هو الهانكوك شاحح ليييييييه ؟؟ بيقولوا في اليكس و بس !!!

[seri0us]

السلام عليكم يا شباب :))

انا مركب من 5 شهور فردتين هانكوك 14 ال 185\65 في سيارة ماتريكس .. و بصراحة من ايام الاكسنت و انا بتعامل مع الهانكوك و قبلها الفليشيا و ما شوفتش احلى من دي فردة و صوتها يكاد يكون معدوم و مريحة للعفشة جدا ... راي شخصي من تجربتي :))

دلوقتي عاوز اغير ال كومهو اللي ورا بفردتين هانكوك ... المشكلة ان اشرفكو قالي ماعنديش في اي فرع و سألت في المنصورة عندنا قالي مش موجود في الجمهورية كلها و الموجود في الاسكندرية و ما بيلحقش يطلع بره اسكندرية :(((

هو عامة الكومهو عندي حالتهم كويسة بس قلت الحق اغير اللي ورا علشان يبقوا قريبين من القدام في العمر الاستهلاكي و اغير ال 4 مع بعض ...

فهل هيجرا حاجة لو النقشة اللي ورا اختلفت عن اللي قدام و مثلا هتزود المقاومة فبالتالي تاكل بنزين و تسارعها يقل ؟؟؟ ولا ده مش هحس بيه و بيفرق في السباقات و المواصفات القياسية فقط ؟؟؟

و هل ده عادي ان اللي قدام نوع و اللي ورا نوع ؟؟ و لو ينفع ورا يبقوا نوع تاني ... ترشحولي ايه يبقى في حدود سعر الهانكوك اللي ب 410 ج تقريبا لان الكومهو ب 380 ج ... و عامة لو في نوع اغلى حبتين لحد 450 او 470 ممكن اجيبه لاني مقتنع جدا جدا بان اللي ورا في الكاوتش لازم يبقى اجود و اجدد من الامامي زي ما شوفت فيديو ميشلان اللي كان في المنتدى ده ..

فارجو افادتي على وجه السرعة علشان لو مسافر كايرو قريب اكون واخد قراري بالتركيب او الانتظار لحين تواجد الهانكوك ... كله متوقف على ارائكم المفيدة ان شاء الله :))

[seri0us]

كل دي مشاهدات و من غير و لا مشاااااركة :(((

[Nashaat Rady]

ده نمرة وكيل هانكوك و عنوانه

7 ش المساحة، الدقى, الجيزة
02-33356420

كلمهم و شوف عندهم ايه قبل ما تضرب المشوار و اسأل عن تاريخ الإنتاج كمان

و مايقولكش ٢٠١٢ و يسكت، أساله الأسبوع الكام في ٢٠١٢،
يعني ١/٢٠١٢ يفرق كتير عن ٥٠/٢٠١٢ مثلا.من حي التخزين.

ما فيش مشاكل بالنسبة اختلاف النقشة ورا عن قدام و لا الماركة كمان.

المهم تحط الجداد في الخلف، حتي لو بتاع الكاوتش، قالك غير كده و يا باشا ده شغلتي و الحاد قدام و الكلام الفارغ ده

و ده تقرير عن زيارة لهانكوك الدقي.

http://www.nilemotors.net/Nile/346722-md-2.html

تحياتي و بالتوفيق