غيرت فلتر التكييف علشان الصيف والدلع وعملت حركة حلوه

[khaabas]

روحت اغير فلتر التكييف بتاع محبوبتى الار بى اهو جو وحركات
فروحت اجيب فلتر تكييف قلت اخره كام يعنى خمناشر جنيه هههههههههع
بكام يا عم الاصلى لقيته بيقولى 125 ج لييييييييييييييييه ايه المبرر
ان الفلتر يكون اغلى من طقم البيوجهات ونفس تمن فلتر البنزين تقريبا هههههههههع واغلى من كف المريا
المهم جبته وعارف ان انضحك عليا ضحك السنين بس قلت فى نفسى دى اخر مرة هاغيرك يا فلتر يا تيت وغيرته وعالفكرة هو هو بتاع السيراتو

نيجى بقى للحركة الحلوة فكيت الفلتر القديم ولقيته حلو والله مرمتوش طبعا وجبت سبراى جليد برائحة اللافندر وغرقت فلتر التكييف الجديد بيه ( الموضوع ده من حوالى اربع ايام ) ولسه الحمد لله محتفظ بالرائحة فقلت اقولكم على الفكرة ( ظريفة والله )

[semsem7222]

انا جبت بتاع السيراتو 40 جنية وركب تمام هو هو بتاع الار بى بعد ما عم غبور قالى 200 جندى

[khaabas]

انا جبت بتاع السيراتو 40 جنية وركب تمام هو هو بتاع الار بى بعد ما عم غبور قالى 200 جندى

200ج كمان أوباااااااااااااااااااااااااااااااااااااااا ليه يعنى
بس فيه كورى ب 40 ج
خلاص ان شاء الله شكلى كده هارجع اغير فلتر التكييف ههههههههع واجيب الكورى اللى 40 جند ماله يعنى كفاءة وابن حلال
شكرا يا كبير

[khaabas]

صحيح يا رجالة هو الفلتر ده بيتغير كل اد ايه

[Ahmed Nasser]

انا لقيت بتاع النوبيرا عامل 70 و 80 ج
روحت نظفت القديم وشغال حلاوة

[dr.hazem]

الفلتر ده يفترض انه مبيعديش حبوب الطلع اللي بتعمل التحسس الربيعي وعشان كده بيبقى غالي ...

الفلتر بيتغير كل سنتين او 40 ألف او حسب الاستهلاك
ممكن تكتفي بتنضيفه لحد اما يكتم هوا المكيف ساعتها يتغير...
تحياتي

[Samir Elshahawy]

ممكن تفك الفلتر كل فترة و تنظفه في البيت بالمكنسة و بعد كده ترشه بمعطر و تركبه

[mhkorayem]

حلوه فكرة المعطر دي
لازم الواحد يجربها

[khaabas]

ههههههع ده انا من ايام فيفى ( فيرنتى سابقا ) بغيره كل 10.000 ههههههع بس فلتر فيفى كان بجنيه ونص وكنت مستغليه كمان هههههههههههههههههه
يعنى كل 40.000 الف اغيره ، طيب كده تبقى سهلة شوية ان شاء الله :)
بس جربوا حكاية المعطر دى وادعولى وهتسغنوا عن معطرات العربيات
وطبعا موش شرط جليد اى حاجة ريحتها بتلزق مدة طويلة بس تكون ريحتها حلوة طبعا هههههع

[_hema]

روحت اغير فلتر التكييف بتاع محبوبتى الار بى اهو جو وحركات
فروحت اجيب فلتر تكييف قلت اخره كام يعنى خمناشر جنيه هههههههههع
بكام يا عم الاصلى لقيته بيقولى 125 ج لييييييييييييييييه ايه المبرر
ان الفلتر يكون اغلى من طقم البيوجهات ونفس تمن فلتر البنزين تقريبا هههههههههع واغلى من كف المريا
المهم جبته وعارف ان انضحك عليا ضحك السنين بس قلت فى نفسى دى اخر مرة هاغيرك يا فلتر يا تيت وغيرته وعالفكرة هو هو بتاع السيراتو

نيجى بقى للحركة الحلوة فكيت الفلتر القديم ولقيته حلو والله مرمتوش طبعا وجبت سبراى جليد برائحة اللافندر وغرقت فلتر التكييف الجديد بيه ( الموضوع ده من حوالى اربع ايام ) ولسه الحمد لله محتفظ بالرائحة فقلت اقولكم على الفكرة ( ظريفة والله )

تسلم ياباشا على نقل التجربه
والله ينور عليك فى الفكره دى

[windofchange]

منقول من عضو فاضل فالمنتدي

انا لسه منظف الفلتر نفسه بطريقه جديده و لله الحمد اتت بثمارها و النتيجه ممتازه
هو انا كنت بعمل زى ما صديقى العزيز بيشو شرح قبل كده فى موضوع زمان عن كيفيه تنظيف التكيف بالديتول.
بس بعد فتره لقيت ان مهما اعمل بعد يومين او ثلاث تبدا الريحه ترجع . وبما ان الريحه دى سببها البكتيريا فقررت اطهر و اعقم الفلتر ب البخار و الديتول ( و فعلا نجحت)
1- نظف الفلتر بالهواء الاول كلشان نتخلص من التراب و العوالق
2- انته ياسيدى بتجيب براد شاى وتملاء نصفه او مستوى المياه يكون منخفض عن فتحه صب الشاى
3- تحط نصف غطاء ديتول على المياه و تسبها تغلى
4- اول ما البخار يتصاعد ابدء بتمرير الفلتر على البخار بحيث يطول كل اجزاء الفلتر وده تكرره على الوجه الثانى للفلتر
5- استمر لمده 10 دقائق او ربع ساعه
انا ثبت الفلتر فوق فتحه البخار بمشبك غسيل و فاتله مربوطه على حاجه زى الحامل المهم انى التصرفت علشان مزهقش
6- طبعا الفلتر هتلقيه مندى كده او مبلول الى حد ما ..فى الحاله دى سيبه ينشف طبيعى فى الشمس وبلاش تستعجل و تنشفه بالحراره ( سيشوار مثلا) علشان الورق رقيق و ممكن يبوظ .
بس كده انت كده قتلت الباكتيريا المسببه للرائحه و عقمته وخليت رحته حلوه و هيستمر معاك بدون رائحه لمده كافيه ان شاء الله
طبعا فى اخوه مابتحبش ريحه الديتول ممكن تكتفى بالبخار فقط
و الطريقه دى اضعف الايمان و فى حدود المتاح فلو حد عنده ماكينه بخار يبقى افضل و اسهل
و لكم تحياتى

[Habd]

للاسف فا فلتر التكيف الاصلى هو الاحسن لان الكورى او الصينى او اى نوع غير الاصلى بيكون اتقل من الاصلى فبيقلل اندفاع الهواء اللى داخل الصالون يعنى التبريد هو هو بس لو سرعة 2 كانت مع الاصلى حلوة مع التقليد هتعلي سرعة المروحة لثلاثة و مبروك الفلتر انا فلتر التكييف الاصلى عندى بتاع 200 ج :)