اللون الافضل اسود & فضي النترا 2013

[ELBOB EL GAMD]

ان شاء الله خلال ساعات
هستلم النترا 2013
فل لوديد
178000
لا يوجد اللون الابيض رغم انه الاجمل والافضل عليها
يوجد عده الوان
اسود فضي نبيتي سماوي فيراني
وكم لون تاني

اي الالوان افضل

والله انتا راجل بتفهم فعلا احلى لون الابيض
نبيتى كفاءة عليها يليه الفضى وابعد عن الاسود

[ahmed asem]

لو كنت عايز ابيض يبقى البديل يا فضى او سماوى ...

تمام كده
السماوي جميل عليها فعلا
لكن الموجود حاليا فضي وفيراني

[ahmed asem]

لو مكانك هجيب
أسود
تحفة على الإلنترا

الاسود جميل علي الالنترا ووحش علي الكوبية
للاسف الموجود حاليا فضي وفيراني

[ahmed asem]

انا معايا 2012 كحلي ... بس لو انت بتفكر في الابيض وملقتش يبقى فضي وهو لوني المفضل بس علشان ركبت 12 سنه عربيات فضي فا قلت اغير

لا حلو اوي كده فضي عندك حق تغير
انا مركبتش فضي قبل كده كل العربيات اسود

[ahmed asem]

انا حجزت فولي لودد سماوي يا تري ممكن نتواصل عشان انا حاستلم الاسبوع الجاي وعايز اسئلك في شويه حاجات

الف مبروك الالنترا انا فضلتها علي
الكروز
السيراتو
الكورولا
غالبا هستلم بكره ان شاء الله
وتحت امرك في اي استفسار انا كنت عند غبور انهارده ودردشت معاهم ساعتين
وبيفتخروا بالالنترا بطريقة مش ممكن وفيه كلام انها من مايو هتكون ب 188000
كلمني خاص لو احتاجت شيئ

[ahmed asem]

نبيتى والفيرانى بصراحة بالنسبالى اجمل لونين حتى انا مش عارف اقولك انهو فيهم لان الاثنين اجمل من بعض شوف نفسك فيهم

للاسف الالوان حاليا مش متوفره
العربية عليها سحب لان اخر ايام الخصم قربت
الموجود فضي - فيراني
والحمد لله عملت استخاره قبل الاختيار

[ahmed asem]

والله انتا راجل بتفهم فعلا احلى لون الابيض
نبيتى كفاءة عليها يليه الفضى وابعد عن الاسود

الابيض جميل وجذاب لابعد درجة للانترا
الاسود متعب فعلا .. شكرا للتواجد المتميز

[elmo7amed]

بص حضرتك انسى كل اللى اتقال دا ..........خليك معايا انا d: الالنترا بالذات اللون الاسود فخم جدا فيها وبعديه الابيض مع انه ارقى لون وبعدين فضى ..فااتوكل على الله وهات الاسود ومش حتندم وعلى فكره اللون بيفرق كتير فى العربيه ..ومبروك مقدما .. واراء الرجاله فوق دماغنا دول استاذتنا فى المنتدى p:

[DEVILRIDER]

بص دا اختيارك انتا بس انا معايا برونزى كان نفسىىىىى فى الفيرانى بس مكنش متواجد ساعتها غير البرونزى و عجبنى اكتر بعد الاستلام لانو الصبح برونزى و بليل فيرانى و برونزى متعرفش تفرق بينهم الا لما تركز اوي الفرانى احلىىىى بكتيييير من الفضى من ررايي و ربنا يباركلك فيها و عايزين التقريييير

[DEVILRIDER]

[QUOTE=dadapharma;3874955714]رأيى الشخصى اللون البرونز .. هأقولك ليه؟؟ لون جديد و مميز أعتقد ماكنش موجود السنة الى فاتت, عملى و التجريح و الخبطات و التراب ما بيظهرش فيه عكس الأسود و وسط بين الألوان الفاتحة و الغامقة بيظهر شكل فانوس الألنترا المميز و اللون البرونز لون حرباية, الصبح دهبى و باليل بيج غامق

+111111111111 الصبح برونزى و بليل فيرانى و برونزى

[elmashtoly]

صراحه انا معايا كحلى وكل اللى بيشوفها
بيتوهم صراحه وبيقولى لونها خرافى
ومش ماشى كتير فى البلد زى الفيرانى
وصراحه الاسود سيء جدا ففيها وبينزل
من سعرها فى البيع كتير لانها بتتبهدل
انا اتمنى انك تشوف الكحلى وتقولى رايك
وهوريك لونها على لطبيعه

[ahmed asem]

بصراحة اللون عليها فعلا جامد
مش كنت متخيل انه ممكن يكون بالجمال ده
ماشاء الله
ربنا يبارك لك فيها
بس ليه الاستيكرات والورق الابيض ده لسه موجود
فرضا كان فيها خربوش او اي شيئ لا قدر الله هتعرف ازاي
واستلمت ايه معاها ؟ عذرا لو اطلت عليك

[Nashaat Rady]

انا قلت كده ^^
الفضي اجمل من الفضي بمراحل
الله يبارك فيك
علي كده التيدا فضي ولا زي الالنترا فضي ؟ ^-*

والله مش مقصودة بس فعلا التيدا فضي بس والله ما كانشي في غيرها و كانت وقفة في العرض....

الفضي جامد، بالأخص لو فيه جنوط، بيبقي في contrast جامد جداً...

بالتوفيق

[john55]

انا معايا نبيتي بس الابيض او الفراني جميل جدا

[elmashtoly]

بصراحة اللون عليها فعلا جامد
مش كنت متخيل انه ممكن يكون بالجمال ده
ماشاء الله
ربنا يبارك لك فيها
بس ليه الاستيكرات والورق الابيض ده لسه موجود
فرضا كان فيها خربوش او اي شيئ لا قدر الله هتعرف ازاي
واستلمت ايه معاها ؟ عذرا لو اطلت عليك

الصور دى كانت للعربيه المعروضه
فى سمير ريان وانا بشترى العربيه
واخدت واحده تانيه طبعا من المعرض
علشان دى مستخدمه كتير لانها للعرض
اخدت معاها الكتالوج والضمان والتامين
وعلشان انا حبيبهم اوى اخدت دواسات
من نوع معفن واخدت فرش تحفه ووتر بروف
وفواحه وشنطه صغيره