لخبراء الفيرنا ضروري لو سمحتم

[tantawy13]

السلام عليكم
انا عندي كام مشكلة كدة ارجو الرد فيها هتعبكم معايا انا اسف
1- احيانا لما بشغل تكييف العربية ( فيرنا 2008 - 1600 ) مؤشر الحرارة بيعلى وكان في تسريب خفيف للمية غيرت الكاوتش بتاعها -وغيريت ريداتير وطبعا حاطط مية خضرا الحمد لله مستوى المية دلوقتي بقة عندي ثابت تماما بس اوقات بتسخن لما اشغل تكييف (بعد السير بالتكييف نص ساعة مثلا )

2 - صوت العربية وهي واقفة تقريبا مبعرفش انها شغالة الحمد لله بس لما بتحرك بالعربية وكل ما السرعة تزيد صوت العربية يعلى بشكل ملحوظ بتاع الشكمانات قالي معندكش مشكلة من الشكمان ( ملحوظة حشو علبة البيئة متشال بس بتاع الشكمانات بيقولي متعملش الصوت دة والميكانيكي بيقول الصوت بسببها )

3- لما بمشي كتير بالعربية الطلوع على الاول بيهزلي العربية وفي رعشة خفيفة في العربية نفسها على التالت وخصوصا لو طالع كوبري

4 - احيانا بعد ما اطفي التكييف بيفضل ماتور العربية عالي كاني لسة مشغلو بس مش قوي يعني نضفت الحساس والبوابة وحصلت تاني الموضوع ده

انا اسف على الإطالة وشكرا مقدما للردود

[El Prince]

1 - ده غير طبيعى لأن تشغيل التكييف يساعد على تبريد الموتور لعمل المروحتين باستمرار - عندك مشكلة لازم تتحل لكن مش قادر افيدك

2 - الصوت جاى منين من بطن العربية و لا من ناحية الموتور - عموماً الطبيعى ان الموتور صوته يعلى بعد ال 3 ار بى ام .

3 - عاوز تظبط نقلاتك و رجلك على الدبرياج

4- الطبيعى ان صوت الموتور يهدأ بمجرد غلق التكييف - استنى ممكن حد من الزملاء الاعضاء يفيدك أكتر

تحياتى

[Muahmmad Honda]

بالنسبة للصوت دة من علبة البيئة اكيد .. لان لما الحشو بيتشال بتعمل صوت فعلا !! روح لبتاع شكمانات تانى ..

الرجة فى الطلعة عموما بتبقى بسبب الكبالن روح لعفشجى يكشفلك عليها ..

بالنسبة للسخونة حضرتك كشفت على دورة التبريد و ملقتش فيها حاجة و المياه مش بتنقص .. لما بتشغل التكيف بتسخن ..

حضرتك شوفت لما بتشغل التكيف مروحة السربنتينة بتشتغل ولا لا ؟!

تحياتى :) و متابع

[tantawy13]

بالنسبة لمصدر الصوت هو تحس انه جاي من تحت الطابلوة كدة او من عند الماتور
لما بشغل التكييف المروحتين بيشتغلو فعلا وروحت لكهربائي اكدلي ان السرعتين للمروحة شغالين ومتشكر جدااااااا للرد

[Muahmmad Honda]

لا كدة استنى حد يرد عليك يعرف اكتر منى .. بس الفيرنا مش بتسخن ولا على تكيف ولا زحمة ولا جرى !!

