سخونة الفيرنا ونقص المياه

[RamyEskander]

لو سمحت يا جماعة انا لسة جايب فيرنا 2008 قبلها كان معايا فورد اسكورت الفورد ماكنش فيها مكان فى الريداتير ازود منه مية كنت بزود من القربة على طول

المهم انا بعد ما جبت العربية بكام يوم وانا ماشى بيها لاقيت العربية سخنت وقفت ونزلت ابص لاقيت المياه اللى فى القربة لغاية ال Full جيت افتح الريداتير لاقيت المية بتفور جواه المهم استنيت شوية وبعد كدة زودت مياه ومشيت بس بقيت كل كام يوم ازود ميه مع ان علمى بالعربيات الجديدة ديه ان المفروض ازود ميه كل فترة كبيرة

وتانى حاجة مش المفروض لما الميه تنقص من الريداتير يسحب من القربة ولا انا غلطان

اسف على الاطالة

[Yousf Verna]

اكشـــف على سربنتينه الميــاه
اكيــد فيهاا خــرم
عشان العربيه بتسخــن معاك !
كان عــندى الموضوع دا واتحــل على طول

[aldesha989]

المفروض اى عربيه دورة التبريد بتاعتها مظبوطه ما تسحبش مايه وده على اى عربيه جديده او قديمه

هل المروحه بتشتغل معاك ؟ لان معنى ان المايه بتفور ان المروحه ما اشتغلتش فى الوقت المخصص بتاعها
واكشف على خرطوم القربه لحسن يكون مسدود ومش بيسحب مايه منها

[أحمد جودة]

جايز تسريب من الردياتير

أو أحتمال تكون دائرة التبيرد واخدة هوا

اهتم جدا بموضوع الحرارة لان عواقبة لا تحمد

تحياتي

[mahmoud85]

حصل معايا الفوران في السويفت مره طلع الردياتير مكتوم من الصدأ ومره تانيه من جوان وش السلندر والحمدلله المرتين اتلحق الوضع واتصلح كل حاجه

[seri0us]

مشكلتك اهيف من الهيافة ان شاء الله و ما تقلقش اطلاقا لانها حصلت في الاكسنت معايا قبل ما ابيعها و حليت المشكلة ب 20 ج بس ...

اتضح ان الريدياتير بقاله معايا 10 سنين ما اتفكش ولا اتسلك !!!!

الراجل فكه و حط خرطوم طرمبة المايه في جردل و قالي دور العربية ... دورتها لقينا الطرمبة بتقلب الماية اللي في الجردل زي الفل و قالي كده خلاص العيب في انسداد الريدياتير ..

خده في الحوض في الورشة و ظبطه و اتاكد انه مش مخروم الحمد لله و ركب كل حاجة زي الاول و طلب مني باختياره هو 20 ج بس !!!!

و سبنا العربية دايرة و هي واقفة و مشغلين المكيف و الحرارة مؤشرها ثابت زي الفل :))

اوعى تقلق ان شاء الله ابسط من البساطة و مش هتخش في شجرة نهائيا ان شاء الله ..

[mahmoud85]

بيقولك فيرنا 2008 يعني مش بقالها عشر سنين ولا حاجه
هو صحيح فيه ناس مش بتتقي ربنا وبتحط مياه حنفيه بس ما اظنش ان ده يقفل الردياتير بالسرعه دي والله اعلي واعلم

[RamyEskander]

فيه حاجة عايز اقولها انا امبارح زودت مياه الريداتير لغاية الاخر وسافرت بالعربية وكان الجو حر وشغلت التكييف العربية الحمد لله مسخنتش خالص بس لما وصلت جيت اشوف المياه لقتها قلت شوية ورحت مزودها ورجعت بنفس الطريقة هوة كدة فيه مشكلة ولا لا انا اعرف ناس مبتزودش المياه خالص

[Yousf Verna]

بيقولك فيرنا 2008 يعني مش بقالها عشر سنين ولا حاجه
هو صحيح فيه ناس مش بتتقي ربنا وبتحط مياه حنفيه بس ما اظنش ان ده يقفل الردياتير بالسرعه دي والله اعلي واعلم

ميـــن قالك كدا
اناا معاياا فيرنا 2009
وقعدت سنه ونص من غير ما اغيـــر مياه الرادتيـــر
السربنتينه اتسددت خاالص لدرجت انى بشغل التكيــف والعربيه وااقفه بتسخــــن
بس دلوقتــى فكتهااا ونضفتهاا ويقيـــت بمشى على160 كم وانا مشغل التكيـــف والعربيه مبتسخنش الحمدالله :)

[lad]

حاجة زى ديه ميتصبرش عليها روح على طول لحد بتاع ريداتير يشوف فيه ايه

[seri0us]

ميـــن قالك كدا
اناا معاياا فيرنا 2009
وقعدت سنه ونص من غير ما اغيـــر مياه الرادتيـــر
السربنتينه اتسددت خاالص لدرجت انى بشغل التكيــف والعربيه وااقفه بتسخــــن
بس دلوقتــى فكتهااا ونضفتهاا ويقيـــت بمشى على160 كم وانا مشغل التكيـــف والعربيه مبتسخنش الحمدالله :)

+11111111111111111111111111111