استشاره من اعضاء هيونداى

[mbisar]

استفسار للرجاله
انا معايا كورولا 2005 مانوال 1300 بدون زجاج كهرباء و ماشيه 125 الف كيلو
يعنى قديمه و فقيره رغم انها عاليه و تكيف تلاجه و استهلاك بنزين جميل جدا و ناعمه جدا
و انا تقريبا معايا فى حدود 125 ل 130 الف جنيه
يا سيراتو الشكل القديم يا النترا الشكل الجديد
انا سألت على السيراتو هناك فى منتدى الكيا و دلوقتى بسأل عند حضراتكم
المبلغ ده تقريبا ميجيبش النترا زيرو بس ممكن يجيب حاجه كسر الزيرو انا مش قادر احدد الأسعار حاسس انها تقريبا بتتغير كل 3 ساعات .... يا ريت اقدر اجيبها زيرو ..
السؤال ... رأى حضرتكم سيراتو ولا النترا و ايه الفرق بين الألنترا الخليجى و الوكيل يعنى ادور على ايه بالظبط و هل الفرق بين عربيتى و بين الألنترا كبير يعنى التطور كبير و يستاهل التغيير ؟ و شكرا مقدما لحضراتكم

[Samir Elshahawy]

أخي الفاضل ..

أولا.. أهلا بك في قسم هيونداي و نتمني أنك تشرفنا علي طول أن شاء الله و تكون عضو دائم معنا

ثانيا .. بالنسبة لأستفسارك للمفاضلة بين الالنترا md و السيراتو (الشكل السابق) فأكيد أنا هأفضل الألنترا طبعا و لكن للأسباب التالية :
1- شكل أحدث
2- موتور حديث و أقوي (128 حصان)
3- أوبشن و كماليات أعلي
4- عفشة أنعم من السيراتو

ثالثا .. لو هانقارن مابي الألنترا و الكورولا 1300
الألنترا هاتتفوق في النواحي التالية :
1- موتور أقوي و أحدث طبعا عن موتور الكورولا
2- تصميم عصري من الخارج و الداخل
3- صالون واسع و مريح
4- العفشة ناعمة كالتويوتا (علي فكرة كان معايا الياريس و الكورولا 2008)
5- أستهلاك البنزين يمكن أقل من الكورولا حاجة بسيطة مع الاخذ في الاعتبار أنها 1600 مش 1300

ده كل اللي أنا فكره دلوقتي من مميزات الالنترا عن الكورولا و لكن ال 3 عربيات (السيراتو - الألنترا - الكورولا) متقاربين في الاتي :
1- سعر اعادة البيع مرتفع
2- توافر قطع الغيار و مراكز الخدمة
3- الاعتمادية و قلة الاعطال

و هنا في لينك بيحتوي كل موضوعات الالنترا md ياريت تطلع عليه قبل ماتكون رأي نهائي و برضه شوف رأي باقي الاخوة الاعضاء هنا و في قسم كيا

http://www.nilemotors.net/Nile/277467-md.html

[bisar]

الف شكر يا فندم على الأجابه و ان شاء الله هبتدى ادور على النترا كسر الزيرو و ربنا يسهل