تقييم سريع للالنترا 2013 خلال 100 كيلو

[ahmed asem]

السـلام عليكم ورحمة الله وبركاته
انا الحمد لله استلمت امس النترا 2013
من التوكيل
وعملت بيها حوالي 100 كيلو
ما شاء الله العربية جميله في كل شيئ حتي العيوب التي قرأتها هنا
من بعض الاخوة الحمد لله لم اجدها
انا لاحظت شيئ واحد فقط ولم الاحظة الا ليلا وبعد غسيل السياره بالماء العادي والجنوط سريعا
العيب هو صوت الكاوتش
كنت ماشي علي اسفلت كويس الي حد ما
وسمعت صوت الكوتشات عالي شوية
صوت طرقعه بحس ان فيه عربية ماشية ورايا كده
هل الصوت دا عادي ولا ايه

انا ركبت سيراتو 2012 والصوت لم اكن الاحظة
لكن عامة النترا افضل بمراحل من سيراتو
من خلال تجربة 100 ك
والله اعلم فيما بعد

الشيئ الاخر
ابعاد العربية مش هقول صعبة
هقول محتاجه تعود عليها
يعني انا اضطريت اروح مكان واسع وامشي بالعربية ساعتين تقريبا
عشان احس العربية كويس واتمكن منها

المرايات الجانبية
بشكل شخصي حسيت ان هخبطها مرتين
ان شاء الله اكيد مع الوقت هتعود علي الابعاد

العربية موفره جدا في البنزين ناعمه جدا
طبعا انا مجرتش بيها
اخري 80 - 90 ك

الشيئ الاخير
معايا سيراتو 2012
وفيه كم مطب بارد عندنا
السيراتو دايما تحك اما اعديه
وطبعا قلت الالنترا هتدمر من المطبات
سبحان الله عديت علي جميع المطبات
ولا يوجد اي احتكاك
مع اني بحس ان السيراتو اعلي من الالنترا

النظام الصوتي رائع وجميل وعالي
انوار التابلوه مريحه وجميله
التكييف جربته دقايق للتأكد انه شغال فقط
مقدرش احكم عليه ولا اقيمه حاليا

دا تقييم سريع للعربية خلال 100 ك
في يوم تقريبا

[mhkorayem]

مبروك عليك العربية الجديده وربنا يباركلك فيها
وعقبال تقرير الـ 100000
بس غريبه موضوع انها اعلى من السيراتو دي

[dozo]

الف مبروك .. ربنا يباركلك فيها و يكفيك شرها .
بس عايزين شويه معلومات عن الفئه اللى انت اشترتها و مواصفاتها .

[Walid_M]

ألف مبرووووووووووووووك ..
ربنا يديك خيرها ويكفيك شرها إن شاء الله ...

تحياتي

[khaabas]

على البركة وربنا يديك خيرها ويكفيك شرها

[Samir Elshahawy]

السـلام عليكم ورحمة الله وبركاته

انا الحمد لله استلمت امس النترا 2013
من التوكيل
وعملت بيها حوالي 100 كيلو
ما شاء الله العربية جميله في كل شيئ حتي العيوب التي قرأتها هنا
من بعض الاخوة الحمد لله لم اجدها

1000 مبروك و ربنا يحفظها لك و يهنيك بيها و يؤتيك خيرها و يبعد عنك شرها
و أن شاء الله يكون أختيار موفق


انا لاحظت شيئ واحد فقط ولم الاحظة الا ليلا وبعد غسيل السياره بالماء العادي والجنوط سريعا
العيب هو صوت الكاوتش
كنت ماشي علي اسفلت كويس الي حد ما
وسمعت صوت الكوتشات عالي شوية
صوت طرقعه بحس ان فيه عربية ماشية ورايا كده
هل الصوت دا عادي ولا ايه

الكاوتش الهانكوك اللي راكب في الألنترا md صوته عالي فعلا و بيلم زلط و حصي كتير بسبب أتساع فتحات النقشة بتاعته و خاصة أنه لسه جديد
لكن في المقابل تماسكه علي الطريق جيد جدا و خاصة في المياه و الاماكن اللي فيها رمل

الشيئ الاخر
ابعاد العربية مش هقول صعبة
هقول محتاجه تعود عليها
يعني انا اضطريت اروح مكان واسع وامشي بالعربية ساعتين تقريبا
عشان احس العربية كويس واتمكن منها

بكرة تتعود علي أبعادها

المرايات الجانبية
بشكل شخصي حسيت ان هخبطها مرتين
ان شاء الله اكيد مع الوقت هتعود علي الابعاد

أفضل وضع لظبط المرايات الجانبية أنك تخليها 90 درجة أو أقل قليلا علي جسم العربية علشان تقدر مع مراية الصالون أنك تغطي البقع العمياء

العربية موفره جدا في البنزين ناعمه جدا
طبعا انا مجرتش بيها
اخري 80 - 90 ك

ينصح بعدم الجري خلال ال 1000 كم الاولي و ذلك لتجنب أستخدام الفرامل بشكل مفاجئ و حاد
لكن السرعة في حد ذاتها ليس فيها ضرر بالنسبة لعملية التليين , المهم لاتتخطي عدد لفات المحرك ال 3,000 لفة / دقيقة

