كارثة من كوارث التوكيل

[dadapharma]

حضرتك تقصد انه عشان يعمل نسخة مشفرة بيحتاج حاجة من العربية ولا مجرد العربية تكون موجود للأمان يعنى ؟
السؤال غرضه، لو حد معاه مفتاح عربيتى المشفر يقدر يعمل زيه من غير ما تبقى معاه العربية ولا عشان يعمل زيه مش بس المفاتيح بيحتاج العربية ذات نفسها يوصلها بجهاز مثلا عشان يقرأ الشفرة ؟

الى المهندس قالهولى أنى لازم تكون العربية قدامه و يفتح الكبوت ياخد شفرة من الكنترول يونت (مش عارف لاسلكى ولا بيوصل حاجة).. دى طريقة محلات المفاتيح لكن فى التوكيلات بيعملوا نسخة عن طريق ال vin number و معلوماتى أنه بييجى من برة مش بيتعمل هنا و لازم عن طريق العميل نفسه و رخصة سارية..

[matantawy]

الى المهندس قالهولى أنى لازم تكون العربية قدامه و يفتح الكبوت ياخد شفرة من الكنترول يونت (مش عارف لاسلكى ولا بيوصل حاجة).. دى طريقة محلات المفاتيح لكن فى التوكيلات بيعملوا نسخة عن طريق ال vin number و معلوماتى أنه بييجى من برة مش بيتعمل هنا و لازم عن طريق العميل نفسه و رخصة سارية..

اللى اقدر اوافقك عليه هو انه لازم ياخد الشفرة من الكونترول يونيت اه، حتة ان التوكيل بيجيب المفتاح من برة دى حاسسها over شوية :D تكلفة على الفاضى و الموضوع مش مستاهل، بس عموما جزئية الVIN دى مظبوطة، الرقم ده unique لكل عربية

[horas3000]

الى المهندس قالهولى أنى لازم تكون العربية قدامه و يفتح الكبوت ياخد شفرة من الكنترول يونت (مش عارف لاسلكى ولا بيوصل حاجة).. دى طريقة محلات المفاتيح لكن فى التوكيلات بيعملوا نسخة عن طريق ال vin number و معلوماتى أنه بييجى من برة مش بيتعمل هنا و لازم عن طريق العميل نفسه و رخصة سارية..

لا يا باشا
كل ده هجس و لا مؤاخذه
انا عامل مفتاح تاني للباحيرو و كل اللي بتعمل انه بيحط المفتاح المنسوخ في الكونتاكت
و بيوصل كمبيوتر عليه برنامج خاص بالعربية بكمبيوتر العربية و بيعرف المفتاح الجديد علي ال ecu و دمتم
و ده معناه نظريا ان اي حد معاه البرنامج و الوصله الخاصه بالعربية يقدر يعمل كده و ده اكيد مش متوفر لاي حد

[mhkorayem]

انا عندي وجهة نظر تانيه خالص بالنسبه لرد المهندس اللي حضرتك سالته
الموضوع ببساطه ان حضرتك سالت عن امكانيه عمل نسخه من المفتاح وكلنا عارفين قبل المهندس كمان ان ده ممكن طبعاً
وسالته عن ضمان ان ده ميحصلش وطبعاً مافيش ضمان لانهم بكل بساطه اكيد مش هيعيني لكل موظف في التوكيل موظف تاني يراقبه وحتى لو حصل ده برضوا مش ضمان لانه ممكن يتفقوا مع بعض عادي جداً
فيبقى بعد سؤال حضرتك للمهندس يبقى المهندس ده قدامه حل من الاتنين
1- يا يكدب على حضرتك ويضحك عليك وفي الحاله دي يبقى كداب ده غير انه بصراحه انا لو مكانك وقلي منقلقش واحنا ضامننهم والكلام ده مش هصدقه لانه لو السواق حرامي مش هييجي يقلهم انا حرامي اكيد وهما بيوظفوه مش هيعملوا عنه تحريات قبلما يشغلوه كبيرهم هيطلبوا فيش وتشبيه وشكراً على كده وده طبعاً مش هيضمن انه ميطلعش حرامي
2- يا يقول الحقيقه عشان ميبقاش كداب حتى لو كانت صادمه عشان حضرتك في النهايه تاخد قرارك في ضوء اللي عرفتوا سواء بانك تودي عربيتك التوكيل تاني ولا لأ من غير ما يكون بيضللك وفي الحاله دي انا شايف انه يبقى شخص محترم وخاصه انه ممكن يعرض نفسه لمشكله لو حضرتك قررت تصعد الموضوع

