إعـــــــلان

Collapse

.

,
See more
See less

تقرير شراء اكسنت rb 2013 من معرض الطارق و تقسيط بنك ناصر

Collapse
X
 
  • Filter
  • الوقت
  • Show
Clear All
new posts

  • تقرير شراء اكسنت rb 2013 من معرض الطارق و تقسيط بنك ناصر

    بسم الله الرحمن الرحيم

    الحمد لله، بعد مساعدة الناس هنا http://www.nilemotors.net/Nile/344722-a.html -ربنا يكرمكم- اشتريت الاكسنت RB من معرض الطارق و تقسيط بنك ناصر، و حبيت انى اشارك بكل المعلومات اللى عندى و يا رب تفيد الناس

    اولا العربية:

    اكسنت RB موديل 2013 اوتوماتيك و مزودة ب 1 Air Bag و ABS
    نصيحتى: اللى يلاقى اللى فيها 2 Air Bag يجيبها احسن، الفرق الفين جنيه بس امان للى معاك بالذات لو هيبقى جمبك زوجتك مثلا كتير لو معهاش عربية بتاعتها، بس انا للأسف ملقتهاش خالص كانت خلصانة

    معروف عن العربية مشكلة المساعدين الخلفية و دى بتتغير رسمى ببلاش من التوكيل، مثلا فى صيانة ال 1000 و شوفوا الموضوع ده برضه http://www.nilemotors.net/Nile/347721-rb.html

    عربيات منافسة: نيسان تيدا - كيا ريو

    ثانيا المعرض:
    انا سألت على العربية باللون اللى عاوزه و الAir Bag و الABS ملاقتهاش غير عند معرض الطارق و حتى كانت شحنة لسه داخله مش كانت عنده و مركونه
    السعر من غير تخفيض غبور هو 127، بعد تخفيض 3 الاف يبقى 124، الطارق بيبعها ب 123.5
    و للعلم الفئة الاولى اوتوماتيك بالخصم عاملة 119، الفئة الاولى + 2 Air Bag و ABS ب 126 بعد الخصم
    المعرض ليه فى القاهرة فرعين، 6 اكتوبر و العجوزة، انا اتعاملت مع فرع العجوزة
    الناس كويسة جدا و بيعاملوا الواحد كويس مع العلم انى هرييييييته مكالمات كل ساعتين لمدة اسبوع ! :D
    المعرض الوحش فيه شوية انه مش بيدى اى هدايا، بس لو حسبتها هتلاقى الهدايا باقل من 500 جنيه اللى هو نزلهم رسمى من غير فصال فى سعر العربية

    المعرض طبعا بيبعت مندوب و ممكن يخلصلك الترخيص فى المرور و انت قاعد باشا
    العربية كان فيها كل حاجة الحمدلله من عدة و استبن و كتالوج و ضمان العربية و الكاسيت الاصلى و الكاوتش، و كانت عاملة 70 كيلو بس عشان اتنقلت من معرض لمعرض، اه دى مسافة كبيرة شوية بس اهو على الاقل انا ضامن انه مكنش فاصل كابل العداد

    البنك:
    بنك ناصر الاجتماعى، فرع اول مكرم عند تقاطعه مع الاوتوستراد
    فائدة 6.5%
    لا يشترط تأمين على العربية
    يمكن ربط وديعة بنسبة 40% من المديونية و بكده تبقى مش محتاج لا ضامن ولا نقل مرتب، العائد على الوديعة -بيقولوا- اسلامى لأنه مش ثابت بس فى 2012 كان -ما شاء الله- 10.1%
    وديعة ب 75% من المديونية تغنيك عن التأمين الاجبارى على الحياة و يتبقى بس حظر البيع
    وديعة 100% تشيل كمان حظر البيع
    و ده لينك بيحسب كل حاجة و فيه كل المعلومات و الورق المطلوب
    http://www.nsb.gov.eg/nsb/togaria/malaki.aspx
    لو هتروح الفرع ده ممكن تسأل على استاذ احمد سامى، خدوم خدوم خدوم و برضه هريته مكالمات :D

    كماليات:
    النهاردة رحت "
    أولاد عشم نوار" 46 شارع دمشق و صرفت ال500 جنيه اللى المعرض وفرهملى فى الأتى
    • دراع دريكسون
    • غطاء للعربية
    • كابل توصيل بطارية
    • كابل جر
    • دواسات تايوانى

