مطب على سرعة 100كم

[top_10group]

امبارح كنت ماشى فى طريق اكتوبر بليل ولقيت مطب فجاة قدامى ملحقتش اهدى قوى طبعا والمهم اكلته وكملت عادى.
كنت عايز اعرف ايه تاثيره على العفشة او اى حاجة تانية
ارجو الافادة وشكرا للاخوة الافاضل

[Samir Elshahawy]

بداية حمدا لله علي السلامة

أهم حاجة تتأكد من التالي :
- مستوي كل السوائل في العربية (زيت محرك - مياه تبريد) و أنه لايوجد أي تسريب
- فحص الاطارات و الجنوط
- التأكد من ثبات العربية و أتزانها أثناء السير (مش بتحدف أو مافيش رفة أو غربلة في الطارة)
- مافيش صوت غير طبيعي في الموتور أو أهتزازات زائدة أثناء تشغيله

و أن شاء الله سليمة

[Nashaat Rady]

للاطمئنان وسلامة الأرواح و سلامة السيارة، يفضل انك تروح تكشف عليها و تراجع الترصيص والزوايا...

يفضل انك تروح لمكان محترم تظبط زوايا و ترصص عنده برضه و يبصلك علي العافشة كلها و يربطهالك.

و قدر الله و ما شاء فعل.

[Ahmod]

بتختلف من عربية للتانية

العربيات اللى مش مجنطة واللى راكبلها طاسات مقاس قليل 15 مثلا !! دي اقل عربيات بتتاثر بالمطبات

العربيات الناعمة عموما برضوا من العربيات اللى بتتاثر بالمطبات بشكل خفيف

اما العربيات الناشفة واللى مركبين جنوط كبيرة دي بتزعل جامد من الحفر والمطبات !! ؟

الى غير ان عدد الافراد والحمولة في العربية برضوا بتفرق !! ؟

كمان حجم المطب ذات نفسه وياترى لما خدته كنت دايس فرامل ولا سبت العربية !! ؟ لما نزلت من على المطب حسيت ان العربية اتهبدت جامد ولا اكن ماحصلش حاجة !! ؟

مرة من حوالي تلت سنين تقريبا لبست انا وواحد زميلي مطب على المحور (انا بالياريس وهو سبيرانزا 516)

على سرعة 120 تقريبا كنا جمب بعض ولبسناه !!! كان ورانا واحد صاحبنا تاني ب e60

قالنا الاسبيرانزا نزلت من على المطب اتبهدت في الارض جامد لدرجة ان طلع شرارة من تحت العربية !! ؟ وطبعا زمايلي في الاسبيرانزا قالولي احنا اتبهدنا جامد جدا جدا ومش عارف العربية جابت ايه في العفشة بعدها !!!

بالنسبة ليا الحمد لله طلعت من على المطب نزلت تاني اكني لبست مطب هوا خفيف كدة ولا اكن حاجة حصلت وكملت طريقي عادي

-- فعشان كدة هي بتختلف من عربية للتانية

عموما الالنترا من العربيات اللى عفشتها ناعمة اتوقع ان شاء الله ماحصلش عند حضرتك حاجة

لكن مافيش مانع انك تروح تكشف على العفشة عشان تتطمن

[khaabas]

بالاضافة لكل اللى فات اوعى تاخد مطب وانتا دايس فرامل هدى على قد ما تقدر قبل المطب وسيب العربية وانتا بتاكل المطب
دى نصيحة من مطبجى قديم هههههههههههههههع
والحمد لله طالما انتا موش حاسس ان فيه حاجات اتغيرت بعد المطب خير ان شاء الله

[top_10group]

متشكر جدا لحضراتكم
انا فعلا شيكت على السوائل وبصيت على المساعدين والكاوتش والجنوط ( مش سبور )
والعربية الحمدلله مش بتحدف ( انا مش حاسس باى تغيير )
لكن انا كنت عايز اعرف ايه اللى ممكن يكون اتاثر ويظهر بعد كدة

[mohamed_rhem]

حصل معايا وانا راجع من الصعيد الطريق الشرقي بتاع الجيش مثلث نهايه طريق يمين

وكوبري شمال مفيش اتجاه غيره

فوق كوبري والدنيا ليل والاقي مطب امامي

هوب امسك فرامل وبعدين البس يا معلم

اللي غايظني انه فوق كوبري وبعد ما سبت فرامل الاقي المطب التاني

حسبنا الله ونعم الوكيل في الاستهتار

[top_10group]

انا اللى غايظنى ان الطريق دة بمشى فيه كتير وحافظه لكن المطب دة جديد ومفيش اى علامة ولا حتى عامود نور انا مش فاهم بينتقموا مننا كدة ليه - يعنى حتى لو شوفتو هتلاقيه حاطتتلك واحد تانى فى حتة مش باينة عشان تاخده

[midon1]

هو ايه اللي ممكن يحصل لو أخدت مطب وانا دايس فرامل ؟؟

[wael30003]

]ده شهادة جودة لعفشة الالنترا

الحق لازم يتقال

[AhMeD MeTwAlY]

لسه واكل انا وواحد صحبي مطب علي نفس السرعه تقريبا
كنا مشيين في طريق حفظينه 6 سنين مشي علي الطريق دا ويمكن ازيد
ولسه بقوله افتح النور انا فاكر ان في مطب هنا وطاخ
ضحكنا ضحك

[matantawy]

بالاضافة لكل اللى فات اوعى تاخد مطب وانتا دايس فرامل هدى على قد ما تقدر قبل المطب وسيب العربية وانتا بتاكل المطب
دى نصيحة من مطبجى قديم هههههههههههههههع
والحمد لله طالما انتا موش حاسس ان فيه حاجات اتغيرت بعد المطب خير ان شاء الله

ما تشرحلنا ليه؟

[Eng_Designer]

بالاضافة لكل اللى فات اوعى تاخد مطب وانتا دايس فرامل هدى على قد ما تقدر قبل المطب وسيب العربية وانتا بتاكل المطب
دى نصيحة من مطبجى قديم هههههههههههههههع
والحمد لله طالما انتا موش حاسس ان فيه حاجات اتغيرت بعد المطب خير ان شاء الله

عندك حق حصلت وانا ماشي ع طريق مكنتش دايس اوى بس ضربت فرامل وخدت المطب وانا دايس حسيت ان العربية نزلت جامد والمطب خبط ف حامي الماكينة

[khaabas]

ما تشرحلنا ليه؟

عندك حق حصلت وانا ماشي ع طريق مكنتش دايس اوى بس ضربت فرامل وخدت المطب وانا دايس حسيت ان العربية نزلت جامد والمطب خبط ف حامي الماكينة

هااااا عرفت ليه وله نقول كمان هههع

[mahmoud_afifi]

الوصف الي انت بتقوله عن المطب تقريبا انا لبست هو هو. وانت راجع من ميدان جهينه اتجاه المحور. قصاد محطة موبيل كده صح ؟
لو هو يبقى انا كمان لبسته في رمضان الي فات على سرعة 140 :(