الفيــرنا بتسخـــــــــن مـــع التــكـــيف ليــــه !!

[Yousf Verna]

معايا فيرنا وانا مااشى على 80 او 100 العربيه بتبدا تسخــن ومؤشر الحراره يرتقع
مع انــى مغير مياه الرادتير من اسبوعين و ترموستات والمراوح شغاله تمام
مش عاارف فى ايــه !!!!
ياا ريـــت اللى يعـــرف حل المشكله دى اى يقـــولى
شكـــــرا !

[Ashraf_Ibrahim]

تدقع كام في الموضوع دا :d
دا سر خطير :d
عملتها معايا يوم السبت اللي فات
بكل بساطة يا عزيزي خرطوم ميا واغسل السربنتينة كويس ونزل التراب اللي عليها هتلاقي أداء التكييف ممتاز والعربية مش بتسخن معاك :]

[Yousf Verna]

تدقع كام في الموضوع دا :d
دا سر خطير :d
عملتها معايا يوم السبت اللي فات
بكل بساطة يا عزيزي خرطوم ميا واغسل السربنتينة كويس ونزل التراب اللي عليها هتلاقي أداء التكييف ممتاز والعربية مش بتسخن معاك :]

المشكلــه برضو مش فى السربنتينه لانى بنضفهاا باستمرار بالمياه والهوااء !
اناا والله محتــار جداا ومش عاارف اعــمل اى بس والجو طبعاا حــر
والواحد مش بيقدر يستغنــى عن التكيـــف خاالص :(

[Ashraf_Ibrahim]

خلاص لما تلاقي حل المشكلة ابقا قلي بقا :d
انا متابع معاك اهه :]

[elpasha1]

نظف الردياتير

[seri0us]

المشكلــه برضو مش فى السربنتينه لانى بنضفهاا باستمرار بالمياه والهوااء !
اناا والله محتــار جداا ومش عاارف اعــمل اى بس والجو طبعاا حــر
والواحد مش بيقدر يستغنــى عن التكيـــف خاالص :(

خد الكلام ده ثقة و تحدي مني لان اللي حصل معاك حصل معايا في الاكسنت 2002 قبل ما ابيعها و اجيب الماتريكس الخليجي ..

كنت اول ما اشغل التكييف تمسك حرارة و الاقي الريدياتير مليان و المروحة شغالة يعني ساعة الحرارة زي الفل شغالة فافضل اجيب ازازة مايه و اصبها ع الريدياتير و هو مقفول عليه علشان ابرد المايه اللي جواه ...

لجد ما واحد عماني من سلطنة عمان كان معايا و فاهم قالي مياه الريدياتير ما تلف بداخله كويس ولازم تفكه و تسلكه و تنضفه ... و بالفعل روحت لواحد محترم فكه و غسله بضمير و طلع مافهوش اي خرم و بعدين علشان يطمن على طرمبة المايه انها بتلف المايه و دورتها في مواسير الريدياتير جاب جردل ماليان مايه و حط فيه خرطوم طرمبة المايه و شغل العربية لقيناها الحمد لله زي الفل و بتقلب المايه اللي في الجردل و اتاكد لينا انه سدد عادي من سنين الاستخدام :))

و بس يا سيدي الفاضل ركبنا الريدياتير و سبنا العربية دايرة من غير حركة و التكييف شغال و ما مسكتش حرارة نهائي و قبل ما اركنها الساعة 3 الظهر في الصيف اللي فات سبتها في عز الشمس دايرة و التكييف شغال و المؤشر ما شاء الله ثابت في مكانه ..

فاعمل زي ما قلتلك و بالمرة يتأكد من سلامة الطرمبة ... و ابقى طمنا :))

بالمناسبة طلب مني برغبة شخصية منه 20 ج !!!!!!

[Yousf Verna]

خد الكلام ده ثقة و تحدي مني لان اللي حصل معاك حصل معايا في الاكسنت 2002 قبل ما ابيعها و اجيب الماتريكس الخليجي ..