    دول على بعض عملوا 500 جنيه لأنى شبه جبت اغلى حاجة من كل حاجة -يا ريت لو كده مضحوك عليا حد يقول -


    الخطوة الجاية ان شاء الله: تسليح الزجاج و تركيب وسيلة تأمين لمنع دوران العربية لو انا مش فيها
    اقتراحاتكم بقى للتسليح فين؟ و وسيلة التأمين ايه؟

    [FONT=Tahoma][SIZE=5][COLOR=Navy]م/محمود طنطاوى[/COLOR][/SIZE][/FONT]

  • #2
    ماشاء الله لا قوة الا بالله.
    الف مبروك يا باشا وربنا يباركلك فيها.

    بالنسبه لأسعار الاكسسوارات الي حضرتك جبتها تقريبا سعرها غالي شوية بس لو جودتها كويسه يبقى مصلحه وكويس انك جبت حاجات المفروض اساسيه في اي عربيه.

    بخصوص تسليح الزجاج. تقصد ايه بتسليح الزجاج ؟ هل تقصد الفيلم الي بيتحط زي 3m مثلا ؟ ولا ايه

    Comment


    • #3
      يعني انت جبت اللي فيها 2 اير باج ولا واحده بس ودفعت مقدم كام
      [SIGPIC][/SIGPIC]Www.facebook.com/groups/peugeot.301.fans

      Comment


      • #4
        المشاركة الأصلية كتبت بواسطة mahmoud_afifi مشاهدة المشاركة
        ماشاء الله لا قوة الا بالله.
        الف مبروك يا باشا وربنا يباركلك فيها.

        بالنسبه لأسعار الاكسسوارات الي حضرتك جبتها تقريبا سعرها غالي شوية بس لو جودتها كويسه يبقى مصلحه وكويس انك جبت حاجات المفروض اساسيه في اي عربيه.

        بخصوص تسليح الزجاج. تقصد ايه بتسليح الزجاج ؟ هل تقصد الفيلم الي بيتحط زي 3m مثلا ؟ ولا ايه
        الله يبارك فيك يا باشا و امين يا رب
        اه انا حاسس ان الحمدلله الجودة كويسة و انا فعلا ركزت على الاساسيات المهمة
        و التسليح اه اللى هو ضد الطوب و كده، لو فى تسليح تانى قوللى برضه ابقى عارف
        [FONT=Tahoma][SIZE=5][COLOR=Navy]م/محمود طنطاوى[/COLOR][/SIZE][/FONT]

        Comment


        • #5
          المشاركة الأصلية كتبت بواسطة ebrahim mayalo مشاهدة المشاركة
          يعني انت جبت اللي فيها 2 اير باج ولا واحده بس ودفعت مقدم كام
          انا جبت اللى فيها 1 اير باج، بس كنت عارف سعر اللى فيها 2 اير باج فكتبته بس مكنتش متوفرة اللى فيها 2 اير باج للأسف
          المقدم: البنك بيسمح ب15% مقدم على الأقل و دى ميزة كويسة فيه برضه
          [FONT=Tahoma][SIZE=5][COLOR=Navy]م/محمود طنطاوى[/COLOR][/SIZE][/FONT]

          Comment


          • #6
            المشاركة الأصلية كتبت بواسطة matantawy مشاهدة المشاركة
            الله يبارك فيك يا باشا و امين يا رب
            اه انا حاسس ان الحمدلله الجودة كويسة و انا فعلا ركزت على الاساسيات المهمة
            و التسليح اه اللى هو ضد الطوب و كده، لو فى تسليح تانى قوللى برضه ابقى عارف
            ابراهيم الي في شارع دمشق بتاع الفاميه عنده 3m بس مغلواني شوية. ماعرفش حد تاني عنده!
            لو تعرف تطلبه من بره مصر وتركبه عند اي حد بتاع فاميه هيقف عليك ارخص من الي هنا على ما اعتقد بس ماجربتش الصراحه. أصل هتسمع ارقام فلكيه عشان تعمل العربيه كلها (تقريبا الفين ونص العربيه كلها). ولو الزجاج الامامي بس حوالي 400

            وهي دي الطريقه الوحيده الي اعرفه عن حماية الزجاج للأسف :)

            Comment


            • #7
              الف مبروك يا باشا
              ربنا يباركلك فيها وتاخد خيرها ..

