جبت الاكليس الاندونيسي التابع لكونتيننتال و هقارنه بالهانكوك الكوري

[seri0us]

السلاااااااااااام عليييييييييييييكم

قرأت كذا موضوع في منتدانا العزيز عن فردة الكاوتش الاكليس الاندونيسي التابع لمصنع كونتيننتال الالماني و اللي وكيل الفردة في مصر ممدروع مبروك الغطاطي خلف جنينة مول مباشرة ..

و طبعا لقيت كلام عضو عاش في المانيا و كان مركب الكونتيننتال و لما جه معاد تغيير الفردة نصحوه بالاكليس في سيارته المرسيدس بنز ... قال كلام مشجع جدا لتجربة الفردة دي :)

و كلام اعضاء مش قليلين كويس جدا عن الفردة دي و المشجع انها تابعة لمصنع كونتيننتال الالماني ..

فتواصلت مع الوكيل و رحت له يوم الجمعة امبارح ... و طبعا انا مقتنع بان الصح للفرد الجديدة تبقى ورا و لكن لاني مضطر للروتيشن للكاوتش فكان اللي قدام هانكوك كمله تقريبا سنة او 15 الف كم فقلتله رجعهم ورا و ركب الجداد الاندونيسي قدام ..

تاريخ صنعهم الاسبوع ال 32 من 2012 يعني شهر اغسطس ...

و بالمرة قلت اشوف احساس بتغيير في نعومة السيارة اكتر ولا لاء و غياب بعض الاصوات او الاحساس بالمطبات هيقل ولا لاء ...

و فعلا تم العمل و كنت هسهر في جامعة الدول شويتين و هرجع ع الفجر للمنصورة و يبقى خير تجربة للفردة في بداية تركيبها و ليس حكم نهائي و اكيد ..

ما شاء الله على الهدووووووء الرائع مقارنة بالهانكوك اللي كانوا قدام و كانوا بالنسبة ليا موفرين هدووووء ممتاز للسيارة لدرجة ان صحابي معايا قالولي باين حبة صغننيييييييين صوت الفرد الهانكوك اللي ورا !!!!!!

و لسه هركز معاها اكتر مع تقادم عمرها علشان ابقى واخد قرار نهائي ساعة التغيير للاربع فرد اجيب الهانكوك تاني ولا استقر على الاكليس الاندونيسي الطرية الرائعة في نقشتها ...

سعر الفردة من ممدوح مبروك مقاس 14 185\65 ب 380 ج

و سعر الهانكوك من وكيلها في الدقي بالجيزة نفس المقاس لما اتصلت بيهم قالولي فيه صيني و كوري ... الصيني ب 375 و الكوري 455 .. قلتله و الكواليتي ؟؟ قالي تيبكال فرق في المصنعية اقل في الصين و نقشة الكوري احلى حبتين من الصيني :))

و اخيرا كان قراري اجرررب الاندونيسي علشان مستقبليا بعد ال 50 الف كم اكون محدد عن تجربة شخصية اركب ايه في ماتريكستي الخليجي :))

و مبدأيا شكلي هنصح اي سائل ليا بالاكليس الاندونيسي ...

و اللذيذ و الجديد ليا منظر شفة الفردة على الجنط الاسبور مش بايتة على شفة الجنط و لكن بها شفتين داخليتين هما اللي معشقين في الجنط نفسه !!!!

لدرجة اني ندهت للمدير و سالته ازاي محتفظة بالهوا و فيه فرق بين الفردة و الجنط داير ما يدور واضح لنظرة العين المجردة ؟؟؟ !!!

فاخدني و قالي بص ع الرينو دي و هما راكبين فيها !!!! و قالي بص ع العربية التانية و البريدجيستون راكبين فيها !!!!

