إعـــــــلان

Collapse

.

,
See more
See less

الشكوى جابت نتيجه في العبور - ix35

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    الشكوى جابت نتيجه في العبور - ix35

    السلام عليكم ورحمة الله وبركاته
    كنت من فتره صغيره كتبت تقرير عن صيانة ال 1000 والجزء الخاص بتاع الهياكل
    http://www.nilemotors.net/Nile/353501-1000-ix35.html

    وبعد مامشيت من عندهم ,,,لقيت صوت التخبيط لسه موجود في الشنطه,,,,
    سألت عن فرع اسكندرية ومواعيده في الاجازه
    http://www.nilemotors.net/Nile/353927-a.html

    وللاسف بعد مارحت هناك لقيتهم اجازه,,,,,
    الصراحه دمي فاااااااااااار وروحت كلمت خدمة العملاء وانا في الفرع وقدمت شكويتين
    1- في فرع العبور,,,,,انهم قالولي اتصلحت ولما مشيت لقيته لسه موجود
    2- في فرع اسكندريه ان مواعيد الاجازه الاسبوعيه ( جمعه وسبت ) غير اللي متسجله في خدمة العملاء ( خميس وجمعه )

    المهم بعديها بيومين علطول لقيت م/عادل مسئول الاستقبال في هياكل العبور بيكلمني وقاللي انا فاكرك,,,ليه مارجعتش علطول لما لقيت الصوت لسه موجود ؟؟
    قلتله انت عارف المنطقه عندكو والزحمه,,,الصوت ظهر لما مشيت على الدائري فكان مستحيل اني ارجع تاني وانا لما سألت حضرتك ايه اللي حصل في العربيه ,,,,قولتلي معرفش وانا روحت سألت العامل وقاللي بسيطه قفل الشنطه اتظبط بس.
    المهم اتفقت معاه على معاد تاني ورحتله من 8:30 واول ماشافني افتكرني وهو الصراحه راجل مهذب ومحترم,,,,
    قاللي هتخش الورشه وتفهم المهندس والفني كل اللي انت عايزه وتطلع تجرب معاه ومش هتمشي الا وانت راضي ان شاء الله

    صراحه كان يووووووووووووم عظييييييييييييم ,,,,من 8:30 ل 3:00 العصر في الورشه
    دخلت مع العربيه الورشه وقعدت اشرحلهم المشكله والتخبيط والمهندس ايمن - مدير قسم الهياكل - بنفسه كان واقف معانا ومهتم بالقضيه
    العربيه قعدت حوالي ساعه كده وطلعنا جربنا للمره الاولي - حوالي الساعه 10.
    جربنا والصوت بقى أقل شويه بس لسه موجود,,,,
    رجعنا عالورشه,,,الفني يعمل حاجه ونطلع نجرب تاني ونرجع الورشه,,,
    فضلنا عالحال ده اربع خمس مرات لحد ما عم مصطفى داخ مننا وراح ياكل ويرتاح
    وهو الصراحه راجل طيب جدا وبيشتغل بضمير جدا - كان قاعد في الشنطه واحنا بنجرب عشان يعرف الصوت طالع منين
    وجبنا فني جديد على الساعه 1 كده وكان عايز يبتدي القصه من اولها ويعمل كل تجاربنا السابقه :( :(
    قلتله وحياة والدك احنا تعيبنا,,,واستفيد من خبرتنا طول النهار لوسمحت
    طلعنا جربنا وعم حسين قعد برضه في الشنطه وطلعنا بقى عالطريق السريع عشان نجيب من الاخر
    الراجل تقريبا فك كل حاجه ورا واحنا ماشيين عشان نكتشف الصوت منين - الكنبه وشماسة الشنطه والكريك وقعدنا نجري ورا الصوت لحد ماقفشناااااااااااااااااااااااااااااااااااااه اخيرا

    كان الفيبر بتاع الشنطه هو السبب اللعين

    والصراحه انا من يوم ما استلمت العربيه وسمعت الصوت...دورت على السبب عالنت ولاقيت الناس بره بتشتكي منه ومش عارفيين يحلوه خاااااااااالص

    بس النهايه كانت مثمره ومرضيه ب درجة 90% او اكتر والصوت تقريبا اختفى والحمد لله
    وهم برضه اكتسبه خبره في الموضوع عشان لو حد راحلهم يجيبوا من الاخر ومايخدش الوقت الرهيب ده كله,,,,,
    وبالمناسبه كان فيه عربيه تانيه عندهم وهي موديل السنه اللي فاتت وطلعت جرتها معاهم عشان نشوف فيها نفس الصوت ولا لأ ,,,,وفعلا لاقيناه وبدرجه اكبر كمان :) :)

    روحت شكرت المهندس عادل وطلعت على قسم الصيانه عشان كنت عايز اسأل على منظف الرشاشات

    الظريف جدا اني اول مادخلت لقيت م/امير في وشي - وهو اللي كان عملي صيانة ال 1000 - سلمت عليه وقولتله انا كنت عندك قريب فاكرني ؟؟
    قاللي ايوا مش انت بتاع موضوع الكلاكس ,,,قلتله ايوا

