صرخة فى العجل

[samirsaid1]

ممكن اعرف ايه اسباب صرخة العجل او الكاوتش

1 - عند الفرملة
2 - ممكن مره او مرتين وانا بلف يمين وداخل شارع يعنى الملف مستريح ومش كاسر الدركسيون جامد يمكن العجل كان كاسر زاوية 20 الى 30 درجة تقريبا

مع انى لسه مظبط زوايا فى بريدجستون عمارات العبور

وشكرا

[abo-berry]

حالة الكاوتش ممكن تكون بقت تعبانه , وبالنسبه لضبط الزوايا احنمال كبير يكون اللى ضبطهالك ضايع زى ما حصل معايا , روحت ضبط زوايا فى بريدجستون فرع نصر الدين اللى فى شارع الهرم باوظلى الدنيا اكتر بدل ما كانت بتعوم بقت بترمى كمان , روح لبتاع زوايا مضمون ويكون حد مجربه

[Nashaat Rady]

الموضوع ده في الغالب مش بيحصل معاك في كل الأماكن.

بمعني مع بعض انواع الكاوتش ونعومة الأسفلت، لازم تسمع الصوت ده، حتي لو مظبط زوايا...

و اشهر مثال و انت سايق داخل البنزينة، بتسمع صريخ و عياط و كل حاجة من الكاوتش لان الأرضية ناعمة جدا

تابع تاني و ان شاء الله خير

[Walid_M]

[justify]

حالة الكاوتش ممكن تكون بقت تعبانه , وبالنسبه لضبط الزوايا احنمال كبير يكون اللى ضبطهالك ضايع زى ما حصل معايا , روحت ضبط زوايا فى بريدجستون فرع نصر الدين اللى فى شارع الهرم باوظلى الدنيا اكتر بدل ما كانت بتعوم بقت بترمى كمان , روح لبتاع زوايا مضمون ويكون حد مجربه

+1

[/justify]

[alking_2006]

1- تيل فرامل خلصان بيعمل كدا
2- لو العربية فيها باور يبقى الكلام دا من سير الباور او طرمبة الباور

[haysam2000]

الكاوتش هو اللى عمرة قرب
انت عامل بيه كام الف كيلو ؟؟

[abo-berry]

1- تيل فرامل خلصان بيعمل كدا
2- لو العربية فيها باور يبقى الكلام دا من سير الباور او طرمبة الباور

باشا هو قصده الكاوتش مش قصده صفاره فى الطنابير ولا قصده تصفير لما يدور العربيه
تحياتى

[p r i n c e]

متابع لأن عندي نفس المشكلة بالظبط
صرخة ف الكاوتش عند الفرملة و ف الملفات و مش عارف إيه السبب

[Walid_M]

متابع لأن عندي نفس المشكلة بالظبط
صرخة ف الكاوتش عند الفرملة و ف الملفات و مش عارف إيه السبب

شوف حد بتاع ضبط زوايا كويس !!!

تحياتي

[p r i n c e]

شوف حد بتاع ضبط زوايا كويس !!!

تحياتي

شكرا يا كبير على النصيحة
و انا رايح دلوقتي اكشف على الزوايا

[p r i n c e]

رحت مركز ظبط زوايا بتاع واحد معرفة و طلع فعلا في حاجة ف الزوايا
العربية مش بتحدف يمين و لا شمال خا ا ا ا ا ا ا لص بس كان في صرخة مع الفرامل و عند الملفات
قالي انت أكلت مطب و في زاوية مقفولة
و عملها و فعلا العربية اتظبطت الحمدلله
و ا ش ا صاحب الموضوع تكون مشكلته اتحلت و لو لسة مستمرة يروح يكشف على الزوايا

[Walid_M]

رحت مركز ظبط زوايا بتاع واحد معرفة و طلع فعلا في حاجة ف الزوايا
العربية مش بتحدف يمين و لا شمال خا ا ا ا ا ا ا لص بس كان في صرخة مع الفرامل و عند الملفات
قالي انت أكلت مطب و في زاوية مقفولة
و عملها و فعلا العربية اتظبطت الحمدلله
و ا ش ا صاحب الموضوع تكون مشكلته اتحلت و لو لسة مستمرة يروح يكشف على الزوايا

الحمد لله إن مشكلة حضرتك اتحلت ...

وبشكرك لأنك اهتميت بأنك تقولنا حليت المشكلة إزاي !!!

تحياتي

[p r i n c e]

الحمد لله إن مشكلة حضرتك اتحلت ...

وبشكرك لأنك اهتميت بأنك تقولنا حليت المشكلة إزاي !!!

تحياتي

الشكر المفروض يبقى لحضرتك لأنك قولتلي احل مشكلتي ازاي
شكرا يا زعيم

[elbeheri]

طيب ممكن حضرتك تعرفنا بالمركز بتاع الزوايا ده لو فى منطقة الهرم

[samirsaid1]

ممكن اعرف ايه اسباب صرخة العجل او الكاوتش

1 - عند الفرملة
2 - ممكن مره او مرتين وانا بلف يمين وداخل شارع يعنى الملف مستريح ومش كاسر الدركسيون جامد يمكن العجل كان كاسر زاوية 20 الى 30 درجة تقريبا

مع انى لسه مظبط زوايا فى بريدجستون عمارات العبور

وشكرا

أشكركم جميعا على ردودكم وعلى مشاركتكم

الكاوتش من وجهة نظرى مش وحش لانى مكنتش بخرج بيها كتير والنقشة تقريبا زى ما هيا

انا كنت مغيرة فى 2010 وافتكر ان تاريخ الصنع كان فى اوائل 2010 وافتكر مشيت علية حوالى

35 الى 40 الف كيلو

وبصراحة كلامكوا خلانى اتذكر حاجة تانية فى صرخة سير بتيجى فى اول الدوارة ثانيتين وتبطل

والغريب بالامس جيت ادورها السير قعد يصرخ حوالى 30 ثانية تقريبا

لانى غيرت سير التكييف والدينامو من حوالى 8 أو 9 شهور وحطيت لحسة شحم يمكن تبطل ولا نتيجة حتى الان فكيفت نفسى انى اسمع الصوت دة اول ما أدور العربية وهى باردة
وشديت السير ورخيت السير بدون اى نتيجة

والصرخة دى مازالت مستمرة لانى تعبت

دة بالاضافة لصرخة العجل