الشيئ الاخير
معايا سيراتو 2012
وفيه كم مطب بارد عندنا
السيراتو دايما تحك اما اعديه
وطبعا قلت الالنترا هتدمر من المطبات
سبحان الله عديت علي جميع المطبات
ولا يوجد اي احتكاك
مع اني بحس ان السيراتو اعلي من الالنترا


أرتفاع الألنترا md عن الارض حوالي 142 مم بس خلي بالك و العربية محملة جامد خاصة في الخلف أثناء عبور المطبات

النظام الصوتي رائع وجميل وعالي
انوار التابلوه مريحه وجميله
التكييف جربته دقايق للتأكد انه شغال فقط
مقدرش احكم عليه ولا اقيمه حاليا

عادي تقدر تشغل التكييف مافيش أي مشكلة , لن يؤثر أبدا في عملية التليين و مافيش أي حاجة مكتوبة في الكتالوج عن عدم تشغيل التكييف , المهم زي ما قولت لك أن عدد لفات المحرك لايزيد عن 3,000 لفة / دقيقة
بالعكس لازم تشغل التكييف و تجربه كمان علشان تقدر تحكم أو تتعرف علي أي مشاكل قد تظهر قبل صيانة ال 1,000 كم الاولي

ياريت تشرفنا في مقابلتنا بالرحاب يوم الجمعة 3 / 5 (بعد بكرة) و اي أستفسار أنا تحت أمرك

[Ahmed Nasser]

الف مليون مبروك

[mhf_77]

الف مبروك وربنا يديك خيرها ويبعد عنك شرها
بس ازاى اعلى من السيراتو؟؟ انا سوقت الاتنين واخدت نفس المطبات وحكيت بالالنترا مش بالسيراتو
وموضوع الابعاد هى اعرض من السيراتو وخلال اسبوع هتتعود عليها
وهى اوفر فى البنزين وصوتها انعم وصالونها اشيك (اذواق)

[AFT]

الف مبروك يابيه...ربنا يحميهالك ويحروسهالك.
وصيتي ليك انك تخلي بالك منها وتركبلها اي كل شئ ممكن للامان - حهاز فصل - شوك سينسور - عصاية دريكسيون
وربنا هو الحامي في الاول والاخر

[_hema]

الف مبروووك العربيه

وعقبااااااال متجربها على الـ 100000
ربنا يحفظاهلك ويحفظك منها

وشكراً على التقييم الرائع ونقل التجربه لنا

وعموماً اى عربيه الواحد بيركبها يحتاج فتره كده على مايتعود عليها

[Ultramisho]

الف مبروك وربنا يديك خيرها ويبعد عنك شرها
بس ازاى اعلى من السيراتو؟؟ انا سوقت الاتنين واخدت نفس المطبات وحكيت بالالنترا مش بالسيراتو
وموضوع الابعاد هى اعرض من السيراتو وخلال اسبوع هتتعود عليها
وهى اوفر فى البنزين وصوتها انعم وصالونها اشيك (اذواق)

وعفشتها انعم من السيراتو بكتير وتكييفها اشد بوضوح بس لو فتحات التكييف الوسطى تعلى زي السيراتو تبقى رائعة وطبعا ده غير سعر اعادة البيع انا بعت السيراتو لاخويا بس طبعا بسعر السوق ومش هاقولك خسرت كام لكن الي اشترى النترا وباعها بعدها يمكن يكون كسب فيها كمان هههه والحمد لله على كل شيئ

هي بس عيبها مافيهاش الايموبيليزر زيها زي السيراتو الي كانت عندي بس بعدها على طول نزلوا الايموبيليزر من اول موديل في السيراتو حتى في الشكل القديم والجديد طبعا هو ده الفرق الوحيد لصالح السيراتو في رأيي ولازم غبور يحذوا حذوا السيراتو وساعتها هتبقى العربية دي فعلا تحفة

فعلا خد حذرك والحافظ هو الله
مبروك عليك وربنا يديك خيرها ويكفيك شرها

تحياتي

[Dr.M_baz]

ألف مبروك ... وربنا يبارك لك فيها.

[mhf_77]

وعفشتها انعم من السيراتو بكتير وتكييفها اشد بوضوح بس لو فتحات التكييف الوسطى تعلى زي السيراتو تبقى رائعة وطبعا ده غير سعر اعادة البيع انا بعت السيراتو لاخويا بس طبعا بسعر السوق ومش هاقولك خسرت كام لكن الي اشترى النترا وباعها بعدها يمكن يكون كسب فيها كمان هههه والحمد لله على كل شيئ

هي بس عيبها مافيهاش الايموبيليزر زيها زي السيراتو الي كانت عندي بس بعدها على طول نزلوا الايموبيليزر من اول موديل في السيراتو حتى في الشكل القديم والجديد طبعا هو ده الفرق الوحيد لصالح السيراتو في رأيي ولازم غبور يحذوا حذوا السيراتو وساعتها هتبقى العربية دي فعلا تحفة

فعلا خد حذرك والحافظ هو الله
مبروك عليك وربنا يديك خيرها ويكفيك شرها

تحياتي

طبعا عفشتها انعم انا نسيت اهم حاجه
تكيفها مجربتوش لان كل المرات اللى اخدتها كانت فى الشتا
والثبات يكاد يكون متقارب الى حد ما الاتنين بعد 150/140 يخوفو