انا بقول بلاش شراء النترا 2012 بدون ايمبولايزر ... حد مؤيدني ؟؟؟

[Walid_M]

الإخوة الأعزاء
بعد التحية ...

النهاردة كنت بتغدى مع قريب لي وجات السيرة بيحكي لي عن صديق له .. شاري النترا جديدة بالتقسيط ..
المهم الراجل استلم العربية السبت ورخص الاربعاء ... بالليل الساعة 10 مساءاً اتسرقت العربية ولم تعد حتى الأن !!!

دخلت المنتدى بعدها بفترة لقيت مشاركة من عضو فاضل معنا يبلغ بسرقة سيارته النترا 2012 !!!

http://www.nilemotors.net/Nile/3875003531-post11.html

شوية لقيت مشاركة تانية يستفسر عن سرقة 5 سيارات النترا جديدة في التجمع الخامس !!!

http://www.nilemotors.net/Nile/358966-a.html

وأدي كمان مشاركة .... كل ده النهارده بس !!!

http://www.nilemotors.net/Nile/358966-2013.html

بصراحة أنا دمي اتحرق !!!
يعني الواحد يدفع من 150 الف إلى 190 ألف تقريباً في عربية مفيهاش Immobilizer !!!
يركنها تحت البيت والعياذ بالله يصحى ميلاقيهاش !!!

أنا شايف إن الناس تمتنع عن شراء أي عربية بدون Immobilizer
ولازم التوكيل يشوف له حل للمصيبة دي !!!

بجد الواحد اعصابه باظت من القلق ده لدرجة إني بفكر جدياً أغير عربيتي عشان حكاية ال Immobilizer ده !!!

ربنا يسترها يارب ويصلح الحال للجميع ..

تحياتي ...

[amoor89]

انا عن نفسى شايف انه مش هو ده العقبة الكبيرة اللى هتمنع السرقة تماما
صديق ليا من اسكندرية كان معاه جولف وفيها ايمبولايزر وبرده اتسرقت فى مدة لاتزيد عن 10 دقايق بالظبط ومن جنب مكتبة اسكندرية
السرقة مش هتتمنع لكن ممكن تطول المدة لما تحط كذا عقبة قدام الحرامى عشان ياخد وقت اكبر فى سرقة العربية

[FOREX EAGLE]

انا اشتريت النترا 2013 فولي لودد مخصوص علشان الايموبلايزر مع ان غبور رافع سعرها اوي بس دي الاسعار في مصر وكل التوكيلات رفعت العربيات ومش عارفين هتزيد لفين بعد كده !!

[hamaka]

انا عن نفسى شايف انه مش هو ده العقبة الكبيرة اللى هتمنع السرقة تماما
صديق ليا من اسكندرية كان معاه جولف وفيها ايمبولايزر وبرده اتسرقت فى مدة لاتزيد عن 10 دقايق بالظبط ومن جنب مكتبة اسكندرية
السرقة مش هتتمنع لكن ممكن تطول المدة لما تحط كذا عقبة قدام الحرامى عشان ياخد وقت اكبر فى سرقة العربية

حضرتك متأكد ان الجولف ممكن تدور من غير مفتاحها ؟؟؟؟؟؟؟ عشان أنا سمعت من كذا مصدر ان الاموبيلايزر مستحيل تجاوزه عشان كمبيوتر العربية مش بيدى اشارة للموتور عشان يبدأ فا عمرها ما هتدور ، و كل الناس تقريباً أجمعوا على ان الوسيلة الوحيدة يا التثبيت بسلاح يا قطر العربية...

[ferrari1500]

معاك تماما

[aboamina]

انا شايف ان الكل المفروض يعمل اللي عليه ويركب عناصر امان قدر المستطاع زي الانذار العادي والايموبليزر وزرار فصل البنزين وجهاز التتبع (دي بقت مواصفات العربية المصرية خلاص) .... لكن المشكلة الكبرى دلوقتي ان احنا مابقيناش في بلد محترمة عشان الحرامية في العالم كله ممكن يسرقوا اي حاجة ماعدا العربيات لانه عارف انه هيتجاب من قفاه في نفس اليوم حتى في مصر قبل الثورة كان الحرامي يفتح احسنها عربية وكبيره ياخد الكاسيت ويجري لكن دلوقتي ممكن ياخدها ويرجع تاني لصاحبها عشان ياخد منه المفتاح الاصلي ويسأله عن الصيانات..........لكي الله يا مصر

