مين ليه تجربة مع هيونداي i30 موديل 2013

[MahmoudDX]

كنت عايز اعرف ايه عيوب العربية دي وليه غالية اوي كدا ؟

[MahmoudDX]

?????????????????????????

[mahmoud_afifi]

ماحدش في المنتدى لسه اشتراها. بس هي اخت الالنترا شكلاً بس هاتش باك انما كماليات وتقفيل هتكون احسن عشان تقفيل تشيكي بالاضافه لوسائل الامان. يعني من الاخر غبور مابيلعبش فيها.
عيبها هو سعر اعادة البيع و قطع غيارها قليله وغاليه. بس هتشترك مع الالنترا في حاجات كتير زي الفلاتر وكده.

لو العربيه هتقعد معاك شوية ومش هيفرق سعر اعادة البيع يبقى توكل على الله فيها.

[DEVILRIDER]

بص اولا هى غالية عشان تقفيلها و جودة الخامات و اتعمل تقرير عنها هنا وضح الكلام ده و فيها عوامل امان زي عربية المانى abs 2airbage esp parking assist ديه حاجات مغلياها ثانيا تصميمها ثالثا بص على منافسينها فى مصر هتلاقى التويوتا الاوريس والجولف و ماركات تانية و لو قارنت بينها و بينهم هتغرف مع العلم انها ارخص واحدة فى اللى انا ذكرتهم و لو انا هشترى فئة العربيت ديه هاجيبها

[MahmoudDX]

هو تصميم العربية جميل جداً خصوصاً شكل الليدات الامامية اللي تحت لو هايلاين والبانوراما وبصراحة دي اجمل عربية هاتشباك شوفتها كمان من الجزء الخلفي
بس اللي خلاني اسئل انها غالية خصوصاً انها كوري هاتششباك بس طلاما فعلاً تستاهل سعرها عشان فيها الحاجات دي زي وسائل الامان والتقفيل الممتاز وجودة الخامات يبقى العربية ممتازة

[baherhassan30]

العربية جميلة جدااااااا
وتصميها الداخلي والخارجي فوووق الروعة
ركبتها مع واحد صاحبي موديل 2013 ..
راسية وهادية .. بس للناس اللي بتقول انها شبه الالنترا
بالعكس هي مختلفة تماما عن الالنترا من جوه ومن بره

[mahmoud_afifi]

العربية جميلة جدااااااا
وتصميها الداخلي والخارجي فوووق الروعة
ركبتها مع واحد صاحبي موديل 2013 ..
راسية وهادية .. بس للناس اللي بتقول انها شبه الالنترا
بالعكس هي مختلفة تماما عن الالنترا من جوه ومن بره

تعديل بسيط على كلامك. هي مش مختلفه تماما عن الالنترا لأنها تعتبر الهاتش باك من الالنترا (بتنزل في بعض الدول بإسم Elantra GT) زي ما في النترا كوبيه... كلهم من عائلة الالنترا زي ماهو باين في الصوره

[MahmoudDX]

هي فعلاً شبه الالنترا بس مع اختلاف بسيط في الفوانيس في ال i30 صغيرة حاجات بسيطة بالإضافة للليدات اللي موجودة في ال i30 بس من رأيي ال i30 اجمل

[baherhassan30]

تعديل بسيط على كلامك. هي مش مختلفه تماما عن الالنترا لأنها تعتبر الهاتش باك من الالنترا (بتنزل في بعض الدول بإسم elantra gt) زي ما في النترا كوبيه... كلهم من عائلة الالنترا زي ماهو باين في الصوره

استاذي العزيز
انا راكب النترا 2013 وصاحبي راكب i30 ومطلعينهم من الوكالة في نفس اليوم

* هقولك مختلفين تماما ازاي مع العلم ان صاحبي معاه الاستاندر وانا معايا النص فل ؟
اولا الفوانيس الامامية في i30 عدسات وحجم الفانوس اصغر والوجهية والاكصدام .. مفيش اي تشابة
(صاحبي معاه نفس اللي في الصورة)
ثانيا التابلوه الداخلي وشكل الكاسيت والتكييف .. كلهم غيييييييييير خالص الالنترا
ثالثا العدادات : مختلفة عن الالنترا الـ i30 فيها شاشتين غير الالنترا فيها شاشة واحدة
يارب تكون فهمتني

* معلومة صغننه :)
لما تشوف الهاتش باك بتاع الياريس هو هو الياريس العادية مع اختلاف الشنطة
او شوف الريو الجديدة هي هي مع اختلاف الشنطة
او شوف الاكسنت الجديدة وشوف الهاتش باك
او التويوتا كرولا شوف الاستيشن والعادية .. الفرق الشنطة