هو الموضوع فعلا مشكله وموجوده عند كل الوكلاء وخاصه ان في عربيات فعلا بتتسرق عن طريق العاملين في التوكيلات بس ده مش ذنب المهندس انه قالك الحقيقه بدون كدب
وربنا يسترها من عنده

[dr.hazem]

لا ابدا ده مايحصلش ابداااا
اى عربيه مفتحها مشفر لو رحت تتطلع عليه فى التوكيل حتنتظر لحين اصداره من بلد منشأ العربيه يعنى حيجى من كوريا مثلا مخصوص ليك

مفيش الكلام ده نهائي والمفتاح بيتبرمج عادي حدا...
ده عربية اخويا ضاع مفتاحها والتوكيل قاله هاتها على ونش وجبنا بتاع مفاتيح فتحها وعمل مفتاح منطبلة الباب والمفتاح كلنك ناسخه عن الأصلي ورفعناها عالونش وراحت التوكيل غيرو برمجتها وعملو مفاتيح جديدة....
تحياتي

Sent from my LT18i using Forum Runner

[amagroup]

اولا كل التوكيلات هتكون قريبه من بعض لان كل الموجودين فيهم مصريين لان العيب في العماله مش التوكيل نفسه
ثانيا:-كل واحد بيشتري العربيه اللي بيحبها ويشتري التوكيل معاها كمان والغاوي ينقط بطقيته
مع احترامي لشركة هيونداي لكن لو معايا فلوس الكورولا زيرو كنت جبتها
انما الفلوس بقي

ثالثا: نيجي بقي لحكايه الضمان خد خير العربيه بحلتها وبعد كده عند ضمان 15 الف ولا عشرين الف عدل فيها زي ما انت عاوز ايه المشكلة يعني

[s7oda]

انا عندي وجهة نظر تانيه خالص بالنسبه لرد المهندس اللي حضرتك سالته
الموضوع ببساطه ان حضرتك سالت عن امكانيه عمل نسخه من المفتاح وكلنا عارفين قبل المهندس كمان ان ده ممكن طبعاً
وسالته عن ضمان ان ده ميحصلش وطبعاً مافيش ضمان لانهم بكل بساطه اكيد مش هيعيني لكل موظف في التوكيل موظف تاني يراقبه وحتى لو حصل ده برضوا مش ضمان لانه ممكن يتفقوا مع بعض عادي جداً
فيبقى بعد سؤال حضرتك للمهندس يبقى المهندس ده قدامه حل من الاتنين
1- يا يكدب على حضرتك ويضحك عليك وفي الحاله دي يبقى كداب ده غير انه بصراحه انا لو مكانك وقلي منقلقش واحنا ضامننهم والكلام ده مش هصدقه لانه لو السواق حرامي مش هييجي يقلهم انا حرامي اكيد وهما بيوظفوه مش هيعملوا عنه تحريات قبلما يشغلوه كبيرهم هيطلبوا فيش وتشبيه وشكراً على كده وده طبعاً مش هيضمن انه ميطلعش حرامي
2- يا يقول الحقيقه عشان ميبقاش كداب حتى لو كانت صادمه عشان حضرتك في النهايه تاخد قرارك في ضوء اللي عرفتوا سواء بانك تودي عربيتك التوكيل تاني ولا لأ من غير ما يكون بيضللك وفي الحاله دي انا شايف انه يبقى شخص محترم وخاصه انه ممكن يعرض نفسه لمشكله لو حضرتك قررت تصعد الموضوع

هو الموضوع فعلا مشكله وموجوده عند كل الوكلاء وخاصه ان في عربيات فعلا بتتسرق عن طريق العاملين في التوكيلات بس ده مش ذنب المهندس انه قالك الحقيقه بدون كدب
وربنا يسترها من عنده

فعلا انت جبت من الاخر

[ALnadi]

أكيد الراجل كان بيهرج معاك
أصل بصراحة ومن غير زعل السؤال مش فى محله