نصيحة بلاش حد يجيب اى عربية كورى :(

[khaabas]

ليه بقى
عربية وحشة جدا :(
تصميم زى الزفت بتفكرنى بالعربيات القديمة :( مفهوش ابداع وموش ملفت للنظر
اعتمادية صفر كان معاى عربية كورى ولا داعى لذكر الاسماء تخيلوا مشيت بيها 120.000 وكنت بغير ليها زيوت وفلاتر يعنى حاجة اى كلام الصراحة
تخيلوا مفيش ميكانيكى مد ايده فيها لحد ما بعتها حقا انها عربيات اى كلام :(
قطع غيارها غالية موت التنين وموش لقيها ولازم الف الجمهورية علشان القيها :( وبكده فقدت اهم ميزة ههههع ( لو عرفتها والنبي ابقى قلى عليها )
كمان الكارثة مفيش ميكانيكى بيفهم فيها تخيلوا واما تقف تكلبش فى الارض لازم اشيلها واه ثم اه لو انتا ساكن فى الاقاليم شيل يا برنس على الونش وادفعلك اقل حاجة 500 ج :(
تخيلوا المصنع حاطط دواسة واحدة بس فى العربية دواسة البنزين ومفيها ش دواسة للفرامل
انا كنت مرة رايح الساحل علشان اعمل فورمة الساحل وكنت ماشى بسرعة 220 تخيلوا دوست فرامل والكاوتش زحف :(
شوف الاعتمادية بتاع اى عربية تانية غير الكورى ملهاش حل
اى عربية تانية مبتعطلش :)
اى عربية تانية بتغير ليها الزيت مرة واحدة فى العمر ( أصل الزيت بتعها معمر )
اى عربية تانية اوف بقى علي السيفتى ............ اللى فيها لو وقعت من فوق جبل هتلاقى ............................* وتلاقى دريكسون العربية طلع شنطة الاسعافات وبيعالجك :)

معلش وانا اسف لو حد زعل من كلامى بس احنا هدفنا من المنتدى اننا نوعى المستهلك اصل المستهلك موش فاهم حاجة وموش عارف حاجة وبيرمى فلوسه فى الارض
ولازم احنا كجيل جديد :) نغير ثقافة المستهلك دى ليه تدفع اقل لما ممكن تدفع اكتر :)
والسوق المصرى غريب غريب غريب دا حتى العربيات الكورى دى مبتبعش الا فى مصر يا جماعة
تخيلوا حتى الكوريين مبيركبوش العربيات دى هههههع

يرجى مراعاة اداب الحوار .

3 ب
3:19 PM
2013/4/23

[hugan]

ههههههههههه
الاوروبي اوربي
عربيات بدون مشاكل وصيانتها رخيصه
المهم انها اعتماديه
انا مش عارف جابو الكلمه دي منين

[Samir Elshahawy]

اى عربية تانية بتغير ليها الزيت مرة واحدة فى العمر ( أصل الزيت بتعها معمر )
اى عربية تانية اوف بقى علي السيفتى ............ اللى فيها لو وقعت من فوق جبل هتلاقى ............................* وتلاقى دريكسون العربية طلع شنطة الاسعافات وبيعالجك :)

هههههههههههههههههههه
جامدة موووووووووووت

[khaabas]

هههههههههههههههههههه
جامدة موووووووووووت

تخيل يا هندسة واحد صحبى كان معاه عربية موش كورى طبعا وكان جايب بـ 2 جنيه عيش وحاططهم فى شنطة العربية وواحد غبى خبطه من ورا لقيته مبسوط وفرحان وقلي شوفت الفرق بين عربيتى والعربيات الكورى أهو لولا الايرباج اللى فى الشنطة كان العيش باظ واتكلفت 2 ج تانى علشان اجيب عيش غير اللى باظ
بصراحة انا بهير نفسى انبهرت

[Amr2004IBM]

التعميم غلط اخي الكريم
انا شايف ان حضرتك مخنوق من العربيه فى بعض النقاط و التى لك تتناسب مع توجهاتك و بتالى حصلت الصدمه
اوﻻ موتور الكورى ممتازه بدليل انك بتجيب 220
ثانيا موفره الى حد ما فى الوقود و
ثالثا بعض الماركات صنعه طفره فى شكل السياره الخارجى و بالتالى شكلها اصبح يغطى على العيوب التى سبقت و ذكرتها و بذلك اصبحت اكثر انتشارا
اههههه انا متفق معاك ان ينقصها حجات كتير هامه كثل عوامل الامان و القوه و ذلك لانه مكلف و بتالى لن تقدر علي الحصول عليه فئات كثيره
السيارات الكورى سيارت ناجحه جدا كسيارات مدن اكثر
اخى الكريم....
الشاطر الى يعرف يقيم احتياجاته و يختار السياره المناسبه فى حدود امكانياته
وتقبل مرورى و لك تحياتى
على فكره انا سياراتى اما كانت ربيه او يابانيه و برغم من ذلك يجب ان يكون الراى يغطى السلبيات و الايجابيات بشكل فعلى و ليس تحيزى لتعم الفائده
و الشاطر الى يختار صح