              Comment


              • #8
                اخيررررررررررررررررررررررررررررررررررا الف الف الف الف مبروك يا برنس ربنا يديك خيرها ويكفيك شرها بس متعلبش كتير فى العربية اهدى شوية وسيبها كده
                وبالنسبة لمشكلة المساعدين يا برنس 2013 مفيهاش المشكلة دى اساسا والمشكلة دى كانت فى دفعات في 2012 وتم تلافيها
                ابتدى اتحرك بالعربية علشان ارخم حاجة فيها ابعدها ولو عاوز تركب حاجة ركب سنسور بارك قبل اى حاجة لان ابعاد العربية رخمة في الأول
                والف مبروك يا كبير

                Comment


                • #9
                  الف الف مبروووك ربنا يباركلك فيها

                  Comment


                  • #10
                    الافراج الجمركي وصل بالسلامه
                    الف مبروك يا باشا وربنا يديك خيرها ويكفيك شرها ويحميهالك من الحسد والعين
                    مبروك يا كبير
                    [SIZE=3][COLOR=Sienna]أنا سعيد انك سألتني السؤال د[/COLOR][/SIZE][SIZE=3][COLOR=Sienna]ه[/COLOR][/SIZE][SIZE=3][COLOR=Sienna]:star1:[/COLOR][/SIZE][SIZE=3][COLOR=Teal]
                    [SIZE=5][COLOR=Teal]محمد كُريم[/COLOR][/SIZE][/COLOR][/SIZE]

                    Comment


                    • #11
                      بالنسبه لفصل دوران العربية لو انت مش فيها
                      الطريقة اللي انا اعرفها وكنت عملتها عند ادريان اللي جنب محطه موبيل اللي في صلاح سالم عند كوبري الجلاء
                      كنت ركبت جهاز انزار هناك
                      فكان رابط الانزار بالبنزين بحيث لما تشغل الانزار يفصل البنزين عن العربية عشان متتحركش
                      جربت مره اشغل الانزار وانا ماشي بالعربية على محور الـ na عند ستاد الدفاع الجوي اول ما شغلت الانزار لقيت العربية ابتدت تقطع زي ما تكون العربية قطعت بنزين والماتور وبدئت تهدى لحد ما وقفت خالص
                      بس بصراحه رحت بعد كده غيرت نظان توصيل الانزار ولغيت الموضوع ده مش عشان حاجه بس خفت موضوع فصل دوره البنزين دي كل شويه يكون لها مشاكل بعد كده وكمان كنت خايف يحصل اي مشاكل للانزار ولا يعلق فمعرفش احرك العربية
                      عشان كده لغيته
                      بس الموضوع ده انت مش هتعرف تعمله إلا في الوكيل (ده لو كانوا بيعملوه) عشان ميخرجولكش العربية من الضمان
                      لحد ما تشوف الموضوع ده ممكن تغمله ازاي ممكن تجيب كلابشات للدركسيون بس دور على حاجه نضيفة على قد ما تقدر
                      وربنا يحفظهالك ويبعد عنك ولاد الحرام (الله يحرقهم ملبشنا)
                      [SIZE=3][COLOR=Sienna]أنا سعيد انك سألتني السؤال د[/COLOR][/SIZE][SIZE=3][COLOR=Sienna]ه[/COLOR][/SIZE][SIZE=3][COLOR=Sienna]:star1:[/COLOR][/SIZE][SIZE=3][COLOR=Teal]
                      [SIZE=5][COLOR=Teal]محمد كُريم[/COLOR][/SIZE][/COLOR][/SIZE]

                      Comment


                      • #12
                        المشاركة الأصلية كتبت بواسطة S O P H O S مشاهدة المشاركة
                        الف مبروك يا باشا
                        ربنا يباركلك فيها وتاخد خيرها ..
                        المشاركة الأصلية كتبت بواسطة youssef_u مشاهدة المشاركة
                        الف الف مبروووك ربنا يباركلك فيها
                        المشاركة الأصلية كتبت بواسطة mhkorayem مشاهدة المشاركة
                        الافراج الجمركي وصل بالسلامه
                        الف مبروك يا باشا وربنا يديك خيرها ويكفيك شرها ويحميهالك من الحسد والعين
                        مبروك يا كبير
                        الله يبارك فيكم و امين يا رب

