I 30 موديل 2011 *زيرو*

[aliabdo]

السلام عليكم
معدى جمب صاله عربيات جمب البيت لقيت اى 30 موديل 2011 زيوررر باللزق الى على الصاج و كياس الكراسى العربيه لسه مرخصتش فول اوبشن منيول طالب فيها 109
ايه رائيكم تستاهل و تعتبر فرصه و لا مش مستاهله

برجاء الرد للاهميه

تحياتى للجميع

[aliabdo]

وصلت مع الراجل ل 105
العربيه طاسات و تكيف و بور و سنتر و 4 ازاز و تحكم كاسيت فى الطاره بس

[M I D O]

موفق في الشراء ان شاء الله و انتظر رد الاعضاء بس معلش ازاي موديل 2011 ولسة زيرو ؟؟

[medo18]

عربية مركونة عندو بقالها سنتين و عاوز يبيعها بنفس سعر سنتها طب ازاي؟؟
راي لو وصلت ا سعر لقطة مش 105 خدها لكن 105 كتير جدا

[aliabdo]

العربيه كانت فى مخزن و متباعتيش عمله 25 ك بس

السؤال هل تعتبر فرصه ولا عادى يعنى بالسعر ده تقريبا ممكن اجيب حاجات تانيه موديل السنه و لا دى تبقى كويسه

[aliabdo]

للعلم الشكل الجديد الى شبه الالنترا بيداء من 150 الف

[aliabdo]

كون انه يبيعها بسعر سنتها فى الوقت الى احنا فيه يبقى سعر لقطه على حد فهمى
بص انا كنت حشترى رينو ستيب واى شهر 12 الى فات ب 81 دلوقتى ب 97 الف يعنى 16 الف فى 3 شهور

[Nashaat Rady]

انا شامم حاجة غريبة في الموضوع ده، يا ريت حضرتك تتأكد من ورق العربية ده كويس و من سمعة المعرض كمان...

مع ان الأيام ده السمعة لا تمثل شيئ.

رجاء التأني و السعر عادي، مش وحش و مش حلو برده، ما تجيب صني بنفس الفلوس و تخلص... مع اني معترض علي شكلها و شوية العيوب اللي نازلة بيها...

مش عارف والله اقولك ايه،

خد آراء الأخوة برده و استخير

[aliabdo]

طيب ممكن توضح لى ايه العيوب الى نزله بيها ؟

[M I D O]

بص يا باشا العربية دي كانت مركونة عندة في المخازن سنتين ودي طبعا مدة كبيرة اوي وبالتالي المفروض سعرها ميعديش 100 الف بس عشان الايام المهببة الي احنا فيها وعشان العربية سعرها زاد اوي و الشكل القديم لو لسة موجود مكانش هيقل عن 120 الف فدي تعتبر حاجة محيرة وشوف انت هترسي علي اية تاخدها بسعر يعتبر كويس ليك و علي فكرة التاجر كدة كسبان فيها اوي مش خسران بس مركونة سنتين والله اعلم في السنتين دول حصل اية ولا تشوف غيرها عموما استخير ربنا وموفق ان شاء الله في الشراء

[aliabdo]

انا بصيت على ورق العربيه لقيتها دخلت الجمرك فى 30 9 2011 للعلم
لو كان نفس الشكل ده موجود موديل السنه دى كان سعره حيبقى حوالى 135 و الله الواحد فى حيره فى ناس بتنصحنى اجيب صنى بنفس السعر ده بس الى اى 30 اعتقد انها انضف من الصنى التقفيل المصري و الله اعلم
يا ريت لو حد عنده راى تانى ميبخلش

[Nashaat Rady]

طيب ممكن توضح لى ايه العيوب الى نزله بيها ؟

كله حاجات صغيرة و اغلبها المصنع و التوكيل تغلبه عليها...

تيل فرامل علي قد حاله مثلا، بيتغير في الضمان بنوعية افضل..

صاجة التيل الخلفي... برده في الضمان... و الجديد بينزل بها...

في ناس قليلة جداً أشتكت من تقشير البوية من علي الأجزاء البلاستيكية

صوت شخللة في الشنطة، حاجة كانت مفكوكة و اتزبطط...

خضرتك خش قسم نيسان، حاتتوهم من التفاصيل و التقارير الدقيقة جداً عن كل مسمار في العربية

المميزات كتيرة جداً برده و اولها الامان، abs, EBD, bas, dual airbag

تحياتي

[aliabdo]

يا شباب العربيه فعلا زيزو و انا مش اول مره اركب عربيات
بس انا كل اى عايز اعرفه هل السعر ده يعتبر فرصه و لا اجيب حاجه تانيه بالسعر ده

[Nashaat Rady]

يا شباب العربيه فعلا زيزو و انا مش اول مره اركب عربيات
بس انا كل اى عايز اعرفه هل السعر ده يعتبر فرصه و لا اجيب حاجه تانيه بالسعر ده

نيـــــــــسان - نايل موتورز - NileMotors.net

اقرأ بنفسك و أعضاء و مشرفين و منسقين نيسان موضوعيين جداً و علي دراية واسعة بالسيارة.

تحياتي

[medo18]

لا السعر مش فرصة ولا حاجة ........... حاول تنزل فيها عن كده