الار بى وقطة رخمة اوووووى

[khaabas]

دلوقتى من العيوب القاتلة فى الار بى انها مفتوحة من تحت
وفيه قطة رخمة بتستنانى مخصوص لما اركن علشان تخش وتقعد على الموتور من فوق
وفى مره بقتح الكبوت الصبح علشان اشوف المية والذى منه لقيت القطة قاعدة على الموتور وفى سابع نومه ورخامة بشكل لا يطاق لدرجة انى بخبطها بايدى فلاقيها تبصلى باحتقار وتناكة وناقص تقولى امشى يلا بعيد متصدنعناش ( حتى البلطجة بقت فى القطط )
المهم مفيش حل للموضوع ده والصراحة خايف لحسن تقطع سلك كده وله كده :(

[hossam165]

انا بقي بلاقي بقايا اكل علي غطاء الموتور
وربنا يستر ومتبقاش عرسة بتيجي تبيت فيها
متابع يمكن حد من الاعضاء يلاقيلنا حل

[koshary]

رش فلفل اسود على المنطقه اللى بتنام فيها ....

[Ahmed Amin]

فيه قطة رخمة بتستنانى مخصوص لما اركن علشان تخش وتقعد على الموتور من فوق
وفى مره بقتح الكبوت الصبح علشان اشوف المية والذى منه لقيت القطة قاعدة على الموتور وفى سابع نومه ورخامة بشكل لا يطاق لدرجة انى بخبطها بايدى فلاقيها تبصلى باحتقار وتناكة وناقص تقولى امشى يلا بعيد متصدنعناش

انا بقي بلاقي بقايا اكل علي غطاء الموتور
وربنا يستر ومتبقاش عرسة بتيجي تبيت فيها

رش فلفل اسود على المنطقه اللى بتنام فيها ....

ههههههههههههههه ضحك السنين, أسف بس انا بجد مقدرتش أمسك نفس من الضحك لما قريت كلامك وتعليقات الاعضاء.
خصوصاً أني ليا مواقف طريفة مع القطط,
بجد الموضوع مسخرة أوووي.

وأنا معرفش العربية عاملة أزاي من تحت,, بس ممكن تجيب حتة بلاستيك كبيرة وتصفح بيها العربية من تحت.
هيا بتدخل من تحت الموتور علي طول ولا من ناحية الكارتيرة ؟


بس بجد مسخرة حتت

لقيت القطة قاعدة على الموتور وفى سابع نومه ورخامة بشكل لا يطاق
و
رش فلفل اسود على المنطقه اللى بتنام فيها

روحو ياشيخ ربنا يفتحها عليكم وييفرج همومكم زي ما فرجتو عن همي شوية كدا..

[youssef_u]

سمم الموتور يابيه ههههههههههههههههههههههههههه

[Walid_M]

أهم حاجة يا فندم تاخد بالك لما تيجي تدور العربية عشان ميحصلش المحظور .... !!!

أنا من كام شهر فجأة كده لقيت كل حد يركب العربية يقولي في ريحه وحشة قوي !!!
انا مع الاسف حاسة الشم عندي ضعيفة .....

المهم بعد اسبوع ولا حاجة جاي أركن العربية ألاقي المروحة بتخبط بعد ما اقفل الموتور !!!

فتحت الموتور وكنت بالليل ..... وعينك ما تشوف الا النور .... ريحة قبر والعياذ بالله اتفتحت ....... وموش شايفين حاجه !!!

المهم جيبت نور ونورت الموتور .......... وكانت الصدمة ........ قطة متقطعة حتت ولازقة في الموتور ...

حاول احد الشباب يطلعها ......... لم يفلح ابداً
وخوضت بعد كده مغامرة منيلة تاني يوم واتبهدلت جامد عشان نطلع الاشلاء ونتخلص من الرائحة المنيلة ......... !!!

ربما نسرد قصتها في وقت لاحق !!!

لما تيجي تركب شغل الانذار وانت بتفتح بالصوت عشان يخضها وتجري !!!

وعلى رأي جار لي قلي ابقى خبط على الموتور وانت جاي تركب العربية !!!

وربك المستعان

تحياتي

[windofchange]

خد باللك فعلا لتموتها وانت بتدور العربية اصل هي لا تعقل فمش عليها حرج فناخد بالنا انا لما باركب باطلع بالراحة اووي وممكن اديها كلكس قبل مااطلع خصوصا فالشتاء والجو البرد بيطلعوا يدفوا فوق الكاوتش وفي حوض العربية وعربيات كتير مفتوحة من تحت للاسف...

[Ahmed Amin]

خد باللك فعلا لتموتها وانت بتدور العربية اصل هي لا تعقل فمش عليها حرج فناخد بالنا انا لما باركب باطلع بالراحة اووي وممكن اديها كلكس قبل مااطلع خصوصا فالشتاء والجو البرد بيطلعوا يدفوا فوق الكاوتش وفي حوض العربية وعربيات كتير مفتوحة من تحت للاسف...

