إعـــــــلان

Collapse

.

,
See more
See less

معايا اى تن مانول 2013 بس الطريق عندنا :( ينفع اخليها اتوماتيك

Collapse
X
 
  • Filter
  • الوقت
  • Show
Clear All
new posts

  • معايا اى تن مانول 2013 بس الطريق عندنا :( ينفع اخليها اتوماتيك

    بسم الله الرحمن الرحيم
    السلام عليكم ورحمة الله وبركاته
    -------
    واضح من العنوان ان انا
    جايب اى تن 2013 من شهر
    انا من اسكندريه
    اتعلمت عليها السواقه وكله تمام الحمدالله
    وبمشى بيها عادى
    بس اليومين دول بقى الصيف بدء
    الشوارع عندنا بقت تييييييييييييييييييييت تييييييييييييييت تيييييييييييت :)
    بفكر لو اخليها اتوماتيك
    عاوز اعرف هتكلف كام
    وعربيه هتكون تمام يعنى كانى جبتها اتوماتيك ولا هيكون فيه فرق ؟

    وانتو ايه رايكم فى الكلام ده يعنى كويس ولا بلاش منها :(
    المانول مقرفه جدا فى الزحمه (يمكن عشان لسه جديد فى السواقه ) بس انا جايب العربيه عشان استريح من المواصلات انما دي خلتنى اقول ان الموصلات ارحم على الاقل مفيش اعصاب مشدوده ولا حاجه
    :( :(
    تحياتى للجميع

  • #2
    مفيش حاجة بالفلوس ما بتنفعش
    بس ده ميفضلش ان انت تعمل كده فى العربيه و ده لعده اسباب
    1 العربيه لسه جديده حرام تعمل فيها كده
    2 التكلفه العاليه للموضوع ده لان حاجة العربيه دى قليله و خصوصا الاستيراد - و لو حبيت تجيبها جديد يبقى غبور هايدفعك تمن عربيه تانية عليها
    3 مش هتلاقى الصنايعى الى يظبطلك الحاجة بتاعتها خصوصا ان انت مش هاتغير فتيس و تحط فتيس و خلاص
    انت هاتغير فتيس و دفيره و كنترول و ريدياتير و كونصوله تابلوه و عدادت و قواعد فتيس و كبالن و حاجات كتيره كده هاتكلف جامد و فى الاخر مش هاتبقى مظبوطه

    و لو عملت كل ده هتلاقى ان الى انت استفدته ان انت ريحت رجلك الشمال و ايدك اليمين و رجلك اليمين لسه شغاله فرامل و بنزين - فرامل و بنزين و ده راجع لان اسكندريه فى الصيف بيبقى طريق الكورنيش ده عنده شلل اساسا خصوصا الجمعه و الحد

    الافضل بقى
    اما تتعايش مع الوضع الحالى للعربيه و تتعود عليها و تظبط رجلك ان انت تطلع دبرياج بس و توقفها دبرياج بس برضه
    او تبيع العربيه المانيوال و تشترى حاجة تانية اكبر اوتو جديده او مستعمله و توفر وقت و جهد و مصاريف للتحويل من مانيوال لاوتو فى عربيه زيرو

    Comment


    • #3
      الف الف شكر على ردك
      ----
      بالنسبه للفلوس
      لما جبت العربيه كان الفرق بينها وبين الاتوماتيك 8 تلاف جنيه وكنت ناوى اجبها اتوماتيك بس تعمل ايه بقى كلو قالى بلاش
      اتوماتيك :(
      عاوز اعرف يعنى حتكون التكلفه لما اخلى العربيه اتوماتيك اكتر من 8 تلاف جينه ؟ ( فى التوكيل )
      ---
      ليه مش هتبقى مظبوطه :(
      وبعدين هتفرق حاجه لو عملت العربيه التوكيل ( اقصد يعنى لو عملتها فى التوكيل العربيه مش هتبقى جديده ؟ )
      ---
      بالنسبه للراحه اكيد هتفرق
      مش هيبقى فى حاجه اسمها هات 1 هات 2 هات 3 هات 4 هات 5 :)
      وبعد كده انزل من على 3 الى 2 والى 1 :)
      حاجه تنفخ ^^
      ---
      الف شكر لردك
      وتحياتى لك

      Comment


      • #4
        انا بقول انك تبيع او تتعايش معاها كده لان التكلفة ممكن توصل ٢٠ الف باسعار التوكيل

        Comment


        • #5
          ينفع تخليها اوتو بس زي ما الاخوه قالوا التكلفه عاليه جدا والتوكيل هيرفض لأنه بيحب يريح دماغه لأنه اساسا فاشل في الصيانات والتصليح تيجي تقوله غيرلي فتيس.
          بالاضافه انك هتطلع من ضمان الميكانيكا بتاع العربيه لو عملتها بره.
          لو الحاله الماديه ميسوره يبقى بيع وهات الي تحبه اوتو حتى لو كسر زيرو.
          وربنا يباركلك في عربيتك