    قالللي انت كتبت المناقشه اللي دارت بينا عالنت والعصفوره قالتلي
    مين بقى ياشباب العصفوره ده ياترى ؟؟؟؟؟؟؟??????????????????؟؟؟؟؟؟؟؟؟؟؟؟؟؟؟؟؟؟؟

    سألت على المنظف وقولتله انا عملت ايه في الكلاكس وعدم اللعب في الدفيره ,,,,
    صدمني وقاللي مدام غيرت اي حاجه في العربيه,,,لو حصلت بعد كده اي مشكله في الكهرباء هتبقى بره الضمان قلتله انا مالعيبتش فى اي حاجه !!!! قاللي ولو حتى غيرت الكاسيت وحصلت مشكله بعد كده هتبقى بره الضمان للاسف

    ده معلومه ,,,يمكن تفيد حد او تغير رأي حد كان عايز يعمل حاجه في عربيته.

    الشكوى التانيه بقى بتاعت اسكندريه ولا حد كلمني ولا حد عبرني فيهااااااااااااااااا
    بس هما يعني هايقوله ايه ؟؟؟ كانوا فاتحين وانت مخدتش بالك


    بسم الله الذي لا يضر مع اسمه شئ في الارض ولا في السماء وهو السميع العليم
    ((فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ))
    الكلمات الدلالية (Tags): ix35, الشكوى, العبور, جابت, في, نتيجه
  • #2
    بجد انتا عندك صبر أيوب الواحد يبقي جايب عربية جديدة ويطلع عينه بالمنظر ده علشان يعرف سبب عيب في العربية والله الواحد مبقاش عارف يقول ايه نجيب دبابات ومدرعات ونريح دماغنا بقا بعد كدا

    المهم حمدلله علي السلامه وكفاره ههههههههههههههه
    [CENTER][SIZE=5][COLOR=DarkRed]Best Car[/COLOR][/SIZE]
    [img3]http://www7.0zz0.com/2014/12/14/14/320011745.jpg[/img3]
    [/CENTER]

    Comment

    • #3
      والله يابيه الموضوع استفزاااااااااااز مش صبر.
      استفزاز ان العربية تبقى زيرو ومش عارف تستمتع بيها بسبب التخبيط والترزيع...
      بس تقول ايه...الحمد لله.
      مش عايز اقوللك كمان ان ظبتتلي العربيه خرابيش وهو بيلمعها :(
      غير كمان ان العربيه جه عليها طرطشة بويا غرقتها :( :(
      الحمد لله على كل حال.
      بسم الله الذي لا يضر مع اسمه شئ في الارض ولا في السماء وهو السميع العليم
      ((فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ))

      Comment

      • #4
        ألف مبروك الصيانه والحمد لله جت على قد كده...

        تحياتي
        don't judge a car unless you have driven it

        hm414 سابقا

        Comment

        • #5
          ياصبرك

          حمد الله على الاصلاح بس ايه الى تم بالتحديد ؟؟

          Comment

          • #6
            المشاركة الأصلية كتبت بواسطة hossam_elwani مشاهدة المشاركة
            ياصبرك

            حمد الله على الاصلاح بس ايه الى تم بالتحديد ؟؟
            شوف ياسيدي....بعد كل ماتم ذكره من معاناه اكتشفنا ان صوت التخبيط ناتج عن :
            1- قفل الشنطه كان عايز يتظبط
            2- قفل الباب الخلفي كان عايز يتظبط
            3- الكنبه كانت بتلعب شويه
            4- الفيبر اللي في الشنطه كان عايز يتربط ويتظبط

            1 و 4 هم الاسباب الرئيسيه للصوت وبالباقي اكتفشناه في البحث :) :)
            بسم الله الذي لا يضر مع اسمه شئ في الارض ولا في السماء وهو السميع العليم
            ((فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ))

            Comment

            • #7
              الحمد الله ان الموضوع اتحل

              Comment

              • #8
                المشاركة الأصلية كتبت بواسطة s o p h o s مشاهدة المشاركة
                الحمد الله ان الموضوع اتحل
                الحمد لله طبعا.....بس ياريتهم كانوا اهتموا نفس الاهتمام ده من غير شكوى....بس احنا في مصر :)
                بسم الله الذي لا يضر مع اسمه شئ في الارض ولا في السماء وهو السميع العليم
                ((فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ))

                Comment

                • #9
                  طالما دفعت لازم لو في عيب تتصلح
                  اناعارف ان في ناس كتيير مصالحها بتتعطل لو في صبانه دوريه للعاربيه فما بالك بعطل بس العربيه لازم تكون 100% وإلا هتفتح معاك بعد كده
                  مهما كان التطنيش او تكبير الدماغ او حتي عدم الخبره من أي وكيل
                  لازم العميل يطلع مرتاح لانه هيرتاح بعد كده علي طول
                  الحمد لله ان فيه منتدي زي ده عشان نتعلم منه ونشارك بخبرتنا
                  وزياده علي كده كل واحد يحط في نيته ان بشرح ويوضح ويشارك بمعلومته لوجه الله عشان ياخد ثواب كمان عليها ان شاء الله

