التقرير الشامل لصيانة ال 40,000 كم للألنترا md

[Samir Elshahawy]

الاخوة و الاخوات / مالكي الالنترا MD

أسعد الله أوقاتكم ...

في موضوعات سابقة قدمت لكم خطوات صيانة ال 40,000 كم للألنترا MD و اليوم أقدم لكم هذا التقرير الشامل متضمنا روابط الأجزاء الثلاثة كاملة بالاضافة الي أنطباعاتي الشخصية بعد قرابة 2000 كم قطعتها بعد الصيانة شملت رحلة عمل الي مدينتي بورسعيد و دمياط

http://www.nilemotors.net/Nile/354745-40-000-md.html

http://www.nilemotors.net/Nile/355775-40-000-md-3.html

http://www.nilemotors.net/Nile/358293-40-000-md-2.html

------------------------------------------------------------------------------------------------


نتائج الصيانة و أنطباعاتي عن الألنترا MD

(1).. مشكلة الصوت أثناء المرور بالمطبات ..
أختفت تماما مع تغيير علبة الدريكسيون كما أشعر بأن العفشة قد عادت الي طبيعتها من حيث النعومة و عدم الاحساس بالمطبات خاصة مع عملية تربيط العفشة التي تمت في الصيانة داخل التوكيل

(2).. صوت المحرك ..
عاد للهدوء و السكينة مرة أخري بعد تغيير الزيت (هو طبعا كان هادي برضه) و لكن عاد لطبيعته الاولي

(3).. أداء المحرك و أستجابته ..
الحمد لله مازالت الالنترا MD تحقق نفس معدلات الاداء مع الاحتفاظ بنفس معدلات أستهلاك الوقود

(4).. الفرامل ..
أستجابة الفرامل و خاصة في المواقف الطارئة و الصعبة مازالت و الحمد لله ممتازة و ذلك من خلال موقفين أثناء رحلة العمل الاخيرة
- فرملة شديدة علي سرعة 100 كم/س تقريبا (طريق الاسماعيلية - بورسعيد) و الاطار الايسر كان علي الرمل
- فرملة شديدة علي سرعة فوق ال 120 كم/س (طريق الشروق) مع أنحراف مفاجئ لليمين لتفادي سيارة توقفت أمامي فجأة و الحمد لله العربية كانت تحت السيطرة تماما و تم نتفيذ الانحراف مع الفرملة و العودة لليسار مرة أخري دون أي مشاكل

(5).. الاطارات ..
تماسك الاطارات علي الطريق جيد جدا مع عدم وجود أي أهتزازات أو أنحرافات و علي كل السرعات مما يعني أن الترصيص مظبوط و الضغط بالاطارات مظبوط و متساوي

(6).. التكييف و الصالون ..
التكييف يعمل بكفائة كاملة (سرعة المروحة علي 1 - الثرموستات علي 75 %) و في ظل درجة حرارة بلغت 40 درجة مئوية و مشوار صعب و الصالون مازال محتفظا برونقه و نظافته و رائحته العطرة الزكية

و بذلك يكون تقييمي الاجمالي لعملية الصيانة انها نجحت بنسبة 100 % في تحقيق المطلوب منها و المحافظة علي كفائة الالنترا MD بنسبة لاتقل عن 90 % , و الي اللقاء في الصيانة القادمة بأذن الله

[YahiaAshraf]

الله ينور موضوع أكثر من رائع

جزاك الله كل خير

[koshary]

تسلم ايدك ياباشمهندس .. تقاريرك كلها مميزه ..

[dadapharma]

مبروك الصيانة و ربنا يباركلك يا باش مهندس أنا أشتريت الألنترا بسبب قرائتى لمواضيعك

[Samir Elshahawy]

مبروك الصيانة و ربنا يباركلك يا باش مهندس أنا أشتريت الألنترا بسبب قرائتى لمواضيعك

أنا متشكر جدا علي الثقة دي و بجد يارب أكون أدها
المهم عايزين نعرف رأيك في الألنترا الجديدة و الفرق بينها و بين اللادا

[S O P H O S]

مبروك ربنا يبــارك ..

[dadapharma]

أنا متشكر جدا علي الثقة دي و بجد يارب أكون أدها
المهم عايزين نعرف رأيك في الألنترا الجديدة و الفرق بينها و بين اللادا

أدها و أدود يا باش مهندس ..
ليه السؤال المحرج ده.. اللادا دى عربية الحاج وشاريها بنفسه من المصنع من روسيا سنة 88 و الحمد لله كرهت السواقة منها.. كنت بحب أركبها بس ماسوقشهاش... بس شهادة حق.. حمالة أسية جدا جدا و عملية و موفرة جدا .. يعنى بتمن تيل الألنترا أعمل صيانة كاملة لللادا.. ما أعتقدش دلوقتى فيه عربية بتعيش 25 سنة و لسه و الله زى الفل..
الألنترا ممتازة و للعلم أنا معجب بالماتور و الفتيس أكتر من أعجابى بالشكل أو التصميم الخارجى .. كمان بصراحة المساحة الداخلية ممتازة و العزل رائع جدا مقارنة بعربيات تانية أعلى سعرا و تقييماً..
ليا بعض التحفظات على العربية زى الركنة (عاوز أركب كاميرا بلوتوثبرة الضفيرة) و الكرسى مش مريحنى أوى (هظبطه لما أركب فرش أن شاء الله) و على الوكيل طبعا خاصة أسعار الصيانة .. و بصراحة لولا أن شغلى هوه اللى بيشيل أغلب تكلفة الصيانة و البنزين كنت هجيب عربية عملية زى الصنى مثلا ..
سؤال هو الضمان بتاعها أد أيه ؟؟ مكتوب فى كتيب الضمان كام كيلو أو كام سنة؟؟