          Comment


          • #6
            حرام التكلفة الي انت هتتدفعها
            راي تستحمل العربية مدة وبعدين تبيع وتجيب اوتو
            مجرد رأي

            Comment


            • #7
              اولا انسى انك تعملها بره التوكيل
              ولو التوكيل وافق وعملهالك وغالبا مش هاتبقى راضى عن الشغل والاداء فيما بعد يبقى هاتشيل فلوس أوبح
              الحل لو انت مصمم والمانيوال مضايقك فعلا انك تبيع وهاتخسر فيها من 5-8 الاف جنيه وتضيف على تمنها بعد البيع 10 الاف وتجيب الاتوماتيك وهايبقى اسمك راكب عربية جديدة برده
              [SIGPIC][/SIGPIC]
              [SIZE=4][COLOR=Blue]أحمد بهاء الدين
              https://www.facebook.com/eldiesel2020[/COLOR][/SIZE]

              Comment


              • #8
                مع التعود على الغيارات مش هتبقى متضايق من اول تانى تالت رابع خامس
                دى متعه القياده اساسا النقلات دى و الشد و الحرق على الغيارات

                فى الزحمه بقى دى بتبقى المشكله و مع التعود هايبقى الموضوع اسهل
                بالنسبالى حاليا السواقه فى الزحمه بتتعب رجلى اليمين بس لانى مدى الاول و بتعايش بالدبرياج طلعه بس بنزين و فرامل على طول بقى فرجلى اليمين بتوجعنى و بتبقى زحمه حلوه يعنى ال 100 متر فى 15:30 دقيقه


                التكلفه فى التوكيل هتبقى عاليه جدا جدا الفتيس مش هايقل عن 10 الاف و ممكن اكتر من كده كمان ده غير باقى الحاجات و الرفايع غير مصنعيه هبوووووووور

                لو تقدر تبيعها و تزود و تجيب عربيه اوتو يبقى افضل بكتير ممكن فيرنا اوتو اكبر و اوسع و ماتور اقوى ميشيليش مع الاوتو

                لو انت جايب العربيه من كام شهر قبل الزيادات اعتقد هتبيعها من غير ما تخسر فيها كتير خصوصا لو ماشيه كيلو قليل و مفيهاش تخبيطاط من بره و صياناتها فى التوكيل

                Comment


                • #9
                  يا فندم حضرتك لو بعتها واشتريت اتوماتيك جديدة حيبقى أرخص من تعديلها في التوكيل مليون مرة !!!

                  انت متعرفش التوكيل بيستهبلوا ازاي !!!

                  خد عندك ..... قطمة الدريكسيون الالنترا ال HD في التوكيل ب 16000 جنيه !!!

                  شوف بقى الفتيس الاتوماتيك والردياتير والدواسات والكونسول الداخلي والخراطيم ولوحة الكنترول { سألت عليها مرة للالنترا HD قالوا لي 26000 جنيه } ....

                  يعني التعديل في التوكيل موش بعيد يكلفك ثمن عربيتين من نفس النوع !!!

                  تحياتي
                  [CENTER]وفوق كل ذي علمِ عليم

                  [SIGPIC][/SIGPIC]
                  [/CENTER]

                  Comment


                  • #10
                    للاسف
                    الحل الامثل لو مدايق قوي انك تبيعها و تجيب الاوتو
                    Sharief Mansy شريف منسي
                    شكرا نايل موتورز
                    [SIGPIC][/SIGPIC]
                    Farewell my Cayenne, you were the best car i ever had and driven

                    Comment


                    • #11
                      انا من رايى انك ماتبعش لانك هتخسر و المانيوال مش وحش هو بس الواحد بيحب يستسهل خصوصا لو كان لسه جديد فى السواقة كلنا كنا كده فى الاول و مع الوقت الموضوع بيبقى سهل جدا اومال التاكسيات و الميكروباصات يعملوا ايه

                      Comment


                      • #12
                        بيعها وهاتلاك حته اوتو
                        لأن مفيش شغل زى شغل الخواجه م عملها
                        [B][FONT="Impact"][COLOR="DarkRed"][SIZE="4"]سامح الجـهيني[/SIZE][/COLOR][/FONT][/B]
                        [SIGPIC][/SIGPIC]

                        Comment


                        • #13
                          طب انت كرهت العربية عشان الفتيس المانيول انت الحمد لله انك ماجربتش ال 128 والا كان زمانك كرهت العربيات من اساسه ههههههه

                          Comment

                          Working...
                          X