لقيتهم نفس السيناريو :))))))) و استغربت اوي من الفكرة ... بس اشتغالة حلووووووووة جديدة عليا :)

[blazer]

الف مبروك
ياريت تكتب اسم الموديل بلتفصيل عشان نشوف صوره والرايتنج بتاعة على النت

[S O P H O S]

مبروك وياريت تقيم لاداء الفرامل

[eng.m7md.ali]

الف مبروك على الكاوتش

انا لسة جايب فردتين كونتننتال وفردتين اكليس

الانطباع ان الكونتننتال طرية جداً والاكليس ناشفة وبتدبدب

[seri0us]

سبحاااااااااااااان الله بعد تركيبهم باسبوع جاتلي سفرية مع الاسرة للغردقة 6 ايام فقلت اهو بالمرة اجرب صوتها على السرعات العالية و كمان فراملها عامله ازاي ؟؟؟

و الله العظيم انا مبهوووووووور جدا جدا جدا بطريقة الفرملة من حيث عدم الزحف او اصدار اي صوت !!!

و في المطبات ارووووع من الهانكوك بمرااااااااااااااحل :)

علشان كده قررت باذن الله بعد ما اخلص ال 50 ال كم للفرد الاربعة هغيرهم كلهم بالاكليس الاندونيسي و مهما اختلف معايا ناس في ارائهم على الاكليس هفضل انصح بيها لانها الافضل على الاطلاق في المقاس 14 185 \ 65 بهذا السعر و هو 380 ج بتركيبهم و ترصيصهم ..

[seri0us]

الف مبروك
ياريت تكتب اسم الموديل بلتفصيل عشان نشوف صوره والرايتنج بتاعة على النت

اكليس بلاتينيوم 14 185\65 H

و دي مشاركة من منسق قسم هوندا في موضوع لاحد الاعضاء عن نوع الكاوتش اللي عاوز يشتريه :

فية كاوتش اسمة achilis platinum ( اكليس بلاتينيوم) الكاوتش دة صناعة ماليزى انا جربتة عمل معايا 60 الف كيلو شوف الفردة جميلة جدا سواء فى ثبات او فرامل بس يعيبها حاجتين ( صوتها عالى شوية لانها بتميل الى الرياضية - ناشفة فى المطبات ) وعيب اخر بشوفة فى كل الكاوتش وهو ان الفردة بعد ال40000 الف بدأت اى مسمار داست علية او زجاج مكسور يدخل فى اى مكان فى الكاوتش ودة معناة ان المطاط بتاع الفردة جودتة قلت وبالتالى بردة كان بيعمل نوع من عدم التماسك ماكانت علية الاول والكلام دة بعد ال40000 الف كيلو ويمكن اكتر وسعر الفردة مقاس 16 هيعمل حوالى 450 جنية

مميزاتها ( rotation - sport - نقشة رياضية متعددة المجارى - تيل كلها - سرعات v )

.... تصحيح : هو مش ماليزي هو اندونيسي بس يمكن اختلط عليه الامر :)

تعليقي انا : ازاي صوتها عالي ؟؟؟ انا مش سامع اي حاجة !!!! و ازاي ناشفة ؟؟ ده علشان راكبه قدام و اللي ورا هانكوك صوت المطب قدام تحس ان الاكليس بلعته من غير اي صوت نهائيا بعكس اداء الهانكوك !!!!

انا اعتقد و الله اعلم نوع العربية هو اللي بيفرق مع كل كاوتش ... و اللي يتناسب مع هوندا غير الماتريكس غير الفيرنا غير الرينو ... مش كده برضه ؟؟

[corsair]

الف مبروك يا زعيم بس ممدوح غطاطي اللي ورا جنينه مول بيغلي عن سعر السوق في الفرده تقريبا 30 جنيه وعن تجربة

[p r i n c e]

مبروك و مستنيين رأيك فيهم مع الوقت

[seri0us]

الف مبروك يا زعيم بس ممدوح غطاطي اللي ورا جنينه مول بيغلي عن سعر السوق في الفرده تقريبا 30 جنيه وعن تجربة

ماشي يا باشا ...

كلام معاليك صح ... بس هتعمل ايه لو عرفت انه وكيلها و هو اللي مستوردها و بيوزعها في الجمهورية !!!