صح معظم القطط بتستخبي فوق الكاوتش الامامي في الغالب عشان تدفي من سخونة الماتور أول ما بتركن, وساعات كتير بتانم كدا للصبح.
بس معظم القطط يعني أول لما بتدور وتلاقي العربية أشتغلت مرة واحدة وأترعشت بتجري علي طول.
مش عارف ليه بقي فيه قطط بلطة اليومين دوول.
وأول مرة أسمع منك عن موضوع القطط اللي بتطلع تنام فوق الموتور دي !!! دا قلبهم جمد أووي.

[Walid_M]

نسيت أقولكم الألم النفسي اللي عشت فيه لمدة ليست بالهينة !!!
وكمان القرفة اللي جاتلي من المنظر اللي شوفته !!!

وربنا سترها معانا جميعاً ...

تحياتي

[dr.hazem]

صح معظم القطط بتستخبي فوق الكاوتش الامامي في الغالب عشان تدفي من سخونة الماتور أول ما بتركن, وساعات كتير بتانم كدا للصبح.
بس معظم القطط يعني أول لما بتدور وتلاقي العربية أشتغلت مرة واحدة وأترعشت بتجري علي طول.
مش عارف ليه بقي فيه قطط بلطة اليومين دوول.
وأول مرة أسمع منك عن موضوع القطط اللي بتطلع تنام فوق الموتور دي !!! دا قلبهم جمد أووي.

نفس الموضوع حصل معايا وفمره استنيت ربع ساعة بحالها عشان تم؛ ي وكانت صغيرة...

Sent from my LT18i using Forum Runner

[aymanshebl]

ياريت يا جماعة نلاقى حل للموضوع ده انا بفتح الانذار و اخبط على الكبوت ةو افتحه كمان و الاقيها على الموتور ما بتتحركش غير لما اهشها و موضوع الفلفل الاسود ده مش هياثر على الموتور مثلا يعنى يعطس هههههههه او انه يطير فى لحظات انا عندى القطط بتقعد على الموتور او كارتير العجلة الشمال اللى ماسكة فى الاكصدام لحد لما وقعتها من المسمار بتعها و اتقطعت

[Walid_M]

هههههههههههههههههه

يا سيدي لو عطست ابقى قولها يرحمكم الله

تحياتي

[john55]

انا كنت بركن عربيتي في الجراج وكانت القطط بتطلع علي الكبوت وتخربشه فرحت لواحد بتاع مبيدات زراعيه وجبت منه مبيد رحته نفاذه جدا ومنفره وجبت جردل ميه وحطيت عليه المبيد ورشيت بيه ارض الجراج وانت عارفيين حاسه الشم القويه للقطط فاول ماجات تتدخل الجراج شمت الريحه مقدرتش تتدخل من الريحه دا حل انا عملته لفتره لكن مع الوقت الريحه بتخف وانا عملتها مرتين والنتيجه كويسه فلو حضرتك عندك جراج خاص ممكن تجربها

[Ahmed Amin]

انا كنت بركن عربيتي في الجراج وكانت القطط بتطلع علي الكبوت وتخربشه فرحت لواحد بتاع مبيدات زراعيه وجبت منه مبيد رحته نفاذه جدا ومنفره وجبت جردل ميه وحطيت عليه المبيد ورشيت بيه ارض الجراج وانت عارفيين حاسه الشم القويه للقطط فاول ماجات تتدخل الجراج شمت الريحه مقدرتش تتدخل من الريحه دا حل انا عملته لفتره لكن مع الوقت الريحه بتخف وانا عملتها مرتين والنتيجه كويسه فلو حضرتك عندك جراج خاص ممكن تجربها

ممتازة الفكرة دي,
أنك تشوف نقطة ضعف عدوك وتلعب عليها وهيا حاسة الشم..
بس المشكلة دلوقتي بالنسبة للناس اللي بتركن في الشارع مش هتنفع معاها.

[S.S.E]

هل تسميم القطط فيها حرمانيه لو نتج عنها ضرر أو أيذاء الغير ..... من ناحيه الأضرار بتعمل رائحه كريهه سواء على السلم أو فى الجراج والقطط عندى تستلم العربيه وقت ما العربيه تتغسل وألاقى كمية خرابيش سواء ع الكبوت او الزجاج والعربيه لسه جديده أما من ناحيه الضرر من أيذائها نطت على طفله عندها 3 سنين ع السلم ولا باسكت الزباله ...... بحثت عن النت لقيت أفتاء بجواز تسميم القطط أذا نتج عنها ضرر... بس عايز أتأكد من الموضوع ده