توقيت تغير الزيت

[megadeath]

السلام عليكم انا معايا فيرنا 2006 و بحط زيت xhp ... ربنا كرمنى و شغلى الجديد بقى قريب من البيت تقربيا 9 كم رايح و زيهم جاى و بتحرك فى وقت ما فيش فيه زحمه و نادر لما اقف فى اشارة 4 دقائق
المهم انا غيرت الزيت من حوالى3 شهور بس طبعا على المشوار الصغير ده ما عملتش بالزيت اكتر من 1800كم ...... فهل المفروض استنى لغاية 3000 كم و لا المفروض اغير الزيت كل 3 شهور حتى لو معملتش الكليومترات بتاعات الزيت ؟
ولكم الف شكر

[megadeath]

عفوا خطاء فى اسم الموضوع المفروض يكون توقيت تغير الزيت مش الويت

[Nashaat Rady]

بس يا اخي الفاضل، الزيوت المعدنية غير مرغوب فيه خاصتاً للسيارات الحديثة،

رجاء استخدام زيت تخليقي، زي شيل و توتال و غيرهم، و موبيل ١ حاليا في ذيل قائمة الزيوت التخليقية فلا انصح به...
و لكنه برده كويس مش وحش....

و إليك مقال منقول عن الزيت التخليقي... و عشان تغير، يفضل تعمل فلاش لفترة لا تزيد عن من ٥ الي١٠ دقائق

انتشرت نوعية جديدة من زيوت محرك السيارة غير الزيوت المعدنية تسمي الزيوت التخليقية.. فما الفرق بينهما وأيهما أفضل لسيارتك؟
الزيت المعدني هو زيت مستخرج من البترول بعد تكريره وهو الزيت الذي نستخدمه منذ عشرات السنين.. أما الزيت التخليقي فهو زيت تم تعديل تكوينه الكيمائي في المعامل لتكون له خواص مختلفة عن الزيت المعدنى، وهناك نوع من الزيوت نصف تخليقية وهي مزيج من الزيت المعدني والزيت التخليقي.
مميزات الزيت التخليقي:
- ثبات كيمائي وفيزيائي أفضل من الزيت المعدني فلا يتحلل أو يفقد لزوجته بسرعة.
- يوفر في استهلاك الوقود لإنه يساعد علي تحرك أجزاء المحرك بسهولة أكبر ويقلل الاحتكاك الي أقصي درجة.
- يحافظ على الموتور عند إدارة السيارة في الصباح (وهي الفترة التي يحدث خلالها أعلي تآكل للأجزاء الداخلية للمحرك لأن الزيت يكون موجود في قاع حوض الزيت - في الكارتيرة- وعند التدوير يبدأ الزيت في الصعود لتغطية كل أجزاء المحرك الداخلية).. في حالة الزيت البترولي يكون قوامه ثقيل ويأخذ وقتا حتي يصل الي درجة اللزوجة المطلوبة لكن الزيت التخليقي تكون لزوجته ثابتة في درجات الحرارة المنخفضة وفي درجات الحرارة العالية مما يجعله يصل بسرعة أكبر من الزيت البترولي للأجزاء الداخلية للمحرك مما يقلل تآكله فيوفر له عمر أطول.
- سرعة تدفق أعلى من الزيت البترولي مما يساعد علي القيام بعملية التزييت بكفاءة أعلي.
- معدل بخر أقل.
- أداء أحسن في درجات الحرارة العالية جدا والمنخفضة جدا.

لكن عيب الزيت التخليقي أنه يجب أن يستخدم في محركات تستخدم بنزين خالي من الرصاص.
هل ممكن الاستغناء عن الزيت البترولي الذي نستخدمه في المحرك منذ فترة واستخدام زيت تخليقي بدلا منه؟
ممكن بعد تفريغ المحرك من الزيت البترولي ثم وضع (فلش) ثم ادارة المحرك لعدة دقائق ليقوم الفلش بإزالة كل بقايا الزيت المعدني ثم تفريغ الفلش من المحرك ثم إضافة الزيت التخليقي.. ولكن يجب عدم استخدام الزيت التخليقي في المحركات القديمة لأنه يؤدي الي إضعاف المحرك وتقليل كبس الموتور لأن المحرك القديم يكون علي أجزاءه الداخلية رواسب وعند إضافة الزيت التخليقي فإنه يزيل هذه الرواسب مما يزيد من مقدار الخلوص بالأجزاء الداخلية للمحرك فيؤدي الي تهريب كبس المحرك.

منقول من مجلة الشباب الأهرام

[wael6]

ما رايكم فى زيت شل الاصفر للفيرنا ؟

تعمل بالغاز ؟

وشكرا

[haissam24h]

الغاز يفضل استخدام زيت فيسكو ناس بتشكر فيه عشان فيه ماده للغاز اسئل عنه

[megadeath]

انا عربيتى عاملة 95000 كم مش عارف اذا كان ينفع اغير لزيت تخليقى و لا لا ؟
و بعدين محدش جاوبنى لغاية دلوقتى اغير لما اكمل 3000 كم و لا اغير دلوقتى علشان موضوع 3 شهور ؟

[Nashaat Rady]

انا عربيتى عاملة 95000 كم مش عارف اذا كان ينفع اغير لزيت تخليقى و لا لا ؟
و بعدين محدش جاوبنى لغاية دلوقتى اغير لما اكمل 3000 كم و لا اغير دلوقتى علشان موضوع 3 شهور ؟

لا تعتبر سيارة قديمة تماماً، اتكل علي الله و اعمل فلاش و استخدم زيت تخليقي و ان شاء الله حاتحس بفرق

تحياتي