ممكن مساعده فى الألنترا الجديده ضرورى

[msalama]

امبارح حصل معايا حاجه غريبة و أنا مروح من الشغل بادور العربيه سمعت صوت هبده فى الفتيس جامده و بعدين جيت أنقل الغيار على r مش عايز ينقل أنا كنت سايب العربيه أصلا على n و لما أجيب ال d تنقل عادى بس أسمع صوت هبده برده فى الموتور أو الفتيس مش عارف بصراحه و بعدين لقيت الشاشه بتاعة التابلوة اللى بيظهر فيها الفيتيس على اى غيار مطفيه المهم بطلت و دورت تانى تقريبا 4 مرات بعد كده رجعت طبيعيه بس انا قلقت طبعا حد عنده فكرة عن الموضوع ده سببه ايه مع العلم ان العربيه لسه عامله 18 الف بس
و جزاكم الله خيرا

[destaroser]

يا باشا خدها علي التوكيل عدل انت كده كده المفروض فاضلك الفين كيلوا وتعمل صيانه العشرين
روح حتي لو العربيه ظبطت
اهو إثبات حاله وكده كده العربيه في الضمان

[msalama]

ما انا رايح بكره فعلا بس قلت أسأل يمكن حد عنده فكرة علشان ما يشتغلونيش و يقلولى مافيهاش حاجه لآنها رجعت تانى طبيعيه

[Nashaat Rady]

موضوع مقلق الصراحة.

حضرتك تروح التوكيل عشان فعلا تثبت ان الموضوع ده حصل، حتي لو في التوكيل قالوا ما فيهاش حاجة.

التوكيل طبعا ممكن يقول ما فيهاش حاجة عشان المشكة ما ظهرتشي و انت هناك. و الله اعلم الأجهزة بتاعتهم ممكن تكشف مشكلة ولا لاء...

و التوكيل بيشخص علي أساس مشكلة قائمة، يعني مش حايحل الفتيس من مكانه عشان صراب.... ولا انت برده حاترضي بذلك...

و ممكن برده تكون مشكلة او شكوي متكررة معاهم، و تلاقيهم جاهزين بالحل..

و للأمانة، التوكيل فيه تتطور نسبي في التعامل مع مشاكل و شكاوي العملاء..

و بكرر، نسبي و ليس كاملاً، ده من خلال تجاربي مع فرع العبور.

لو المشكلة ده تكررت مستقبليا تاني معاك، فرضاً بعد الضمان ما انتهي، يبقي انت معاك ما يثبت ان العيب ده موجود من قبل انتهاء فترة الضمان و من حقك تغييره بدون تكلفة.

تحياتي

[john55]

ممكن تكون مشكله في قواعد الفتييس من المطبات ممكن حاجه عايزه تتربط في القاعده دي مجرد راي وشكرا