الحمد لله اشتريت نيو اكسنت 2008

[michohat]

بص م الاخر لو انت مش بتاع جرى وسرعه هتناسبك جدا وهتحبها هى ممتازه وعمليه واقتصاديه وبياعه قبل ماتفكر تبيع وجرايه قبل ماتدوس بنزين وتكييف تلاجه وعاليه عن الارض وتناسب شوارعنا وقطع غيار فى سوق الخضار واى ميكانيكى مبتدئ يشتغل مغمض فيها ومساحة شنطه وكراسى بالنسبة لفئتها جيده جدا واماكن تخزين بالعبيط واوبشنات جيده جدا م الاخر احسن صفقه لعربيه داخل المدينه
بس لو زودت عن 120 هتزعلك بجد مفيش عناصر امان وثباتها ورق الشجر فى الريح وفراملها زبده سايحه فى ساندوتش

الحمد لله الجري والشد مش ف دماغي
بس قلقان من موضوع الكنبه الخلفية هل هي ضيقة؟
ولو عاوز اركب سبويلر علشان سمعت انها بتتنطط من ورا ايه الانسب اني اركبة

[Magoda]

الف مبروك وربنا يرزقك خيرها ويكفيك شرها
اصبر شوية كدته وبعد كدته روشها براحتك

[ALnadi]

بارك الله لك وحفظها لك

[michohat]

بدور على كتيب او مانيوال بيشرح فيه اجزاء العربية بالتحديد او ازاي اصلح وافك واركب مش لاقي
هل فيه حاجه زي كده للعربية دي
كان معايا كتيب الصيانه لل 131 كان اسمه
Haynes Fiat 131 Owners Workshop Manual
وده بيشرح كل تفصيله ف العربية وفكها واصلاحها هل ف شئ زي كده للنيو اكسنت؟

[hossam_elwani]

عربيه ممتازه مبروك عليك

كنت بلف عليها كتير بس مكنتش لاقيها لانها منتشرتش كتير + مفيش حاله جيده كانت قدامى

[Habd]

اضغط على شو منيو

http://144.162.92.233/faculty/shop/hyundai/2006/manuals.swf

[Habd]

و اختار اكسنت 2006
هتلاقى ورك شوب مانيوال و اليكتريكال مانيوال

[khaabas]

شوف يا باشا العربية ما شاء الله بتاعه جرى وشد اما شغل الزبده السايحة والجبنة الرومى ده فكك منه لانه اى كلام في التلاجة :)

[michohat]

و اختار اكسنت 2006
هتلاقى ورك شوب مانيوال و اليكتريكال مانيوال

شاكر لحضرتك اللنك
هل متاح اني انزل منه نسخه على الجهاز ولا لازم افتحه اونلاين

[Habd]

العفو هو اونلاين بس و كنت نزلته مش فاكر منين اول ما امسك سرعة نت هارفعوه ان شاء الله

[mhkorayem]

شوف يا باشا العربية ما شاء الله بتاعه جرى وشد اما شغل الزبده السايحة والجبنة الرومى ده فكك منه لانه اى كلام في التلاجة :)

طب هات معاك ازازه ميه ساقعه بقى من التلاجه وانت جاي

[mhkorayem]

اضغط على شو منيو

http://144.162.92.233/faculty/shop/h...06/manuals.swf

هي دايماً الماتريكس كده ملهاش في الطيب نصيب

[michohat]

الحمد لله النهارده اخدت العربية ولحد وجاري الاستكشاف
وانا سايقها سرحت ف الطريق لقيت نفسي 160 اتخضيت

[p r i n c e]

ألف مبروك
ربنا يباركلك فيها

[mhkorayem]

الحمد لله النهارده اخدت العربية ولحد وجاري الاستكشاف
وانا سايقها سرحت ف الطريق لقيت نفسي 160 اتخضيت

سرحت لقيت نفسك 160
اما لو نمت هتوصل كام
ربنا يستر طريقك وبلاش تسرح تاني