                        المشاركة الأصلية كتبت بواسطة khaabas مشاهدة المشاركة
                        اخيررررررررررررررررررررررررررررررررررا الف الف الف الف مبروك يا برنس ربنا يديك خيرها ويكفيك شرها بس متعلبش كتير فى العربية اهدى شوية وسيبها كده
                        وبالنسبة لمشكلة المساعدين يا برنس 2013 مفيهاش المشكلة دى اساسا والمشكلة دى كانت فى دفعات في 2012 وتم تلافيها
                        ابتدى اتحرك بالعربية علشان ارخم حاجة فيها ابعدها ولو عاوز تركب حاجة ركب سنسور بارك قبل اى حاجة لان ابعاد العربية رخمة في الأول
                        والف مبروك يا كبير
                        الله يبارك فيك و اخييييييييييرا ! :D
                        على فكرة اما كنت فى التوكيل يوم السبت اللى فات ده و سألت قالولى انه بيتغير حتى فى ال 2013، سألت تحديدا "هى المشكلة لسه فى 2013؟؟" قالولى هى مش مشكلة بس المساعدين مش بيبقول مناسبين لشوارعنا
                        عموما اما اوصل لل 1000 و اروح هقولكم عملت ايه ان شاء الله
                        و بالنسبة للأبعاد ف اه ه ه ه ه انا بتعذب ! من لادا اللى كل ابعادهل وضحة ل i10 بتاعت اختى لل اكسنت ! حاسس انى كنت سايق فلوكة و داخل عالتايتانيك :D

                        سيسنور بارك منين و بكام تقريبا و لو فى منه انواع اشرحلى فى السريع او دلنى على موضوع هنا مشروح فيه الكلام ده الله يخليك !
                        [FONT=Tahoma][SIZE=5][COLOR=Navy]م/محمود طنطاوى[/COLOR][/SIZE][/FONT]

                        Comment


                        • #13
                          المشاركة الأصلية كتبت بواسطة mhkorayem مشاهدة المشاركة
                          بالنسبه لفصل دوران العربية لو انت مش فيها
                          الطريقة اللي انا اعرفها وكنت عملتها عند ادريان اللي جنب محطه موبيل اللي في صلاح سالم عند كوبري الجلاء
                          كنت ركبت جهاز انزار هناك
                          فكان رابط الانزار بالبنزين بحيث لما تشغل الانزار يفصل البنزين عن العربية عشان متتحركش
                          جربت مره اشغل الانزار وانا ماشي بالعربية على محور الـ na عند ستاد الدفاع الجوي اول ما شغلت الانزار لقيت العربية ابتدت تقطع زي ما تكون العربية قطعت بنزين والماتور وبدئت تهدى لحد ما وقفت خالص
                          بس بصراحه رحت بعد كده غيرت نظان توصيل الانزار ولغيت الموضوع ده مش عشان حاجه بس خفت موضوع فصل دوره البنزين دي كل شويه يكون لها مشاكل بعد كده وكمان كنت خايف يحصل اي مشاكل للانزار ولا يعلق فمعرفش احرك العربية
                          عشان كده لغيته
                          بس الموضوع ده انت مش هتعرف تعمله إلا في الوكيل (ده لو كانوا بيعملوه) عشان ميخرجولكش العربية من الضمان
                          لحد ما تشوف الموضوع ده ممكن تغمله ازاي ممكن تجيب كلابشات للدركسيون بس دور على حاجه نضيفة على قد ما تقدر
                          وربنا يحفظهالك ويبعد عنك ولاد الحرام (الله يحرقهم ملبشنا)
                          انا ان شاء الله مش هركب قبل مسأل التوكيل لو عندهم حل هما، بس لو مفيش يبقى هلف و ادور شوية و اقارن لحد موصل لحاجة موثوق فيها
                          [FONT=Tahoma][SIZE=5][COLOR=Navy]م/محمود طنطاوى[/COLOR][/SIZE][/FONT]

                          Comment


                          • #14
                            تقرير رائع شكرا جدا جدا جدا
                            الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

                            Comment


                            • #15
                              الف مبروك ربنا يرزقك خيرها وشكرا علي معلومة 3m جديده بالنسبه ليا
                              [FONT=Comic Sans MS]اللهم احسن خاتمتنا
                              [/FONT]

                              Comment

                              Working...
                              X