[Mohab.Nabil]

حضرتك متأكد ان الجولف ممكن تدور من غير مفتاحها ؟؟؟؟؟؟؟ عشان أنا سمعت من كذا مصدر ان الاموبيلايزر مستحيل تجاوزه عشان كمبيوتر العربية مش بيدى اشارة للموتور عشان يبدأ فا عمرها ما هتدور ، و كل الناس تقريباً أجمعوا على ان الوسيلة الوحيدة يا التثبيت بسلاح يا قطر العربية...

+1

مستحيل يا باشا العربية تتفك شفرتها فى 10 دقايق كده .. دا ممكن يقضى شهر جواها و ميعرفش يفكه فى الاخر هو مش اينشتاين يعنى هيقعد فى 10 دقايق يفك شفرة الـ Immobilizer دا لو عرف يفكها اساسا

العربية ديه اكيد اتقطرت فعلا و ديه الحاجة الوحيدة اللى ملهاش حل


ربنا يسترها معانا و معاكوا

[Kefo_Honda]

فيه BMW 740li 2008 اتسرقت من واحد اعرفه فيه بعد كدة ؟؟

[medosalah]

العربيه استحاااااااااااااااااله تتسرق لو فيها ايموبلايزر الا لو اترفعت علي ونش او اتقطرت بحبل,
هتقلولي ايه دليلك, هقولكم عن موقف شخصي حصل معايا, من حواله 6 شهور اشتريت عربيه اوبل فيكترا موديل 2000
من هيئه حكوميه عن طريق المزاد وطبعا مزاااد يعني واخد عربيه مركونه ومش دايره, المهم رفعتها علي الونش ووديته لميكانيكي اسمه صابر اوبل عند مسجد رابعه العدويه بس للاسف لم يكن معاها الا مفتاح واحد فقط وكمان لما صابر فتحه لقي فحمايه الايموبلايزر اللي جوا المفتاح اللي المفروض يكون متسجل عليها الشفره مكسوره نصين , رحت للهيئه علشان اعرف رقم الشفره علشان اعمل فحمايه جديده لقيتهم تخلصوا من كل ورق العربيات اللي اتباعت في المزاد والورق ده في الزبااااله يبقي بحححححححح,طبعا خدت رقم الماتور والشاسيه وطلعت علي التوكيل لقيت العربيه مستورده من الخارج مش عن طريق الوكيل ومالهاش الملف, راسلت الشركه الام لاوبل دون جدوي لمد اسبوعين , الدنيا قفلت في وشي وقلت حلها الوحيد اجيب ماتور استيراد بس الحمد لله صابر الميكانيكي جاب مهندس معرفه من التوكيل ومعاه جهاز متطور جدا قعد يحاول يمين وشمال واستمر في انه يحاول باجهزه اخري للكشف علي كمبيوتر المتور وبعد اسبووووووووع من المحاولات قدر يعرف الكود وطبعا خدله مبلغ محترم في العمليه دي وعملنا الفحمايه وركبناها في المفتاح والحمد لله العربيه داارت واشتغلت تمااات
ومن ساعته وانا حافظ الرقم زي اسمي وبركن العربيه ولله الحمد وانا متطمن الي حد كبير عليها, وربنا يحفظهالي ويسترها معايا

[Mohab.Nabil]

فيه BMW 740li 2008 اتسرقت من واحد اعرفه فيه بعد كدة ؟؟

ما هى لو اتقطرت او اتشالت هيسرقوا اى عربية مهما كانت .. ايه اللى هيوقفهم يعنى

[aymanshebl]

حضرتك متأكد ان الجولف ممكن تدور من غير مفتاحها ؟؟؟؟؟؟؟ عشان أنا سمعت من كذا مصدر ان الاموبيلايزر مستحيل تجاوزه عشان كمبيوتر العربية مش بيدى اشارة للموتور عشان يبدأ فا عمرها ما هتدور ، و كل الناس تقريباً أجمعوا على ان الوسيلة الوحيدة يا التثبيت بسلاح يا قطر العربية...

