Tweet
اخر كلام! الأكسنت RB و الايموبلايزر Immobilizer
بسم الله الرحمن الرحيم
فى الفترة الأخيرة كتر اوى الكلام على هل الاكسنت RB فيها ايموبلايزر ولا لأ، بالذات هنا
و بما انى لسا شارى RB و خايف عليها فقولت انا لازم اعرف فيها و لا لأ و اركب انذار انا من نفسى يكون فيه دايرة فصل !
تقريرى عن الشراء لمن يريد شوية تفاصيل: http://www.nilemotors.net/Nile/349546-rb-2013-a.html
كان قدامى حل واحد! اروح لكهربائى و اقول له اسرق العربية دى يابنى ! و ساعتها هايبان الhotwire هيجيب نتيجة معاها ولا لأ، بس اكيد خوفت اعمل حاجة زى كده
تانى حل و ده اللى عملته هو انى اخدت العربية و المفتاح و روحت لواحد بتاع مفاتيح مشفرة و قلتله انا معايا اكسنت RB 2013 و عاوز اعرف المفتاح ده فيه شفرة ولا لأ؟
اخد المفتاح و حطه على الجهاز و شفت بعينى الجهاز و هو مكتوب عليه انه لقى الشفرة و نوعها كمان !!
قولتله ده معناه انى اكييييييد عندى ايموبلايزر؟؟؟ قاللى اه ! قولتله انا سمعت ان ال RB مفهاش !! قاللى مش كله يا باشا، فى فئات غبور مش بيشيل الايموبلايزر منها -الحمد لله-
طيب فى السريع كده، ازاى اى حد يعرف فيها ولا لأ من غير ما يروح فى اى مكان؟
فى شكل عربية و جواها مفتاح بيظهر اول ما حضرتك تدخل المفتاح و تبدأ تلفه، ده معناه حاجتين، ان العربية فيها ايموبلايزر، و ان العربية اتعرفت على المفتاح و هتدور ان شاء الله
و انا جبتلكم صورة من موقع hyundai-forums.com شخصيا للشكل ده و كمان للدايرة اللى بتعمل check على المفتاح اول ما يدخل ال.......
و بكده اظن تنتهى المناقشة
و ربنا يحمى عربياتنا جميعا و يدى غبور حبة دم و ضمير
Comment