[Dr'AhmZZong]

التعميم غلط اخي الكريم
انا شايف ان حضرتك مخنوق من العربيه فى بعض النقاط و التى لك تتناسب مع توجهاتك و بتالى حصلت الصدمه
اوﻻ موتور الكورى ممتازه بدليل انك بتجيب 220
ثانيا موفره الى حد ما فى الوقود و
ثالثا بعض الماركات صنعه طفره فى شكل السياره الخارجى و بالتالى شكلها اصبح يغطى على العيوب التى سبقت و ذكرتها و بذلك اصبحت اكثر انتشارا
اههههه انا متفق معاك ان ينقصها حجات كتير هامه كثل عوامل الامان و القوه و ذلك لانه مكلف و بتالى لن تقدر علي الحصول عليه فئات كثيره
السيارات الكورى سيارت ناجحه جدا كسيارات مدن اكثر
اخى الكريم....
الشاطر الى يعرف يقيم احتياجاته و يختار السياره المناسبه فى حدود امكانياته
وتقبل مرورى و لك تحياتى
على فكره انا سياراتى اما كانت ربيه او يابانيه و برغم من ذلك يجب ان يكون الراى يغطى السلبيات و الايجابيات بشكل فعلى و ليس تحيزى لتعم الفائده
و الشاطر الى يختار صح

أنت مفهمتوش يا عمرو ده بيتريق هههههههههه

حظ اوفر مرة قادمة

[khaabas]

تخيلو يا جماعة حتى مفيش عربية كورى طلعت فى فيلم Fast
And Furious
تبقى دى عربية انا راضى ضميركم

[matantawy]

اول ما لاقستك انت اللى كاتب الموضوع قلت اكيد بتضحك :d

[dolly13]

ههههههههههههههههه
تصدق عندنا الفيرنا الكورى والسى 3 الفرنساوى
يوم مابضطر اسوق السى 3 بيبقى كانى رايحة جنازة مع انى بالعب بالفيرنا لعب وباعمل بيها احلى شغل
عالم غاوية فقر بعيد عنك
على فكرة انت نسيت تقول ان الكورة بينزل بكاوتش من غير جنوط وهم 3 فرد بس مش 4

[Samir Elshahawy]

و نسيت تقول أن العربيات الكوري التكنولوجيا بتاعتها لسه قديمة لازم تحط لها بنزين كل أسبوع مرة علي الاقل
لكن العربيات اللي مش كوري مش بتستهلك بنزين خاااااااااااالص يادوب الرشاشات بتاعتها بتنقطها بنزين

[khaabas]

ههههههههههههههههه
تصدق عندنا الفيرنا الكورى والسى 3 الفرنساوى
يوم مابضطر اسوق السى 3 بيبقى كانى رايحة جنازة مع انى بالعب بالفيرنا لعب وباعمل بيها احلى شغل
عالم غاوية فقر بعيد عنك
على فكرة انت نسيت تقول ان الكورة بينزل بكاوتش من غير جنوط وهم 3 فرد بس مش 4

صحيح يا جماعة الاخت الفاضلة فكرتنى
بس غريبة أوى حضرتك جبت بقى الكورى الهاين لاين اللى بـ 3 فرد كاوتش بس دى كانت غالية اووووى انا كان معاى اللى بفردة واحدة بس

[khaabas]

و نسيت تقول أن العربيات الكوري التكنولوجيا بتاعتها لسه قديمة لازم تحط لها بنزين كل أسبوع مرة علي الاقل
لكن العربيات اللي مش كوري مش بتستهلك بنزين خاااااااااااالص يادوب الرشاشات بتاعتها بتنقطها بنزين

العربيات اللى موش كورى بتحط ليها بنزين مرة واحدة بس لما تيجي تشترى العربية ( أصل البنزين بتاعها معمر ويعيش عالطول ) موش استهلاكي زى العربيات اللى ما تتسمى

[mhf_77]

.................................................. ..................................*
اول ما شفت اسمك عرفت انك بتتريق طبعا ... بس بصراحه حلوه .. ربنا يسعدك بيها
و يباركلك فيها ويديك خيرها ويبعد عنك شرها
والدعاء لنا جميعا

[dolly13]

صحيح يا جماعة الاخت الفاضلة فكرتنى
بس غريبة أوى حضرتك جبت بقى الكورى الهاين لاين اللى بـ 3 فرد كاوتش بس دى كانت غالية اووووى انا كان معاى اللى بفردة واحدة بس :f_eyeb1[1]:

لا ماحنا لازم ننزه نفسنا برده
هانقضيها استرخاص على طول كدة :)

[devil_storm]

الله يخرب بيتك يا غبور... ................* !!! طيب يا جدعان مفيش طريقه ممكن نركبه بيها؟؟؟
ههههههع :)