+1

مستحيل يا باشا العربية تتفك شفرتها فى 10 دقايق كده .. دا ممكن يقضى شهر جواها و ميعرفش يفكه فى الاخر هو مش اينشتاين يعنى هيقعد فى 10 دقايق يفك شفرة الـ Immobilizer دا لو عرف يفكها اساسا

العربية ديه اكيد اتقطرت فعلا و ديه الحاجة الوحيدة اللى ملهاش حل


ربنا يسترها معانا و معاكوا

العربيه استحاااااااااااااااااله تتسرق لو فيها ايموبلايزر الا لو اترفعت علي ونش او اتقطرت بحبل,
هتقلولي ايه دليلك, هقولكم عن موقف شخصي حصل معايا, من حواله 6 شهور اشتريت عربيه اوبل فيكترا موديل 2000
من هيئه حكوميه عن طريق المزاد وطبعا مزاااد يعني واخد عربيه مركونه ومش دايره, المهم رفعتها علي الونش ووديته لميكانيكي اسمه صابر اوبل عند مسجد رابعه العدويه بس للاسف لم يكن معاها الا مفتاح واحد فقط وكمان لما صابر فتحه لقي فحمايه الايموبلايزر اللي جوا المفتاح اللي المفروض يكون متسجل عليها الشفره مكسوره نصين , رحت للهيئه علشان اعرف رقم الشفره علشان اعمل فحمايه جديده لقيتهم تخلصوا من كل ورق العربيات اللي اتباعت في المزاد والورق ده في الزبااااله يبقي بحححححححح,طبعا خدت رقم الماتور والشاسيه وطلعت علي التوكيل لقيت العربيه مستورده من الخارج مش عن طريق الوكيل ومالهاش الملف, راسلت الشركه الام لاوبل دون جدوي لمد اسبوعين , الدنيا قفلت في وشي وقلت حلها الوحيد اجيب ماتور استيراد بس الحمد لله صابر الميكانيكي جاب مهندس معرفه من التوكيل ومعاه جهاز متطور جدا قعد يحاول يمين وشمال واستمر في انه يحاول باجهزه اخري للكشف علي كمبيوتر المتور وبعد اسبووووووووع من المحاولات قدر يعرف الكود وطبعا خدله مبلغ محترم في العمليه دي وعملنا الفحمايه وركبناها في المفتاح والحمد لله العربيه داارت واشتغلت تمااات
ومن ساعته وانا حافظ الرقم زي اسمي وبركن العربيه ولله الحمد وانا متطمن الي حد كبير عليها, وربنا يحفظهالي ويسترها معايا

يا جماعة الموضوع مش صعب انه يعدى الايمبولايزر و بتكلفة قليلة جدا طب شوفوا اللينكات دى و انا مش عارف اذا كان بعض الاخوة هيقولوا انت عرفت الحرامى اساليب السرقة بس المعلومات دى متاحة عادى جدا على النت و ربنا يستر علينا

Amazon.com: Universal Immobilizer Bypass for Remote Start: Car Electronics

Immobilizers and Immobilizer Bypasses - Knowledge Base

Amazon.com: ADS Data Immobilizer Bypass Module (ADSTB): Car Electronics

[youtube]http://www.youtube.com/watch?v=DPYlgfTQXHQ[/youtube]

[dadapharma]

أنا أستلمت و الحمد لله الألنترا gl الى فيها أى بى أس و أير باج واحدة .. لمبة الأومبليزر بتنور عندى!!!!!!!! و كذا واحد أكدلى أنه كده يبقى شغال.. السعر كان 152 ألف و ربنا يحفظ عربياتنا جميعا من السرقة..

[wael30003]

فى واحد جنب البيت عندى فى القاهرة الجديدة

محل يعمل نسخ على مفتاح عربيات متشفرة اايمبولايزر ب 200 جنيه

ولو عايز مفتاح بسنتر 650 جنيه

وسمعت ان المحلات دى منتشرة لدرجة ان فى واحد زميلى فى العمل قالى

فى واحد فى مكرم عبيد بيعمله ب 80 جنيه

[S O P H O S]

متفق معاك طبعا