تقييم نيواكسنت2010

[khmshry]

السلام عليكم ورحمة الله وبركاته
ده تقييم للسيارة هيونداي نيو اكسنت من ساعة ماستلمت السيارة زيرو حتي الان وهي عاملة 78000
السيارة ماشاء الله بالنسبة للخامات الداخلية جيدة ولم يتم تغيير اي شيء داخلي للسيارة غير جهاز الانذار في الضمان وكل اللي تغير في السيارة مياة السيارة مرتين علي 60000 و78000 منها توتال وفافولين الاخيرة وتيل الفرامل مرة واحدة علي 40000 كيلو والسيور علي 60000 وفلتر البنزين مرتين وفلتر الهواء 3مرات وفلتر التكييف 3مرات والكاوتش علي 45000 كيلو وغيرت المساعدين الخلفي بموندو في صيانة 75000 كيلو وكذلك طقم الدبرياج ووغيرت زيت الفتيس والباور وزيت الفرامل للحماية وليس اكثر الصيانة حتي 60000 في غبور وبعد زيت في مركز توب جير مع المهندس محمد فضالي وحتي الان
ده بالنسبة للتغييرات غير كده الصيانات العادية وتغيير الزيت والفلتر كل 10000 من شيل وفالفولين وتوتال واخيرا كاسترول السيارة حتي سرعة 150 كيلو ثابته محاولتش اجيب اكتر من كده لسواقتي الهادية والتكييف ماشاء الله فعلا هيونداي متفوقه في الجزئية دي وسخونة العربية الحمدلله العربية اللمبة منورتشي ولا مرة واهم ميزة في السيارة الارتفااااااااااااااااع عن الارض انا بسافر المنصورة وبشوف جبال مش مطبات والحمد لله طول هذه المسافة وحتي الان من سير في مدقات وغيره هما 4مطبات اللي حكوا في العربية نتيجة التحميل الزائد في السيارة وانا رايح وجاي ومهما حملت متحكش مش زي عربيات تانية عالية علي الفاضيا انا كنت بحمل فيها احمال لاتصدق ولا حك ولاغيره واستهلاك البنزين رههههههههههههههيب بشكل لاصدق قمة في التوفير بتوصل ل350كيلو للصفيحة وبالتكييف 290 كيلو نظام رائع في توفير البنزين والله انا سافرت اسكندرية رايح جاي من مصر علي الصحراوي موصلتش لنصف التنك مع التكييف وهو شغال والسحب لايتأثر بالتكييف واهم حاجة السيارة حتي الان بنفس القوة والسحب حتي الان
ولو كان رجع بيا الزمن لورا كنت جبت نفس السيارة ولكن اتوماتيك الصراحة علشان الراحة مش اكتر
فعلآ سيارة محترمة وربنا يباركلي فيها .

[khaabas]

ربنا يباركلك فيها
متعرفش المانيوال 2010 تعمل كام مستعمل

[khmshry]

في حدود 69000الي 75000 علي حسب حالة السيارة

[khmshry]

ودي صور السيارة

http://nileup.com/up/uploads/nilemotors_13695666224.jpg

http://nileup.com/up/uploads/nilemotors_13695666223.jpg

http://nileup.com/up/uploads/nilemotors_13695666222.jpg

http://nileup.com/up/uploads/nilemotors_13695666221.jpg

[kar!m]

بسم الله ما شاء الله .. احنا عندنا في البيت نيو أكسنت برضه .. بس أتوماتيك.

بس استهلاك البنزين ده انت متأكد منه .. 390 كيلومتر في الصفيحه؟ .. الرقم غريب بصراحه .. هي الأتوماتيك في أفضل حالاتها بتعمل 250 كيلومتر في الصفيحه.

و ربنا يبارك لك فيها و يحفظهالك.

[khmshry]

بسم الله ما شاء الله .. احنا عندنا في البيت نيو أكسنت برضه .. بس أتوماتيك.

بس استهلاك البنزين ده انت متأكد منه .. 390 كيلومتر في الصفيحه؟ .. الرقم غريب بصراحه .. هي الأتوماتيك في أفضل حالاتها بتعمل 250 كيلومتر في الصفيحه.

و ربنا يبارك لك فيها و يحفظهالك.

علي فكرة ناس كتير مابتصدقشي الا لما تركب معايا وتبص علي المؤشر بعد المشوار بيستعجبوا ويقوللك ده بتشم ريحة البنزين مش البنزين نفسه

[kar!m]

علي فكرة ناس كتير مابتصدقشي الا لما تركب معايا وتبص علي المؤشر بعد المشوار بيستعجبوا ويقوللك ده بتشم ريحة البنزين مش البنزين نفسه

ما شاء الله ... انت بتحسب استهلاك البنزين ازاي طيب؟

[khmshry]

ما شاء الله ... انت بتحسب استهلاك البنزين ازاي طيب؟

من اخر المؤشر حتي نصف التانك مش من عند الزور يعني العلامتين واحسب المسافة بعداد الرحلات واشوفها عاملة كام كيلو وخالي بال حضرتك فعلا فيه زيت يخنق العربية وتاخد بنزين زيادة وزيت بالشعرة ده غير اننا دايما محافظ علي تغيير الفلاتر بانتظام والزيت يعني زيت توتال لو جابيت معاه 200 بحمد ربنا ومستحملتش ونزلته علي 5000 مع انه بيقعد 10000 وجربيت الفالفولين والكاسترول وشيل وهما علي الترتيب للبنزين فالفلولين وكاسترول قريب منه قوي وشيل كويس بس بعد 5000 تسمع صوت موتور العربية ولا احلاها صوت ههههه واسوئهم توتال عمري ماشفت زيت خشن بالطريقة دي تحس العربية بتبوس ايديك ارحمني من الزيت ده هههههه

[S O P H O S]

ما شاء الله
ربنا يبارك

[michohat]

بسم الله ما شاء الله ربنا يبارك لك فيها ويكفيك شرها