الحمد لله اشتريت نيو اكسنت 2008

[A.Saad]

الشياط مش طبيعى
شوف الفيوزات والسلوك

http://www.nilemotors.net/Nile/332110-a.html

http://www.nilemotors.net/Nile/269333-a.html#post3874086745

[michohat]

ريحه الشياط قلت و تعتبر اختفت فهل ممكن انها كانت بسبب ان اللمض جديده؟

الصور بتاعت اماكن ضبط الرجلاش مش ظاهرة ف الموضوع

وايه اخبار استهلاك البنزين معاك
وعاوزين نحيي الرابطه

[A.Saad]

الاستهلاك مش حسابته

اللمبات متعملش شياط فى حد ذاتها طبعا يا غالى
انا قلقان
تكون حملت على سلوك وعملت شياط فيه
حاول تشوف ضفيرتها

[A.Saad]

الرجلاش هحاول ابص على الفانوس واقولك

[michohat]

مش حملت ع سلوك ولا حاجه
الجهازين كانوا راكبين ف العربية من غير لمض
وانا شيلتهم من مكانهم لحد ما اجيب لمض
ولما جبت اللمض رجعت ركبتهم بواسطه كهربائي

التوصيلات بتاعتهم كانت موجوده اصلا قدام ومش اتشالت
اشوف الضفيرة ازاي
الكهربائي كان لسه فاكك العتب امبارح علشان كنت بركب كتاوت فصل وركبه لي جنب جهاز الانذار

[A.Saad]

يعنى بص على السلوك فيها حاجة سايحة
الشيكرتون لو فيه لحامات مغطاة بيه هل سليم
الريحة اقوى فى الحوض ولا الصالون
الفيوز كويس ولا فيهم حاجة
ده للاطمئنان افضل

[michohat]

يعنى بص على السلوك فيها حاجة سايحة
الشيكرتون لو فيه لحامات مغطاة بيه هل سليم
الريحة اقوى فى الحوض ولا الصالون
الفيوز كويس ولا فيهم حاجة
ده للاطمئنان افضل

مش لاحظت ريحه ف الحوض الريحه اللي لاحظتها ف الصالون
ومش قاصره على توقيت تشغيل النور ممكن تكون ف اي وقت
و فيوز ايه اللي قصدك عليه؟
مش لاحظت ان ف فيوز راكب ع طقم الزينون

[A.Saad]

شوف الفيوزات فى علبة الفيوزات
هتلاقى فيوز للمبات
مش الزينون واخد من الضفيرة الاساسية عادى

[A.Saad]

هو في فوجات خلفي كمان هيا فين دي وشكلها ايه؟

الفوج الخلفى بيبقى لمبة حمراء تشتغل فى الشبورة علشان توضح العربية لمن بالخلف
تبان فى اللوجان والسبارك لانها منفصلة عن الفانوس
وهتلاقيها شمال بس فيهم
فى الاكسنت
ممكن تكون لمبة فى الفانوس لان الفانوس لمبتين

[michohat]

هو كتاوت دراع النور بيتركب فين
لان ف شكوك ان ريحه الشياط دي من دراع النور بعد ما ركبت الزينون

[michohat]

ركبت الكتاوت اللي بيحمي دراع النور النهارده

وطلعت جربت العربية بالزينون ع طريق ظلمه

الزينون مش له اي لازمه ومش شايف بيه
اعتقد ان بسبب تشتت الضوء اجناب الطريق منورة بس قدامي مش منور



و عملت شغل سمكرة في العتب وخبطه ف الباب ع البارد كله شغل السمكرة اتكلف 150 جنيه
واكتشفت ان الاكصدام الامامي كان ملحوم واللحام بتاعه فك فعامل فرق ف الفانوس

وفاضل الجنب اتاني للعربيه سمكرة ومعاه ان شاء الله هغير الازاو ة هعمل خبطه القايم
وبعده ان شاء الله هلحم الاكصدام و هركب الشبورة
وبفكر ادي وش بلاك من تحت العربية قبل الشتا

وفي الاخر ادي تلميعه لجسم العربية واشمعه

هل من اقتراحات

هل زرار الشبورة لسه مش متوفر الا ف التوكيل ؟؟ ولا بقى فيه منه استيراد

[michohat]

هل حد يعرف معلومه عن وسيلة التخزين دي
هل في منها في مصر؟

hyundai accent 2006-11 spare tire organizer


http://hyundaipartspeople.com/produc...re%20organizer

اللي فهمته انه متصنع من الفل ولقيت ارخص سعر له بره حوالي 6 دولار بس اكيد شحنه هيكون غالي علشان عرضه للكسر
فبفكر ف حاجه
لو مش لقيناه هنا ممكن نعمله
نعمل اسطمبه بالوضع الحالي من اي حاجه ونعمله من الاسبراي الفوم بتاع التلاجات

لاحظت ان فيه لمبه تشك للموتور مش منورة خالص
فهل هي اساسا ملغيه
وهل لو ملغيه محتاجه تجهيزات علشان اشغلها
ولا تكون مجرد لمبه محروقة او مش موجوده ولو حطيت اللمبة هتشتغل؟

حد فكر يشغل او يسئل ع الجهاز بتاع الانذار بتاع ضغط الاطارات؟

معلش يا جماعه بتقل عليكما
هيا جرايد العربية بتتباع بالواحده ولا طقم كامل ع بعضة
عندي جرايد البابين الامامين اول جزء منهم طاير ف الناحيتين وخايف الجريده تجمع بارومه تحتها لانها ممكن تحوش مياه ولا الاحتمال ده صعب

يا ملاك النيو اكسنت
عاوزين نحيي الرابطة ونعمل لها رفرش


انتوا بتتصرفوا ازاي لو عاوزين تطلعوا الاستبن
مش معقولة ف كل مره نفضي الشنطه علشان نفكه ونطلعه
هل في حل تاني بدل ما نفضي الشنطه

هو في فوجات خلفي كمان هيا فين دي وشكلها ايه؟

واضيف عليهم

ازاي اوصل فتح الشنطه ع جهاز الانذار
وايه لذوجه الزيت المناسبة للموتور ( 64 الف كيلو ) اكترمن واحد بيقول لي حرام عليا اني احط لها شل 15-50 لانه هيكون تقيل ومعرفش ايه
كفوف المرايات الجانبية كتير بتتخبط مني هل لو ركبت ليها كفر هيجميها ولا الزق عليها فوم من بتاع الثلاجات
هل ينفع اركب بطانه للكبوت وللشنطه

[michohat]

عاوز اقوي ارضية الشنطه لان الموكيت بيقوس من تقل كوريك التمساح وشنطه العده
استعمل ايه
اكليريك
خشب ابلاكاش
خشب كونتر

علما باني هحاول اعمل باب في الارضية لتسهيل الوصول للاستبن بدون ما اشيل كل الارضية
وهكسي الارضية ب ارما فلكس او جلد وهعين الارضية الاصلية

[A.Saad]

الموتور لو كويس
حط التخليقى
5-40 او 5-30
الكاسترول معاها حلو
الفالفولين خللى صوتها عالى شوية

[michohat]

الموتور كويس حسب اللي اشترى لي العربية بس اللي مقلقني منه صوت الكوستبانات وعلشان الصوت ده عاوز اعمل انجن فلاش بس له اعراض جانبيه انه ببساطه ممكن يتبقى منه ف الموتور ومش ينزل كله

توصيات الشركات ع الانترنت استخدام 20-50 بس دي نفس لزوجة الزيت اللي كنت بحطه ف ال 131 يعني معقولة الاتنين واحد