كنت اول ما اشغل التكييف تمسك حرارة و الاقي الريدياتير مليان و المروحة شغالة يعني ساعة الحرارة زي الفل شغالة فافضل اجيب ازازة مايه و اصبها ع الريدياتير و هو مقفول عليه علشان ابرد المايه اللي جواه ...

لجد ما واحد عماني من سلطنة عمان كان معايا و فاهم قالي مياه الريدياتير ما تلف بداخله كويس ولازم تفكه و تسلكه و تنضفه ... و بالفعل روحت لواحد محترم فكه و غسله بضمير و طلع مافهوش اي خرم و بعدين علشان يطمن على طرمبة المايه انها بتلف المايه و دورتها في مواسير الريدياتير جاب جردل ماليان مايه و حط فيه خرطوم طرمبة المايه و شغل العربية لقيناها الحمد لله زي الفل و بتقلب المايه اللي في الجردل و اتاكد لينا انه سدد عادي من سنين الاستخدام :))

و بس يا سيدي الفاضل ركبنا الريدياتير و سبنا العربية دايرة من غير حركة و التكييف شغال و ما مسكتش حرارة نهائي و قبل ما اركنها الساعة 3 الظهر في الصيف اللي فات سبتها في عز الشمس دايرة و التكييف شغال و المؤشر ما شاء الله ثابت في مكانه ..

فاعمل زي ما قلتلك و بالمرة يتأكد من سلامة الطرمبة ... و ابقى طمنا :))

بالمناسبة طلب مني برغبة شخصية منه 20 ج !!!!!!

الف شــكر ياا باشاا على الـرد
وان شاء الله هقوم بتنضيف الرادتير والسربنتينه لانهاا فعلن ممكن تكون مسدوده
لانــى من ساعت لما جبت العربيه منضفتهاش من 4 سنين !!
وهبقــى اتاابع معااك واقولك اى النتيــــجه !

[lolita]

جربت تنضيف و كل دة مافيش فايدة غيرت الرادياتير ب350 جنية انسى اى سخونة بمشى على 160 مدة 3 ساعات سفر وافيش اى حاجة

[msds_eg]

متنساش المياه اللي تحطها تكون موبيل الخضرا الجركن 4 لتر ب 80 جنيه العربيه هتاخد منك بالظبط 5 لتر ونص ومتخفهاش بميه مقطره ولا حاجه وطبعا قبلها تكون غاسل دوره التبريد بالكامل في البنزينه تقريبا ب 25 جنيه

[Yousf Verna]

متنساش المياه اللي تحطها تكون موبيل الخضرا الجركن 4 لتر ب 80 جنيه العربيه هتاخد منك بالظبط 5 لتر ونص ومتخفهاش بميه مقطره ولا حاجه وطبعا قبلها تكون غاسل دوره التبريد بالكامل في البنزينه تقريبا ب 25 جنيه

تمام بــس انـــت بتقول
الجركــن 4 لــتــر والعربيه بتاخد 5.5 لــتـــر
طب بالنسبه 1.5 لــتــر دول ازودهم بى اى !!!!!

[Ashraf_Ibrahim]

عربيتي كانت تعاني من نفس المشكلة
فكيت الردياتير وغسلته كويس جدا هو والسربنتينة النهردة وركبنا تاني وزي الفل الحمد لله
مجربتش اجري بيها كتير النهردة يمكن كان اخري 140 هجربها بكرة ان شاء الله ونشوف النتايج ايه :]

[msds_eg]

تمام بــس انـــت بتقول
الجركــن 4 لــتــر والعربيه بتاخد 5.5 لــتـــر
طب بالنسبه 1.5 لــتــر دول ازودهم بى اى !!!!!

انا اشتريت جركن 4 لتر ب 80 جنيه وعبوتين كل واحده 1 لتر تمنها 20 جنيه يعني الاجمالي اللي دفعته 120 جنيه جركن وعبوتين كل واحده 1 لتر وغسلت الراديتاير ب 25 ج يعني كله تقريبا 150 جنيه