و عامة هي بره ب 424 ج و هو اللي محدد سعر بيعها للموزعين فقول يا سيدي هيبيعوها ب 400 ج ... برضه هو ارخص لانه اكيد بيسلمهالهم بسعر ماحدش يلعب فيه الا هو و بالتالي اعتقد 380 ج هيبقى اقل سعر و خاصة زي ما قلت لحضرتك انه هو الوكيل المعتمد الوحيد :)

[SAMEH_FOUAD]

اكليس بلاتينيوم 14 185\65 H

و دي مشاركة من منسق قسم هوندا في موضوع لاحد الاعضاء عن نوع الكاوتش اللي عاوز يشتريه :

فية كاوتش اسمة achilis platinum ( اكليس بلاتينيوم) الكاوتش دة صناعة ماليزى انا جربتة عمل معايا 60 الف كيلو شوف الفردة جميلة جدا سواء فى ثبات او فرامل بس يعيبها حاجتين ( صوتها عالى شوية لانها بتميل الى الرياضية - ناشفة فى المطبات ) وعيب اخر بشوفة فى كل الكاوتش وهو ان الفردة بعد ال40000 الف بدأت اى مسمار داست علية او زجاج مكسور يدخل فى اى مكان فى الكاوتش ودة معناة ان المطاط بتاع الفردة جودتة قلت وبالتالى بردة كان بيعمل نوع من عدم التماسك ماكانت علية الاول والكلام دة بعد ال40000 الف كيلو ويمكن اكتر وسعر الفردة مقاس 16 هيعمل حوالى 450 جنية

مميزاتها ( rotation - sport - نقشة رياضية متعددة المجارى - تيل كلها - سرعات v )

.... تصحيح : هو مش ماليزي هو اندونيسي بس يمكن اختلط عليه الامر :)

تعليقي انا : ازاي صوتها عالي ؟؟؟ انا مش سامع اي حاجة !!!! و ازاي ناشفة ؟؟ ده علشان راكبه قدام و اللي ورا هانكوك صوت المطب قدام تحس ان الاكليس بلعته من غير اي صوت نهائيا بعكس اداء الهانكوك !!!!

انا اعتقد و الله اعلم نوع العربية هو اللي بيفرق مع كل كاوتش ... و اللي يتناسب مع هوندا غير الماتريكس غير الفيرنا غير الرينو ... مش كده برضه ؟؟

ههههههههههههه , انت جيبت المشاركة دية منين , دية قديمة جداااااااااا

عموما ياباشا , انا اللى كاتب المشاركة , ودة تقييمى عليها

موضوع ماليزى ممكن فعلا اكون اتلغبطت وانا بكتب فعلا

- بالنسبة بقى للتقرير :

1- الفردة عندى كان صوتها عالى شوية وناشفة فى المطبات شوية عشان انا كنت جايبها 15 مش 14 , والمقاس عندى 55-195 يعنى الكاوتش غيرك اقل الارتفاع عن سطح الارض عن عندك ,دة غير انى قايل تقييمى للفردة عند 40,000 كيلو يعنى مش وهية لسة جديدة بحالها , لان اى فردة جديدة مهما كانت هتكون كويسة بس الكاوتش الكويس اللى بيبان بعد كيلوهات كتييييييييييير

2- الفردة كانت ناشفة لانها رياضية Sport ومافيش عليها علامات الراحة والهدوء لانها فردة رياضى

3- الكاوتش جننى عند 40.000 الف كيلو والله كان لازم كل اسبوع اروح زيارة للبتاع الكاوتش , مرة يطلع قطع زجاج مكسور - مسمار صغير اوى , وطبعا دة نتيجة الشقوق اللى حصلت للفردة , مع العلم ان بركن العربية فى جراج سواء فى البيت او الشغل , وان ماكنش فية مسمار لازم اروح ازود الفردة لانها بتقل من كتر التشقاقات

