بفكر ألغى حجز ix35 هاى لين

[Mohab.Nabil]

240 الف عندك حاجات كتير اوى

لو عربية عالية عن الارض عندك bmw x1 استعمال خفيف /bmw x3 حالة ممتازة / peougeot 3008 zero

لو حاجة عادية عندك citroen c5/ds5 ، peougeot 508 ، bmw 320 used , mercedes c 180 used

و طبعا مش محتاج اقولك ان اى واحدة من دول افضل من الـ Ix35 بمراحل

[Dr.M_baz]

لو مقتنع بيها و عاجباك ومرتاح لإختيارك لها ... توكل على الله قبل ما تزيد تاني.

[horas3000]

بص يا باشا
ده العادي بتاع مصر
عربيات كتير غليت الاسبوع اللي فات بدون مبرر
فلو انت باقي علي العربية و عاجباك كمل
مش قوي و عندك خيار اخر الغي

[hossam_elwani]

الغريب هو ليه الزياده

انتو عارفين سوق الموبيلات انخفضت فيه الاسعار بشكل كبير خلال الاسبوع ده نتيج انخفاض الدولار مقابل الجنيه .. ايه بقه الى حصل !!!!!!!!

[khaabas]

دولار ايه اللى انخفض الدولار زاد الاسبوع ده ومتوقع زيادته
وتم تخفيض التصنيف الائتمانى لمصر

[S O P H O S]

بصراحة ليك حق

[hossam_elwani]

دولار ايه اللى انخفض الدولار زاد الاسبوع ده ومتوقع زيادته
وتم تخفيض التصنيف الائتمانى لمصر

انا بقولك كلام من مجال عملى والله اعلم ايه الى بيحصل فى الخفاء

[AFT]

ايوا سعر الدولار الرسمي بيزيد.
بس الفعلى يعني سعره الحقيقي في السوق قل فعلا عن قبل كده.

[Hosam_Optrawy]

شوف ال XV الهاى لاين ب 220

لو مش هى يبقى خليك فى ال ix لان السبورتاج ب 240 برضه :(

[Mohab555]

ده اسلوب الاستغلال الاصيل الى فى غبور
اى عربيه عليها طلب يقوم مزود فى السعر من 5 ل 15 الف على حسب الفئة و الزياده بتبقه كل شهرين ...
لازم توكيل هيونداى يتسحب منهم ... كده كتير

[osman hisham]

يا جماعه نفكر و نحلل بهدوء
غبور قلل سعر الفءتين الاولى و التانيه ٥٠٠٠ و زود التالته
يعنى هوه عنده ستوك من الاولنين و معندوش من التالته فبالتالى يهمه يبعهم بسرعه و يلم فلوسه و بعدين برضه بالشكل ده الطلب على التاته قليل فبالتالى سعرها لازم يغلى
يبقى الحل تشترى الفءه التانيه احسن و ارخص و الفارق مش كبير فى الكماليات

[said.d.y]

لا كدة استغلال رسمي الغي الحجز يا غالي وروح هات كيا سبورتاج او نيسان قشقاي من اي معرض ومتحجزش تاني عشان متتاخرش في الاستلام و السعر يعلي تاني هاتها من معرض و ادفع الف ولا الفين زيادة احسن من الانتظار وتزيد كل شوية

بس يا باشا لو اشترى من معرض موش هيدفع الف ولا الفين ، لا دى هيدفع فى الاسبورتاج بالذات 15 او 20 الف. يعنى ال5000جم بتوع الix35ارحم.

[said.d.y]

انا معاك ان الموضوع يغيظ ، وان كان زيادة 5000جم بالنسبة 235000جم موش نسبة كبيرة الا انة تصرف فية استغلال،بس اهدى شوية وفكر بالعقل وبلاش تتسرع،،، لو لغيت الحجز وفكرت فى عربية تانية،لو كنت مستقر على نفس الاستيل الـ (suv) قتكون المقارنة محصورة فى التؤام بتاع الهيونداى ، الاسبورتاج ،،، حجز 7 شهور وزيادة العن من زيادة غبور وفورى بزيادة 15-20 الف جم.
لو رحت للقشقاى باعتبارها الاقرب ، واعتقد ان ترتيبها بالنسبة ليهم 3،هتكون نزلت شوية فى المستوى (رؤيتى الشخصية وممكن تكون غلط).
لو سبت العربيات المنتشرة ورحت للسوبارو ممكن تكون ارخص (على الرغم من انها ممكن تكون افضل)، بس قلة انتشار وقطع غيار واعادة بيع،،،،،،، الخ. اعتقد اختيار (بالنسبة لسوقها فى مصر) موش الافضل.
لو دخلت فى قصة المستعمل (انا شخصياً ما بفضلهاش خصوصاً لو الزيرو بمستوى الix35).
وبعدين انت عايش فى مصر والسوق فى مصر كلة كدة ، يعنى لو سبت غبور ورحت لحد تانى هتلاقى نفس التصرف (كلة زفت)، وكمان بلاش تجيب عربية موش مقتنع بيها أوى عند فى غبور او اى واحد،،،،،،،،،،،،،،
طالما استقريت على الهيونداىix35 متحيرش نفسك تانى، وتوكل على الله اعتقد انها افضل المعروض حالياً فى الفئة دى، ولو الزيادة موش مناسباك ، خليك فى الفئة التانية(بس لو موش هتفرق معاك ، الهاى لاين مميزة اكتر).
معلش هو دى السوق وطالما انت عايش فى البلد ، لازم تتعايش مع ظروفها(مهببة او حلوة).
ربنا يوفقك للخير ان شاء الله، وطمنا،،،،،،،،،،،،،،

[AFT]

خاللي بالك كمان انه لما بتلغي الحجز ,,,,,بيرجعوا الفلوس خلال 10 ايام مش وقتي يعني....وكمان ب شيك مش كاش.

[mfm_tantawi]

خاللي بالك كمان انه لما بتلغي الحجز ,,,,,بيرجعوا الفلوس خلال 10 ايام مش وقتي يعني....وكمان ب شيك مش كاش.

يا باشا دا 21 يوم كمان مش 10 أيام