                  مبروك علي اصلاح العيب وربنا يكفيك شرها
                  الحمد لله علي كل نعمة انعمت بها علينا والحمد لله علي كل نعمة نسينا ان نحمدك عليها

                  Comment

                  • #10
                    المشاركة الأصلية كتبت بواسطة amagroup مشاهدة المشاركة
                    طالما دفعت لازم لو في عيب تتصلح
                    اناعارف ان في ناس كتيير مصالحها بتتعطل لو في صبانه دوريه للعاربيه فما بالك بعطل بس العربيه لازم تكون 100% وإلا هتفتح معاك بعد كده
                    مهما كان التطنيش او تكبير الدماغ او حتي عدم الخبره من أي وكيل
                    لازم العميل يطلع مرتاح لانه هيرتاح بعد كده علي طول
                    الحمد لله ان فيه منتدي زي ده عشان نتعلم منه ونشارك بخبرتنا
                    وزياده علي كده كل واحد يحط في نيته ان بشرح ويوضح ويشارك بمعلومته لوجه الله عشان ياخد ثواب كمان عليها ان شاء الله

                    مبروك علي اصلاح العيب وربنا يكفيك شرها
                    الله يفتح عليك ,,,,هو ده الكلام
                    وفعلا موضوع النيه مهم جدا,,,,ربنا يجعله في ميزان حسناتنا كلنا ان شاء الله
                    بسم الله الذي لا يضر مع اسمه شئ في الارض ولا في السماء وهو السميع العليم
                    ((فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ))

                    Comment

                    • #11
                      طب كويس والله...انا عندي مشكله في الفيرنا صوت تقطقه وتزييء مش عارف جي منيين...ممكن تقولي اروح لميين هناك ؟؟ والمكان فين هل هوا جنب الصيانه العاديه ولا فحته لوحده؟
                      [CENTER][SIZE=4][COLOR=Blue][/COLOR][/SIZE]خالد ابو المجد
                      Electronics And Communications Engineer
                      سبحان الله وبحمده ... سبحان الله العظيم
                      [/CENTER]

                      Comment

                      • #12
                        المشاركة الأصلية كتبت بواسطة loshabih مشاهدة المشاركة
                        طب كويس والله...انا عندي مشكله في الفيرنا صوت تقطقه وتزييء مش عارف جي منيين...ممكن تقولي اروح لميين هناك ؟؟ والمكان فين هل هوا جنب الصيانه العاديه ولا فحته لوحده؟
                        ايوا ياباشا ورا مركز الصيانه علطول,,,,قابل اى حد في الاستقبال بس تروح قبل 11 عشان محدش يقوللك حاجه,,,,المهم لوقدرت تدخل تشرح للفني الاصوات بتطلع منين وكمان ماتستلمش العربيه غير لما تجربها معاهم وده حقك طبعا,,,,هم بس بيكسلوا ويبقوا عايزين ينجزوا
                        بسم الله الذي لا يضر مع اسمه شئ في الارض ولا في السماء وهو السميع العليم
                        ((فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ))

                        Comment

                        • #13
                          المشاركة الأصلية كتبت بواسطة AFT مشاهدة المشاركة
                          ايوا ياباشا ورا مركز الصيانه علطول,,,,قابل اى حد في الاستقبال بس تروح قبل 11 عشان محدش يقوللك حاجه,,,,المهم لوقدرت تدخل تشرح للفني الاصوات بتطلع منين وكمان ماتستلمش العربيه غير لما تجربها معاهم وده حقك طبعا,,,,هم بس بيكسلوا ويبقوا عايزين ينجزوا
                          تماام...شكرا لييك
                          [CENTER][SIZE=4][COLOR=Blue][/COLOR][/SIZE]خالد ابو المجد
                          Electronics And Communications Engineer
                          سبحان الله وبحمده ... سبحان الله العظيم
                          [/CENTER]

                          Comment

                          • #14
                            ألف مبروك العربية و حل المشكلة و كنت عاوز أعرف عملت الشكوى فين؟؟ تليفون ولا فى أحد الفروع ؟؟ أنا لسه مستلم ألنترا و عندى مشكلة فى التأمين فهعمل شكوى يمكن تتحل قبل ما أشتكى فى جهاز الرقابة على التأمين..

                            Comment

                            • #15
                              المشاركة الأصلية كتبت بواسطة dadapharma مشاهدة المشاركة
                              ألف مبروك العربية و حل المشكلة و كنت عاوز أعرف عملت الشكوى فين؟؟ تليفون ولا فى أحد الفروع ؟؟ أنا لسه مستلم ألنترا و عندى مشكلة فى التأمين فهعمل شكوى يمكن تتحل قبل ما أشتكى فى جهاز الرقابة على التأمين..
                              الشكوى عن طريق التليفون 16101
                              بسم الله الذي لا يضر مع اسمه شئ في الارض ولا في السماء وهو السميع العليم
                              ((فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ))

                              Comment

                              السابق 1 2 template التالي
                              Working...
                              X