemotors.net/Nile/277828-a.html

[احمد نظمي]

اللهم اني اعوذ بك من الهم والحزن واعوذ بك من العجز والكسل واعوذبك من غلبة الدين وقهر الرجال
لا اله الاانت سبحانك اني كنت من الظالمين

[khaabas]

والله يا استاذ علاء كل المشكله انى مش مقصر فى اى حاجه وقايد صوابعى العشره شمع .. وفى الاخر كأنك معملتش اى حاجه .

أممممممممم شكلها كدة مشكلة أسرية معلش يا كبير استحمل و99.9999999% من الشعب المصرى زهقان وموش عارف يعمل أيه فاصبر شوية يا اخى ان الله مع الصابرين ومتقلبش علينا ام المواجع ايه ده احنا جاين المنتدى نبسط ولا نزهق وادى النت كله سايبهلكم علشان تستريحوا ههههههههع
( فصبرا جميل )
:)

[khaabas]

دا مش حالك لوحدك دا حال 90% من الشعب المصري بس الواحد يعمل ايه انا كنت خلاص مهاجر ومسافر وهسيب البلد لكن فيها حاجه مخلياني اقعد فيها مش عارف ايه هيا

طبيعى اى مصري بيفكر فى السفر بيسئل السؤال ده ان فيه حاجة مخلياه اقعد فيها ؟؟؟
والاجابة لاننا شربنا من نيلها وميه النيل ملوثة بكل اللى قلبك يحبه من ملوثات طبيعة وكيمائية وبتنجانية
فجالنا المرض فموش قدرين نتحرك علشان نسافر ههههههههههع عرفت بقى ايه اللى مخليك قاعد فيها هههههههع

[khaabas]

حضرتك ياباشا شغلك عاوز صبر اليومين دول بس لان فى حاله من عدم الاستقرار فى السوق من ارتفاع مفاجئ وانخفاض كبير فالناس خايفه تخسر وبعدين شغلك برده حساس شويه يعنى مرتبط بفلوس فصبرا جميل

ما انتا حلو اهو وبتصبر الناس هههههههع طيب ما تصبر نفسك شوية يا جميل هههههع

[elmo7amed]

والله مش قادر يا كباس تعبت وفاض بيا فعلاااااااااااااااااااااااااااااا وصبرت كتير ومش نافع ومش عارف ايه العمل والله لو عرفتنى حتتخنق من صبرى وكظمى للغيظ .بس انما للصبر حدود على راى الست :((

[elmo7amed]

اهلا بيك يابو حميد منورنا والله :]
فيه موضوع فكرته مشابهة لكدة يا عزيزي

http://www.nilemotors.net/nile/277828-a.html

حبيبى يا استاذ اشرف ..انا مش عامل موضوع او فكره ..القصه بس انى عاوز فئه معينه من الناس تفضى همومها وان كان الموضوع مدايق حضرتك فممكن نطلب من الاداره انها تشيله ..معلش دووووووول شويه زهق وربك كريم

[ابو لؤى]

انا زهقان اوي مفيش شغل خالص كل يوم زي مفتح زي مقفل و مفيش حد بيشتري اي حاجة خالص انا عندي محل دهب

انا بقى زيك بالظبط بس الفرق انى معايا طياره وكنت زمان فى ايام زى دى الناس تتحايل عليا علشان تاخد اماكن انما الايام دى انا اللى بتحايل على الناس البلد الحركه فيها قليله اوى اوى اوى ربنا يرزقك ويرزق كل المسلمين يارب