صوت تكتكه فى الجيتز

[craunchy]

الى اصحاب الجيتز ..... الصبح بعد ما بدور العربية و هى بارده باسمع صوت تكتكه من عند الموتور بيقعد من 2 الى 3 دقائق ..... هل أحد منكم يعانى من نفس الظاهره ؟؟ ... أرجوا بتفضل أحدكم بشرح هذه الظاهره و حلها .. شكرااااااا

[fahd_628]

عادى يا باشا انا برضة بسمعها فى عربية خالتى و اول ما العربية بتسخن بيروح

[craunchy]

يعنى مفيش تفسير للصوت الغريب ده ؟ !

[tarekkasaby]

طالما لسه بتدور و بيقعد 3 دقايق يبقى الصوت ده بيحصل لما العربيه بتسخن نفسها
افتح الكبوت و حاول تسمع الصوت جاى منين ممكن من السير اللى على الشمال
هوه طبيعىان صوت الموتور بيعلى شويه اثناء التسخين "لغايه اللمبه الزرقاء ماتطفى"
بس صوت تكته ده مش طبيعى
لو استمر لما تروح الصيانه قولهم

[ماجد يوسف وهبه]

عادى جدا وموجود فى كل السيارات التى لها نفس الموتور (الألنترا 2005 - الفرنا 1600) ده صوت التكيهات

[craunchy]

يعنى ملوش أى ضرر على العربية ؟؟؟

[حماده المصري]

نيو اكسنت كمان فيها الصوت ده

والميكانيطي قالي دي الكوستبانات

وقالي اهتم بتغيير الزيت بدري

[yoyo]

انا خالي عنده الانترا2005و بسمع الصوت ده بس لما تكون العربية سخنة ويبطلها ..........هو بيبقى في حاجة نحاس كده لما تيجي تبرد تعمل الصوت ده(يا ريت لو حد عارف تفاصيل الموضوع ده ايه يفيدنا

[MOHAMED ABD EL SHAFY]

دا صوت تاكيهات وبيروح بعد ال 1000 بتعمل صيانة الاف وتظبط تاكيهات الصوت بيكون زى بندول الساعة ونتيجة ان السيارة لسا بتكون بادة فضغط الزيت مبيلحقش يوصل اليه وبعد التسخين كثافة الزيت بتقل فبيوصل للتاكيهات ويروح الصوت (لاتقلق)

[Bubbles]

دا صوت تاكيهات وبيروح بعد ال 1000 بتعمل صيانة الاف وتظبط تاكيهات الصوت بيكون زى بندول الساعة ونتيجة ان السيارة لسا بتكون بادة فضغط الزيت مبيلحقش يوصل اليه وبعد التسخين كثافة الزيت بتقل فبيوصل للتاكيهات ويروح الصوت (لاتقلق)

هوا الزيرو كمان فيه ضبط تاكيهات ؟؟؟
انا عملت صيانة الألف و تم فيها تغيير زيت و فلتر بسس!!!

[MOHAMED ABD EL SHAFY]

معلش يمكن الوضوع اختلط عليا

[MOHAMED ABD EL SHAFY]

يظهر اختلط الامر عليا

[RoadRush]

التاكيهات موجودة فى كل السيارات وبتتظبط