بفكر ألغى حجز ix35 هاى لين

[mfm_tantawi]

النهارده هيونداى كلمونى عشان أكمل الحجز ولكن للاسف فوجئت إنهم زودو السعر تانى عشان يبقى 240000جم بدون أى مبرررررررررررر
طب يا جماعة دانا لما جيت أحجز من خمس أسابيع كانت لسه زايدة عشان الدولار (يخرب بيت الدولار اللى يخلى الناس بتزعل من بعض ) وبعدها سعر الصرف بقى ثابت بل بالعكس دا الدولار سعره قل شوية ، طب الزيادة دى جت منيييييييييييين وبعدين هادفع تمن العربية وأستنى كمان شهر (دا إسمه كلام يا حاج غبور )
بصراحة الموضوع فيه ريحه إستغلال وأنا موتى وسمى حد يستغلنى (على الرغم إن الزيادة المره دى بسيطة مقارنة بتمن العربية) بس مش قادر ألاقى مبرر للزيادة وبفكر جديا بالعند فيهم أشترى حاجة تانية وشكل تانى خالص

[khaabas]

الصراحة حاجة تغيظ وعندك حق

[john55]

بصراحه هتلاقي كل التوكيلات بتغلي عربيتها حتي لو حجزت نيسان كيا فاعتقد كله بيعمل كدا وان كانت الزياده حاسس انها بسيطه كمل وانشاء الله خير وشكرا

[hossam_elwani]

هيا الزياده كده كام ؟؟

[drmsadek1979]

لو الموقف دا معايا هلغي الحجز بدون تردد

[mfm_tantawi]

هيا الزياده كده كام ؟؟

زادت من شهر 5000 ومن كام يوم 5000 كمان والفئة الاولى والتانية زادت 15000 من شهر

[M I D O]

لا كدة استغلال رسمي الغي الحجز يا غالي وروح هات كيا سبورتاج او نيسان قشقاي من اي معرض ومتحجزش تاني عشان متتاخرش في الاستلام و السعر يعلي تاني هاتها من معرض و ادفع الف ولا الفين زيادة احسن من الانتظار وتزيد كل شوية

[Mostafa Hessen]

كل دى زيادات
لا طبعا الغى الحجز

[أحمد عبدالله]

كتير

[mahmoud_afifi]

الغي الحجز. ده انت شوية وهتقرب على سعر bmw x1

[AFT]

الفكره مش فى الدولار....الاول غبور نزلها ارخص كتير من سبورتاج ولما اتحجزت كلها وسعر السبورتاج الرسمي زاد...قاللك ما ازود انا كمان والحجز عندي شهر او اتنين بالكتير....
ممكن تفكر في الفئه التانيه وتستغنى عن فتحة السقف.
وانا معلوماتي بتقول انها نزلت ل 215 - بعد ما كانت زادت ل 220 - واللي اعرفه كمان انها موجوده حاليا تقدر تستلمها علطول وكده كده هتبقى برضه ارخص من السبورتاج.
استخير وتوكل على الله

[MTAK]

بصراحه انا كنت قريب من حالتك

هاتجنن على العربيه دى منذ فتره , و ناوى من فتره احجزها و لكن لانى مش مستريح لغبور من الاساس من اللى بيعمله فى الالنترا
و انا مش مستريحله

و سبحان الله قبل كده برضه رفضت الاسبورتاج علشان برضه استهبال زياده الاسعار التى بلا اى مبرر

يشربوها

240 الف ليه و فى وسط الظروف اللى احنا فيها دى كلها

يشربوها

====================

[Ali Wika]

طبعا الغى الحجز - وهات اكس1 استعمال خفيف - بلا هونضاى بلا دياولو او بريليانس فى5

[adelghanem]

توكل على الله وصلى صلاة الاستخاره. ولو حسيت ان قلبك مش مستريح للى بيعملوه .اسحب الحجز وهات حاجه تانيه بس تكون استلام فورى مش حجز والله الموفق

[ashouhdy]

هات السوبارو احلي وانضف

وبجد القاشقاى احلي

Sent from my GT-N7100 using Forum Runner