تحياتي

[mahmoud_afifi]

استاذي العزيز
انا راكب النترا 2013 وصاحبي راكب i30 ومطلعينهم من الوكالة في نفس اليوم

* هقولك مختلفين تماما ازاي مع العلم ان صاحبي معاه الاستاندر وانا معايا النص فل ؟
اولا الفوانيس الامامية في i30 عدسات وحجم الفانوس اصغر والوجهية والاكصدام .. مفيش اي تشابة
(صاحبي معاه نفس اللي في الصورة)
ثانيا التابلوه الداخلي وشكل الكاسيت والتكييف .. كلهم غيييييييييير خالص الالنترا
ثالثا العدادات : مختلفة عن الالنترا الـ i30 فيها شاشتين غير الالنترا فيها شاشة واحدة
يارب تكون فهمتني

* معلومة صغننه :)
لما تشوف الهاتش باك بتاع الياريس هو هو الياريس العادية مع اختلاف الشنطة
او شوف الريو الجديدة هي هي مع اختلاف الشنطة
او شوف الاكسنت الجديدة وشوف الهاتش باك
او التويوتا كرولا شوف الاستيشن والعادية .. الفرق الشنطة

تحياتي

شكرا على المعلومات . على العموم احنا عاوزين نقول ايه الحاجات المشتركه بينها وبين الالنترا عشان نعرف قطع الغيار بعد كده ايه الي هيكون متوفر وايه الي مش هيكون متوفر.
يعني الحاجات الميكانيكيه هتكون واحده ودي الي تهم اي واحد عاوز يشتري عربيه انتشارها قليل.

وعلى فكره تكملة كلامك مش كلها صح. يعني الحته بتاعت الياريس الهاتش باك انها هي نفس السيدان مش صح. ودي بقى انا متأكد منها لأن العربيه مع اخويا :)
الاختلاف في الاكصدامات بالشبك (او الصدامات زي مابتقولوها في السعوديه) والفوانيس. اما من جوه الاختلاف في لوحة التكييف ودرج التابلوه واضاءة العداد. اما الموتور نفسه والعفشه نفسها. وده الي انا بتكلم فيه. ان الi30 هتكون نفس الالنترا بغض النظر عن الاختلافات البسيطه في الشكل.

السؤال بقى المهم هي الi30 نازله بالموتور الGDI ولا الGamma II ؟؟

تحياتي

[mahmoud_afifi]

اضافه بسيطه ودي مش من عندي بس عشان تتأكد ان كلامي صح. ومنقول من موقع اجنبي

Hyundai Elantra GT
Hyundai Motor America introduced the all-new 2013 Elantra GT in a North American debut at the 2012 Chicago Auto Show. Hyundai Elantra GT brings five-door functionality and European driving dynamics to the expanding Elantra lineup and is slated to hit dealerships in summer 2012. The lineup now includes Elantra Coupe and the popular Elantra sedan, the 2012 North American Car of the Year. Hyundai Elantra GT is based on the new-generation i30 model designed for the European market.

Hyundai Elantra GT (2013)

تحياتي

[baherhassan30]

شكرا على المعلومات . على العموم احنا عاوزين نقول ايه الحاجات المشتركه بينها وبين الالنترا عشان نعرف قطع الغيار بعد كده ايه الي هيكون متوفر وايه الي مش هيكون متوفر.
يعني الحاجات الميكانيكيه هتكون واحده ودي الي تهم اي واحد عاوز يشتري عربيه انتشارها قليل.

وعلى فكره تكملة كلامك مش كلها صح. يعني الحته بتاعت الياريس الهاتش باك انها هي نفس السيدان مش صح. ودي بقى انا متأكد منها لأن العربيه مع اخويا :)
الاختلاف في الاكصدامات بالشبك (او الصدامات زي مابتقولوها في السعوديه) والفوانيس. اما من جوه الاختلاف في لوحة التكييف ودرج التابلوه واضاءة العداد. اما الموتور نفسه والعفشه نفسها. وده الي انا بتكلم فيه. ان الi30 هتكون نفس الالنترا بغض النظر عن الاختلافات البسيطه في الشكل.

السؤال بقى المهم هي الi30 نازله بالموتور الGDI ولا الGamma II ؟؟

تحياتي

كده فهمتك ..
مش عارف فيه اختلافات في العفشة والماتور ولا لا .. بس اللي متاكد منه جدااا ان ماتورها Gamma II