4- الفرامل ممتازة جداااااااااااا لحد 35.000 كيلو بعد الفترة دية ادائها بدأ يقل بشكل ملحوظ

5- العربية فى الغرز كانت ممتازة بس دة عشان ثبات الهوندا , لكن الكاوتش بعد كدة حسيت انة مابقاش ثابت من الخلف زى الاول

5- نقشة شكلها شيك جدااااااااااااا وجميلة جداا , وفردة ممتازة وكل حاجة بس نصيحة منى اخرها معاك maximum 40,000 km , ماتقعدهاش اكتر من كدة , انا قعدها ل 60,000 لانى ساعتها كنت بدور على شقة وقولت هخلص المشاوير بالكاوتش دة ولما الاقى شقة ان شاء الله ابقى اغير بقى والكاوتش يقعد معايا براحتة على نظافة


فى الاخر الفردة دية جميلة جداااااااا بس اخرها كيلوهات قليلة يعنى مش زى البريدجستون او الميشلان و كونتينيتال

وبالنسبة للسعر بتاعها طبعا افضل اداء مقابل السعر ويضاهى كمان اللى اعلى منة فى السعر بفرق قليل مش كبير

ومبروك ياباشا

[seri0us]

ههههههههههههه , انت جيبت المشاركة دية منين , دية قديمة جداااااااااا

عموما ياباشا , انا اللى كاتب المشاركة , ودة تقييمى عليها

موضوع ماليزى ممكن فعلا اكون اتلغبطت وانا بكتب فعلا

- بالنسبة بقى للتقرير :

1- الفردة عندى كان صوتها عالى شوية وناشفة فى المطبات شوية عشان انا كنت جايبها 15 مش 14 , والمقاس عندى 55-195 يعنى الكاوتش غيرك اقل الارتفاع عن سطح الارض عن عندك ,دة غير انى قايل تقييمى للفردة عند 40,000 كيلو يعنى مش وهية لسة جديدة بحالها , لان اى فردة جديدة مهما كانت هتكون كويسة بس الكاوتش الكويس اللى بيبان بعد كيلوهات كتييييييييييير

2- الفردة كانت ناشفة لانها رياضية sport ومافيش عليها علامات الراحة والهدوء لانها فردة رياضى

3- الكاوتش جننى عند 40.000 الف كيلو والله كان لازم كل اسبوع اروح زيارة للبتاع الكاوتش , مرة يطلع قطع زجاج مكسور - مسمار صغير اوى , وطبعا دة نتيجة الشقوق اللى حصلت للفردة , مع العلم ان بركن العربية فى جراج سواء فى البيت او الشغل , وان ماكنش فية مسمار لازم اروح ازود الفردة لانها بتقل من كتر التشقاقات

4- الفرامل ممتازة جداااااااااااا لحد 35.000 كيلو بعد الفترة دية ادائها بدأ يقل بشكل ملحوظ

5- العربية فى الغرز كانت ممتازة بس دة عشان ثبات الهوندا , لكن الكاوتش بعد كدة حسيت انة مابقاش ثابت من الخلف زى الاول

5- نقشة شكلها شيك جدااااااااااااا وجميلة جداا , وفردة ممتازة وكل حاجة بس نصيحة منى اخرها معاك maximum 40,000 km , ماتقعدهاش اكتر من كدة , انا قعدها ل 60,000 لانى ساعتها كنت بدور على شقة وقولت هخلص المشاوير بالكاوتش دة ولما الاقى شقة ان شاء الله ابقى اغير بقى والكاوتش يقعد معايا براحتة على نظافة


فى الاخر الفردة دية جميلة جداااااااا بس اخرها كيلوهات قليلة يعنى مش زى البريدجستون او الميشلان و كونتينيتال

وبالنسبة للسعر بتاعها طبعا افضل اداء مقابل السعر ويضاهى كمان اللى اعلى منة فى السعر بفرق قليل مش كبير

ومبروك ياباشا

هههههههههههههههههههههه ايوه يا باشا دي مشاركة حضرتك و انا قلت كده في الاول علشان انسب الفضل لاصحابه :))

