يعني ايه اعمل rotation للكاوتش ؟؟

[elsheikh2010]

عربيتي فيرنا عاملة 23000 كم وبسم الله ما شاء الله لسه مانزلتش الأستبن بس كل شهر باظبط الهوا بتاع الكاوتش وكل فترة اقرأ من الأعضاء بيرددوا كلمة روتيشن للعجل .... فعايز باختصار أعرف معناها ايه وفايدتها و طريقتها ؟؟؟ وكمان عايز احط للعجل نيتروجين عشان الصيف فهل ده كويس للكاوتش في الصيف ولا لا ؟؟؟
اسف على الإطالة

[khaabas]

انا سعيد جدا انك سألت السؤال دة لانى برده عاوز اعرف :)

[aymanshebl]

هى طريقة عبارة عن تدوير و تبديل اماكن العجل يعنى الور قدام و العكس و الخلفى يتغير على شكل كروس الى الامام او العكس على حسب نوع العربية دفع امامى او خلفى او 4*4 و الفايدة طبعا انه بيحافظ على تاكل الاطارات بنسبة متساوية و اللى من خلالها بيطول عمر الكاوتش و ده لينكات لتوضيح عملية التدوير و هى بتم كل 10000 كم او اقل من كده لو الطرق سيئة و القيادة عنيفة

How to Rotate Your Car Tires Correctly | The Art of Manliness

http://www.fountaintire.com/images/tires/1.2.3_rotation_image.gif

Tire Rotation | Chicago Rim Repair

[muslim_nsb]

طيب سورى علشان انا في الانجليزي ميح

ايه الفرق بين ان اغير العجله اللي في الامام مع الخلف مباشرتا
او اغيرها بشكل حرف x
وايه الاختلاف في ده

[aymanshebl]

طيب سورى علشان انا في الانجليزي ميح

ايه الفرق بين ان اغير العجله اللي في الامام مع الخلف مباشرتا
او اغيرها بشكل حرف x
وايه الاختلاف في ده

مافيش اختلاف كل دى طرق للتدوير بس طبعا لو الكاوتش ليه اتجاه للدوران او عدم تماثل جانب الاطار اليمين عن جانب نفس الاطار الشمال (نقشة الكاوتش) لا يستخدم الا طريقة التبديل الامام مكان الخلف فقط اما الكاوتش الذى ليس له اتجاه للدوران و له نفس التماثل بين جانبيه (نقشة الكاوتش) يستخدم كافة انواع الدوران بدون استثناء و ان كان يفضل طريقة x

[muslim_nsb]

مافيش اختلاف كل دى طرق للتدوير بس طبعا لو الكاوتش ليه اتجاه للدوران او عدم تماثل جانب الاطار اليمين عن جانب نفس الاطار الشمال (نقشة الكاوتش) لا يستخدم الا طريقة التبديل الامام مكان الخلف فقط اما الكاوتش الذى ليس له اتجاه للدوران و له نفس التماثل بين جانبيه (نقشة الكاوتش) يستخدم كافة انواع الدوران بدون استثناء و ان كان يفضل طريقة x

شكرا لسرعة رد حضرتك وفعلا معلومات مفيده يستفاده من جميع الاخوه في المنتدى

[aw2100]

عربيتي فيرنا عاملة 23000 كم وبسم الله ما شاء الله لسه مانزلتش الأستبن بس كل شهر باظبط الهوا بتاع الكاوتش وكل فترة اقرأ من الأعضاء بيرددوا كلمة روتيشن للعجل .... فعايز باختصار أعرف معناها ايه وفايدتها و طريقتها ؟؟؟ وكمان عايز احط للعجل نيتروجين عشان الصيف فهل ده كويس للكاوتش في الصيف ولا لا ؟؟؟
اسف على الإطالة

وعلى فكرة بعد الروتيشن حتحس انك ركبت كاوتش جديد وتماسك الكاوتش مع الطريق بيزيد وقوة الفرامل كمان بتزيد !!

[aymanshebl]

وعلى فكرة بعد الروتيشن حتحس انك ركبت كاوتش جديد وتماسك الكاوتش مع الطريق بيزيد وقوة الفرامل كمان بتزيد !!

ده كلام صحيح

[p r i n c e]

عربيتي فيرنا عاملة 23000 كم وبسم الله ما شاء الله لسه مانزلتش الأستبن بس كل شهر باظبط الهوا بتاع الكاوتش وكل فترة اقرأ من الأعضاء بيرددوا كلمة روتيشن للعجل .... فعايز باختصار أعرف معناها ايه وفايدتها و طريقتها ؟؟؟ وكمان عايز احط للعجل نيتروجين عشان الصيف فهل ده كويس للكاوتش في الصيف ولا لا ؟؟؟
اسف على الإطالة

يعني تجيب الكاوتش اللي قدام يمين و تبدله مع اللي ورا شمال
و اللي قدام شمال تبدله مع اللي ورا يمين
و لو هتعملها بنفسك هتحتاج تستخدم الإستبن عشان
بس احسنلك روح عند بتاع كاوتش بيبقى عندهم كاوتشات هيشيل الكاوتش اللي قدام يمين و يركب مكانه كاوتش من عنده بعد كدا يروح يحط الكاوتش اللي شاله ورا شمال و يحط الكاوتش اللي كان ورا شمال قدام يمين و هكذا
و فعلا زي ما الرجاله قالولك هتحس بفرق جامد خصوصا الفرامل :-)

[ابو لؤى]

بصراحه كنت بحسبها ترصيص ايه الاحراج ده هههههههههههههه

[esam_ayad]

شكرا للمعلومات المفيده اللي أول مره أعرف أهميتها.