تقرير عن رحلة ذهاب وعودة للاسكندرية بالالنترا mdو الصحراوى و الزراعى

[DEVILRIDER]

فى البداية والدى اللى كان سايق و انا كنت جنبو بس هتكلم ب ضمير انا عشان اسهل الموضوع المهم فولت العربية من محطة موبيل اللى فى روكسى و صفرت العدادات كلها و توكلت على الله روحت صحراوى متوسط الاستهلاك لحد ما وصلت اسكندرية كان 7.7 على سرعات من ١٣٠ ل ١٦٠ و تشغيل التكييف طول الطريق و العربية كانت كاملة يعنى ٥ افراد المهم الطريق يعتبر كويس مش بطال علما انى كنت على على طريق السخنة قبلهها بساعتين عشان حفلة منىر و الطريق يعتبر جاااامد بالنسبة للصحراوى بس مبوظش اليوم عير الزحمة الرهيبة اللى كانت على الطريق بعد الحفلة اللى خلت الناس تفصل العربيات و تنام على الطريق لان الجانبين كانوا واقفين تمامااا و كلو ماشى عكس على كلو و الزحمة لمسافة ٩ كم و مفيش عربية اتحركت من مكانها من الساعة ١٢ لحد ما مشيت الساعة ٥ الفجر بمعجزة عرفت اعدى ال٩ كم دول مشى بس مشيت ٤ بس و العربية كات واقفة ف استراحة بعد منطقة الزحمة دى ا المهم نرجع ل موضوعنا قضيت اليوم تمام فى اسكندرية و الجو كان جميل جداا و احنا راجعين الكورنيش كان زحمة جدا فا اضطرينا نروح ل طريق اسمو الطريق الدولى اىىى دولى بقى مقولوكوش مسكنا الطريق مفيش ولا عمود نور كولو جى فى وشنا ضارب العالى و مفيش رؤية بمعنى الكلمة المهم سلنا قبل ما ندخل الطريق اتقالى ااول نزلة زرااعى تنى نزلة صحراوى المهم عديت على اول نزلة مكنش عليها يفط خاااالص ولا قبلها حتى تانى نزلة مكتوب عليها القاهرة ٢٠٠كم مش اكتر ولا اقل فا نزلنا و اكتشفنا انو الزراعى و يا ريتنا ما اكتشفنا و تبدا الماساة عواميد النور موجودة و مش منورة لمدة حوالى ٨٠ كم بعد كدة بتنور شوية و تقطع شوية النور الطريق معمول فيه ٤ مطبات متتالية حوالى كل ٢ كم مش بهزر والله و اللى عرفت ان الاهالى و قطاع الطرق عملينهم عشان نصباية شاى او بيثبتوا العربيات و الحمد لله انى وصلت سليم والله النور العالى كلو فاتحو عشان مفيش عواميد منورة فا النور العالى ف وشك و فى المراية اللى فوق وو المرايتين اللى فى الجنب غير كمية عربيات النقل اللى مش طبيعية و التكاتك الله يخريبيتها ماشية عكسنا و كل شوية هى و الموتوسيكلات يمشوا بعرض الطريق و مفيش تواجد امنى خاااااااااالص طول لطريق كنت ماشى على سرعة ٨٠ بسبب المطبات المهم منصحش حد يسافر زراعى خالص و بالذات بالليل مسكت الطريق 10.30 وصلت البيت 1.30 متوسط الاستهلاك على الكمبيوتر لما وصلت كان 7.5 بس المتوسط غلط نسبيا لانى عملت ٥٠٠ كم و كان قارى انو فاضل ٧٠ كم كمان يعنى حوالى الاستهلاك طول الرحلة و بالزحمة جوة اسكندرية و التوقفات الكتير 8.5 كم لكل لتر و بكدة العربية عملة حوالى ٥٢٠٠ كم و هروح اعمل الصيانة ان شاء الله و بكدة اكون خلصت الموضوع قولت انقلكو تجربتى

[matrix_it]

اسكندرية نورت يا كبير

[DEVILRIDER]

اسكندرية نورت يا كبير

ده نورك ياا كبييير

[blazer]

حمد الله على السلامه
عاوز اعرف حاجه
هل فعلا قرايه كمبيوتر العربيه بتبقى مضبوطه
يعنى بتلاقى انك استهلكت نفس الاستهلاك

[DEVILRIDER]

حمد الله على السلامه
عاوز اعرف حاجه
هل فعلا قرايه كمبيوتر العربيه بتبقى مضبوطه
يعنى بتلاقى انك استهلكت نفس الاستهلاك

الله يسلمك هو اخر قراية ديه مكنتش مظبوطة قوى يعنى هو قرا 7.5 انا حسبتها بالظبط كانت 8.5 فا الفرق مش كبير انا بتكلم على المرادى بس مش عموما فا غالبا بيبقا صح او قريب ن الصح

[Samir Elshahawy]

النهاردة كنت رايح أبورديس صد رد
العربية (ألنترا md موديل 2012 - فئة ثالثة) وصلت الساعة 4:40 صباحا و علي مانزلت و دخلنا أون زا رن موبيل الرحاب علشان أجيب الكابيتشينو بتاع الرحلات الطويلة ليا و للسواق و أتحركنا كانت الساعة حوالي 5 صباحا

المهم مسكنا الطريق (طريق السويس) و دخلنا مطار أبورديس الساعة 7:30 (يعني ساعتين)
مش عارف كان ماشي كام السواق المجنون ده

المهم خلصت شغل علي الساعة 12 الظهر و أتحركنا ووصلنا الرحاب حوالي 3:30 بعد العصر (حوالي 3 ساعات)
لأننا وقفنا حوالي نص ساعة في رأس سدر للصلاة و علشان نشرب حاجة

المهم .. أستهلاك العربية المتوسط 8 لتر / 100 كم
مع العلم أن العربية عاملة 60,000 كم و حالتها مقارنة بعربيتي سيئة لأنها شركة أيجار و بيركبها أكثر من سواق و ماحدش عمل لها صيانة من يوم ماجت كل اللي بيعملوه أنهم بيغيروا الزيت و الفلتر بس

لو المشوار ده بعربيتي هأعمل فيه متوسط أستهلاك من 6.8 - 7.2 لتر / 100 كم علي سرعات من 100 - 130 كم /س

هيونداي ألنترا : أستمتع بالطريق

[koshary]

تسلم ايدك على التقرير ياباشا

[S O P H O S]

حمد الله علي السلامة