فعلا انا ماخدتش بالي من موضوع فرق المقاس و فرق الكيلوات ... كويس ان حضرتك عرفتني موضوع الاداء بعد ال 35000كم

الف شكر لمرورك و نصايحك :))

[lad]

مركبها فى الجيتز وماشية 40000 و زى الفل و لسه شارى اربعة جداد الفرده ب 400 من ممدوح غطاطى فرع المعادى للجيتز برده و جبت اربع فرد لللادا الفرده كانت ب 300 كاوتش محترم الصراحة الكاوتش اسمه اكيلس بلاتينيوم

[corsair]

ماشي يا باشا ...

كلام معاليك صح ... بس هتعمل ايه لو عرفت انه وكيلها و هو اللي مستوردها و بيوزعها في الجمهورية !!!

و عامة هي بره ب 424 ج و هو اللي محدد سعر بيعها للموزعين فقول يا سيدي هيبيعوها ب 400 ج ... برضه هو ارخص لانه اكيد بيسلمهالهم بسعر ماحدش يلعب فيه الا هو و بالتالي اعتقد 380 ج هيبقى اقل سعر و خاصة زي ما قلت لحضرتك انه هو الوكيل المعتمد الوحيد :)

والله يا غالي انا كنت رايح اجيبها من عنده مقاس 14/65/185 ولقيته بيقولي سعرها 420 جنيه قولتله طيب هجيب الفلوس بكره واجيلك اركبهم وبالصدفه عديت علي محل في شارع الخليفة المأمون ولقيت عنده الاكيليس ب 380 نفس المقاس وقالي في عندي اللي احسن منها سيلفر استون 3 شفه نقشة مجاري ب 385 فرق 5 جنيه في الفرده بس كان تاريخها احدث وشكلها فعلا جميل وطريه عن الاكيليس وتوكلت علي الله وجبتها من عنده وجبت الجنوط كمان من عند اشرفكوا ب 1300 اندونيسي وارتحت من الفيبريشين اللي كان في عربيتي بعد ال 100 كيلو

انا بقولك تجربتي للامانه وتحياتي ليك والف مبروك وربنا يديك خيرها ويكفيك شرها وشر طريقها اهم حاجه انك لازم تسئل في اكتر من مكان بعد كدا قبل ما تستقر علي مكان تجيب منه مش للكاوتش بس لا لأي حاجه تحب تجيبها في عربيتك

[Moataz_Mohamed]

السلام عليكم

يا جماعةأنا معايا بروتون ويرا 2005، وكنت جايبها من واحد صاحبي، وكان مركب فرديتي اكليس بلاتينيوم قدام وماشي بيهم حوالي 2000 كم مقاس 185/65 - 14 ، بس اللي ورا راكب كومهو 195/65 - 14 طبعا الفردتين ضيعين لدرجة روحت اظبط زوايا وارصص الراجل في "فيت اند فيكس" بريدج استون مارضيش يرصصلي ورا وقالي دول لازم يتغيره،
هههههههه، حتى كان في مسمار قالي لو هطلعو والحم ب 25 جنية، فشتري كاوتش جديدي احسن، ههههههههههه
أنا النهاردة إن شاء الله هروح لغطاطي اجيب فرديت اكليس جداد بس كنت بفكر اجيب ال 195/65 - 14 يعني العريض ورا فالراجل في التليفون قالي بلاش خلي العربية كلها مقاس واحد ، وطبعا هركبهم ورا لاني اللي قدام شبة جديدة وانا شوفت الفيديو اللي أحد الزملاء منزله عن ميشلان الي عملين تجربة وقالوا ان الجديد يركب ورا.
وربنا ييسر الاحوال
دعواتكم

[khaabas]

والله انا غيرت النيكسين المقرف اللى كان فى العربية وجبت كومهو سولو وموش وحش ماشاء الله الصراحة بس المرة الجاية هيكون يوكوهاما ان شاء الله