Tweet
تقرير عن تركيب تيل امامي و خلفي للفيرنا
تم الذهاب الي الميكانيكي لسماع صوت صافرة في الفرامل و فرامل اليد ضعيفة لازم تتشد للاخر خالص و مش بتعمل تكات الا لما تشدها علي الاخر , في الاول فك العجل الخلفي و فك الطنابير الخلفية و قالي الطنابير عاملة شفة و عايزة تتخرط عشان الشفة دي تروح و الفرامل تشتغل معاك مية مية ....قولت له ماشي اخدت الطنابير الخلفية و وصفلي واحد في 6 اكتوبر في حتة اسمها وادي الملكة عشان انا موجود في زايد و روحت للخراط و خرط الطنبورتين و الشفة اللي كانت موجودة في الطنابير راحت...
رجعت له تاني قالي هنركب تيل خلفي عشان التيل تعبان و مستهلك و قالي في تيل جولد كوري التيل الخلفي عامل 100 جنيه و بصيت علي العلبة لقيت مكتوب عليها made in korea علبة لونها ازرق كده و ركبنا التيل الخلفي .
بعد ما ركبنا الطنابير الخلفية و التيل بتاعها قالي هنبص كمان علي التيل الامامي عشان كله يبقي تمام قولت له ماشي فك الكاوتش الامامي قالي احنا ممكن نصنفر بس قدام و لو عايز نغير التيل الامامي براحتك بس انت ممكن تمشي عليه شوية كمان ...بصراحة احنا قولت له غير بالمرة و ركب برده تيل امامي جولد كوري و قالي سعره 65 جنيه ...
قالي اركب وجرب و هو ركب معايا بس انا عملت حاجة غبية جدا بصراحة و مدايق من ساعتها و احنا لسة بنجرب مشيت بتاع 4 دقايق و انا رافع الهاند بريك من غير ما اخد بالي الا انه هو نبهني و بص لي و قالي "انت رافع الهاند......الله يصلح حالك" ...(معلش لسة جديد في المواضيع دي و بضرب لخمة)
المهم الفرامل بقت احسن و فرامل اليد بقت اقوي و قالي بعد 10 يوم التيل يطبع كده و تعالي نعمل رجلاش. المهم يا اصدقائي هو اخد مني200 جنيه ( 100 ج سعر تيل خلفي جولد كوري و 65 سعر تيل امامي جولد كوري يبقي المجموع 165 تيل و الباقي مصنعية )بعد فصال عشان كان عايز 215 اديته 200 بس (100 خلفي 65 امامي و الباقي مصنعية)..ايه رايكم ...في اي تعليقات
رجعت له تاني قالي هنركب تيل خلفي عشان التيل تعبان و مستهلك و قالي في تيل جولد كوري التيل الخلفي عامل 100 جنيه و بصيت علي العلبة لقيت مكتوب عليها made in korea علبة لونها ازرق كده و ركبنا التيل الخلفي .
بعد ما ركبنا الطنابير الخلفية و التيل بتاعها قالي هنبص كمان علي التيل الامامي عشان كله يبقي تمام قولت له ماشي فك الكاوتش الامامي قالي احنا ممكن نصنفر بس قدام و لو عايز نغير التيل الامامي براحتك بس انت ممكن تمشي عليه شوية كمان ...بصراحة احنا قولت له غير بالمرة و ركب برده تيل امامي جولد كوري و قالي سعره 65 جنيه ...
قالي اركب وجرب و هو ركب معايا بس انا عملت حاجة غبية جدا بصراحة و مدايق من ساعتها و احنا لسة بنجرب مشيت بتاع 4 دقايق و انا رافع الهاند بريك من غير ما اخد بالي الا انه هو نبهني و بص لي و قالي "انت رافع الهاند......الله يصلح حالك" ...(معلش لسة جديد في المواضيع دي و بضرب لخمة)
المهم الفرامل بقت احسن و فرامل اليد بقت اقوي و قالي بعد 10 يوم التيل يطبع كده و تعالي نعمل رجلاش. المهم يا اصدقائي هو اخد مني200 جنيه ( 100 ج سعر تيل خلفي جولد كوري و 65 سعر تيل امامي جولد كوري يبقي المجموع 165 تيل و الباقي مصنعية )بعد فصال عشان كان عايز 215 اديته 200 بس (100 خلفي 65 امامي و الباقي مصنعية)..ايه رايكم ...في اي تعليقات
Comment