استشارة في خبطة النترا md

[s7oda]

استشارة استشارة من رجالة نايل موتورز عندي العربية مخبوطة من اواخر شهر 12 عام 2012 وبصراحة استقبلت العام الجديد على الصدمة دي ونفسي اتصدت .........ولحد دلوقتي نفسي مصدودة ومعملتهاش وخايف اعملها لتبوظ العربية
رأيكم فيها وافضل الطرق للتصليح وربنا يسترها معانا جميعا (ومنها لله العين اللي كانت السبب)

[kokowasfy]

يا راجل دى سهلة دى ممكن تتعالج منغير رش

[s7oda]

يا راجل دى سهلة دى ممكن تتعالج منغير رش

ازاي بالله عليك علشان سمعت فيها كلاااااااااااااااام كتير وجع قلبي

[mhkorayem]

عندي اختها في الماتريكس
وياريت لو حد يعرف افضل حل ليها يقول لنا

[haissam24h]

اعتقد فى حل الجهاز الى بيشف الساج للخارج

ده ممكن تشوف هيعمل حل ولالا بس مش عارف هلاتقيه فيه

او لائما مسمار هيتلحم ويعمل زرجينه عليها للخارج
بس كل الموشرات بتقول ان العتب يتغير وطبعا هيتقطع بالحام ويتعمل عتب جديد ويتلحم ويترش بس هو مش غالى بس هتبقى لسه جديده ويتعمل فيها كده هتبقى فعلا حاجه تسد النفس
والحمد الله انها جت فى العتب

[s7oda]

اعتقد فى حل الجهاز الى بيشف الساج للخارج

ده ممكن تشوف هيعمل حل ولالا بس مش عارف هلاتقيه فيه

او لائما مسمار هيتلحم ويعمل زرجينه عليها للخارج
بس كل الموشرات بتقول ان العتب يتغير وطبعا هيتقطع بالحام ويتعمل عتب جديد ويتلحم ويترش بس هو مش غالى بس هتبقى لسه جديده ويتعمل فيها كده هتبقى فعلا حاجه تسد النفس
والحمد الله انها جت فى العتب

الجهاز او المسمار ماشي والمهم الصنايعي انما قطع ولحام طبعا هتكون حاجة تسد النفس بجد

عندي اختها في الماتريكس
وياريت لو حد يعرف افضل حل ليها يقول لنا

يا ريت ونظبط ونروحلة انا وانت

[Samir_Adel]

مبدئيا, اوعي تعمل فيها حاجة.. سيبها كدة بقفلتها (فابريكة) اقيم للعربية
ثانيا, المادة البيضاء اللي ظاهرة دي البطانة (الفيلار).. ممكن تجيب علبة بولش ناعم مش خشن و تدهن البولش علي الكلام دة كلة و تدعك بفوطة ناعمة, هتتحسن كتير و بمراحل عن دلوقتي.

[dr.hazem]

عليك وعلى ورشة نايل موتورز هيقولولك الحل بالظبط ان شاء الله,,,,
تحياتي

[BUNSH]

قدر الله ماشاء فعـــــــــــــــل ..
حضرتك ممكن تروح مركز نــــــايل ويبصولك عليهــــــا وهيقولولك على التكلفة والوقت ..
ناس محترمين جـــــــــــدا ..

http://www.nilemotors.net/Nile/305393-a.html

[s7oda]

جزاكم الله خير ولو حد عندة حل تاني يتفضل يقول غير اني اقص والزق عتب
ولو سمحتم حد يقولي طريق مختصر للحرفيين من الدائري للوصول لورشة نايل موتورز

[killercorc]

انا معايا نفس عربيتك واتخبطت منى فى العتب خبطة اكبر من كدة والحل انكهتروح لاى مركز كويس هيسمكرهالك من غير قص ولا لحام وهى هتتعمل بالمسمار والزرجينة وهتترش وهتبقى زى الفل بس الدهان احسنلك يكون بويات سكينز ونصيحة منى فى مركز تكنو وان فى الحرفيين تحت كوبرى الدائرى عند موقف العاشر مركز محترم جدا ومعتمد واسعارة حلوة مقارنة بالحرفيين

[s7oda]

انا معايا نفس عربيتك واتخبطت منى فى العتب خبطة اكبر من كدة والحل انكهتروح لاى مركز كويس هيسمكرهالك من غير قص ولا لحام وهى هتتعمل بالمسمار والزرجينة وهتترش وهتبقى زى الفل بس الدهان احسنلك يكون بويات سكينز ونصيحة منى فى مركز تكنو وان فى الحرفيين تحت كوبرى الدائرى عند موقف العاشر مركز محترم جدا ومعتمد واسعارة حلوة مقارنة بالحرفيين

شاكر افضل سياتك
استفسار بيسط هيكون فية معجون وكدة

[john55]

كان عندي زيها عملتها في مركز غبور للهياكل في قليوب رد العتب ورشه كلفني 375 جنيه وممكن تراضي الراجل اللي هيرشها ليك علشان يدراي النقر اللي في البابين ويرشها وجرب ومش هتخصر حاجه

[s7oda]

كان عندي زيها عملتها في مركز غبور للهياكل في قليوب رد العتب ورشه كلفني 375 جنيه وممكن تراضي الراجل اللي هيرشها ليك علشان يدراي النقر اللي في البابين ويرشها وجرب ومش هتخصر حاجه

حضرتك انا رحت فرع ابو رواش قسم الهياكل قالي 1600 جند مجندين ودة لان العتب هيتسمكر ويترش والبابين هيتسمكرو ويترضووطبعا فك فرش البابين لية ثمن
قلتلو خد 1600 ومترشش البابين قل لا مينفعش دة (على اساس انه دكتور )حسبي الله ونعم الوكيل في غبور واستغلالة
اديني عنوان فرع قليوب ارحلهم

[Samir Elshahawy]

أفضل حل ليها بيكون كالتالي :
1- بيتم عمل زرجينة (بار حديد بيتم لحامه في العتب)
2- بيتم سحب الزرجينة للخارج واحدة واحدة و بالتالي بيتم سحب العتب للخارج
3- بعد كده بيتم رفع الزرجينة باللمبة
4- بيتم تسوية العتب بالصاروخ علشان يشيل أي زيادات أو بروز
5- بيتم وضع معجون لمعالجة الاماكن المنخفضة و تسوية السطح
6- بعد كده بيتم رش العتب كله بنفس لون العربية

طبعا الشغل ده بيحتاج حوالي 6 ساعات شغل بالكتير أوي بس المهم يكون الصنايعي نظيف و شاطر

فيه فكرة تانية بس مش عارف هاتنفع معاك و لا لأ
أنك تركب لها عتب خارجي .. منه منظر حلو و في نفس الوقت يداري شكل العتب اللي مخبوط و تحافظ علي العربية فابريكة زي ماهي