حليت مشكلة صرخة الكاوتش مع الفرامل

[p r i n c e]

في ناس كتير إشتكوا من مشكلة سماع صرخة الكاوتش مع الفرامل هنا ف القسم و خصوصا من ملاك الفيرنا
ناس نصحوني ارجلش الفرامل؛ رجلشتها و برضو مفيش فايدة يومين بالظبط و الكاوتشات رجعت تصرخ مع الفرامل
قالو خلاص يبقى اظبط زوايا؛ رحت اكشف على الزوايا مع إن العربية مش بتحدف ولا سنتيمتر على السرعات العالية و مش ببقى لامس الدريكسيون، المهم بتاع الزوايا قالي مش محتاج تظبط زوايا بس في زاوية مقفولة أكيد أكلت مطب قفل الزاوية مع إني مكلتش مطبات بس قولتله اشطة اتعامل ياسطى و مشيت بالعربية و برضو بسمع صرخة الكاوتش مع الفرامل
قلت بقى اجرب اعمل rotation للكاوتشات خصوصا اني مشيت عليها 18 ألف كيلو من غير ما اعملها rotation و فعلا صوت صرخة الكاوتش مع الفرامل اختفى تماما
انا قلت انقل تجربتي يمكن حد يستفيد منها
و آسف على الإطاله

[azwoz65]

شكراً لنقل التجربة

[john55]

هجرب انا عتدي نفس المشكله شكرا

[Ashraf_Ibrahim]

معلش ممكن توصفلي يعني ايه صرخة الكاوتش اللي بتسمعها دي تحديدا !

[p r i n c e]

معلش ممكن توصفلي يعني ايه صرخة الكاوتش اللي بتسمعها دي تحديدا !

يعني لما بدوس فرامل حتى لو مش ماشي على سرعة عالية بسمع من الكاوتشات (حووووووء :-d)

[Dr.Mostafa Anwar]

(حووووووء :-d)

هلكتني ضحك .. روح يا شيخ الله يوسع رزقك :)

[p r i n c e]

هلكتني ضحك .. روح يا شيخ الله يوسع رزقك :)

حبيبي و يوسع رزقك و يستر طريقك يارب

[Walid_M]

جزاك الله خيراً على نقلك للمعلومة المهمة


تحياتي ...

[Ashraf_Ibrahim]

اها تمام
انا جه في بالي صرخة تانية خالص فعشان كدة قلت استفسر واسأل :]

[S O P H O S]

مبروك حل المشكلة

[p r i n c e]

مبروك حل المشكلة

شكرا
الله يبارك فيك

[verna2008auto]

مش عاوز اخوضك ..
احتمال (( عوده الصرخه )) وارد

.. بمعني طالما ان الزاويه مقفوله يبقي بعد فترة احتمال الكاوتش اللي عند الزاوية دي برده يطلع الصرخه تاني ...

يبقي الله لا يرجعها تاني .. وسلامه كاوتش عربيتك

[haysam2000]

مشكور على نقل التجربه اللى اكيد هتفيد ناس كتيير

[p r i n c e]

مش عاوز اخوضك ..
احتمال (( عوده الصرخه )) وارد

.. بمعني طالما ان الزاويه مقفوله يبقي بعد فترة احتمال الكاوتش اللي عند الزاوية دي برده يطلع الصرخه تاني ...

يبقي الله لا يرجعها تاني .. وسلامه كاوتش عربيتك

بتاع الزوايا ظبطلي الزاوية دي خلاص الحمدلله

[p r i n c e]

المشكلة كلها رداءة نوع الكاوتش اللي بينزل مع الفيرنا