[mody hassan]

بص يا بشا انا كان عندى نفس المشكلة صوت المكنة بفضلع عالى ولما اديلة غيار بهدا صوتها ولو انا واقف عادى ودست على دواسة البنزين وسبتها صوت الكنة بيعلة وبيفضل عالى لما اسيب رجلى من على الدواسة رحت لكهربائى قالى حساس البوابة الاتشوك نضفو هدت المكنة شوية وبعدين رجعت تانى بعد 15 لما مشيت رجعتلة قالى عايزة تظبط باكنترول رحت محطة الغاز عشان عندة جهاز الكنترول اول لما بحط الجهاز بفصل الجهاز على طول قالى انتا عندك افلة المهم مردتش اروح للكهربائى تانى رحت للمكانيكى جرب كل حاجة لاقيها شغالة اى انتا عندك كل حاجة تمام قولتلة اصوت المكنة بيعلى لية الى مشعارف بصدفة البحتة بيشيل الحساسات كلها بتاعت المكنة لقا ان فى صوت المكنة بعلى وبيوطا لما بيلمس الضفيرة الصغيرة بتاعت حساس البوابة فا فك لقى ان فى سلكتين من سلوك الحساس مقطعة لزقهم وشتغلت المكنة عادى زى الاول لو دى مشكلتك جرب الحل دة

[tantawy13]

بص يا بشا انا كان عندى نفس المشكلة صوت المكنة بفضلع عالى ولما اديلة غيار بهدا صوتها ولو انا واقف عادى ودست على دواسة البنزين وسبتها صوت الكنة بيعلة وبيفضل عالى لما اسيب رجلى من على الدواسة رحت لكهربائى قالى حساس البوابة الاتشوك نضفو هدت المكنة شوية وبعدين رجعت تانى بعد 15 لما مشيت رجعتلة قالى عايزة تظبط باكنترول رحت محطة الغاز عشان عندة جهاز الكنترول اول لما بحط الجهاز بفصل الجهاز على طول قالى انتا عندك افلة المهم مردتش اروح للكهربائى تانى رحت للمكانيكى جرب كل حاجة لاقيها شغالة اى انتا عندك كل حاجة تمام قولتلة اصوت المكنة بيعلى لية الى مشعارف بصدفة البحتة بيشيل الحساسات كلها بتاعت المكنة لقا ان فى صوت المكنة بعلى وبيوطا لما بيلمس الضفيرة الصغيرة بتاعت حساس البوابة فا فك لقى ان فى سلكتين من سلوك الحساس مقطعة لزقهم وشتغلت المكنة عادى زى الاول لو دى مشكلتك جرب الحل دة

انا اسف اتئخرت عليك في الرد لكني مكنتش شايف ادامي من كتر الشغل ما علينا انا مشكلتي عكسك انا اشيل رجلي من على البنزين وامور العربية الصوت يبقة طبيعي جدا كل ما ازود سرعة والغيار يعلى الصوت يعلى اكتر ويا سلام لو مشغل التكييف حاسس اني راكب نص نقل

[tantawy13]

مفيش حد يرد عليه ؟

[lem]

السلام عليكم
بص يا باشا انا كانت عندى مشكلة السخونة دى و دى مشكلة فى دورة التبريد غيرت اكتر من 3 ردياتير لحد ما روحت التوكيل و هما اللى غيروه و راحت المشكله خالص الحرارة بقت ثابته مش بتعلى خالص و خلى بالك ان السوق مليان قطع غيار مضروبة
بالنسبة للرعشة اللى على التالت بتكون و انت دايس بنزين و لا لما بتشيل رجلك من على الدواسة ؟
بالنسبة لصوت الموتور اتأكد انه صوت الماتور و لا صوت المروحه بتاعت التكييف لان مروحة التكييف فأوقات بتفضل شغاله شوية على حسب درجة الحرار فى الموتور
و ان احتجت اى شئ دا رقمى 01062945112 و يا رب اقدر اساعد

[tantawy13]

الرعشة دية بتكون وانا دايس بنزين وعلى فكرة هي مش ترصيص وشكرا جدااااااا لردك

[khaabas]

مشكلة السخونة وتسريب الميه دى طلمبة مياه وخلى بالك علشان بتأثر على سير الكتينه

[tantawy13]

طيب انا اتئكد ازاي من موضوع طرمبة المية دية انها فيها مشكلة ولا مفيهاش ؟