اسئلة عن الماتريكس اوتوماتيك

[fagban]

مجهود رائع

انا بعانى من نفس المشكله معايا ماتريكس 2007 اتوماتيك لسه جايبها فى شهر 1
وحاسس انى سايق بطه بلدى التجميع مستفز واحيانا بيبقى ممتاز وطبيعى!!!!!!!!!

انا غيرت السيور والبوجيهات فى صيانه ال60 فاضل تنظيف البوابه ومنظف الانجكشن

ومغيرتش الزيت بتاع الماتور ولا زيت الاتوماتيك

بالنسبه للبطاريه انا كشفت عليها عند كهربائى قالى ممتازه لكن بتعمل معايا حركات نص كم

لما اجى ادور الصبح بتطول ثانيه او اتنين على ما تدور فشاكك فى كلام الكهربائى



لما شفت الموضوع ده بجد احترمت جدا كل اللى تعب علشان يقدمه غير ان الكلام مقنع ويدخل الدماغ غير
كلام الاسطه بليه السفاح

شكرا للاستاذ seri0us وانا كمان هتبع نصايحك

وشكرا نايل موتورز

[seri0us]

انا بعانى من نفس المشكله معايا ماتريكس 2007 اتوماتيك لسه جايبها فى شهر 1
وحاسس انى سايق بطه بلدى التجميع مستفز واحيانا بيبقى ممتاز وطبيعى!!!!!!!!!

انا غيرت السيور والبوجيهات فى صيانه ال60 فاضل تنظيف البوابه ومنظف الانجكشن

ومغيرتش الزيت بتاع الماتور ولا زيت الاتوماتيك

بالنسبه للبطاريه انا كشفت عليها عند كهربائى قالى ممتازه لكن بتعمل معايا حركات نص كم

لما اجى ادور الصبح بتطول ثانيه او اتنين على ما تدور فشاكك فى كلام الكهربائى



لما شفت الموضوع ده بجد احترمت جدا كل اللى تعب علشان يقدمه غير ان الكلام مقنع ويدخل الدماغ غير
كلام الاسطه بليه السفاح

شكرا للاستاذ seri0us وانا كمان هتبع نصايحك

وشكرا نايل موتورز

العفو يا باشا ... بس عاوزك تتأكد من فيشة الايدل او بيسموه حساس الايدل عاوز يتنضف لانه ممكن يأخر تدوير العربية بعد مرتين تلاتة طالما قالولك ان البطارية تمام ...

لان انا اول ما جبت عربيتي كان صاحبها قايلي مش هدور معاك طول ما انت مش بتدوس ع الاكسراتير .. يعني ما ينفعش اني ادورها و انا واقف بره العربية .. لازم ادخل اقعد و ادوس بنزين مع المارش غلشان تلقط .... فلما عملت فيشة و حساس الايدل الخاص بالدوارة بقيت من ساعتها ببقى واقف مثلا بكلم البواب و جسمي بره العربية و امد ايدي بس و ادورها من اول تكه ع المارش :))

فخد دي في اعتبارك طالما ان شاء الله بطاريتك كويسة ... و بالتوفيق و طمنا يا غالي :)

[mr57444]

عندي مشكلة ضعف السحب و لخبطة غيارات الفتيس الاوتوماتيك للماتريكس 2008 ..
غيرت سيور ماعدا الكاتينة لأنه متغير قريب .. نظفت البوابة .. غيرت بوجيهات .. غيرت زيت موتور و زيت فتيس .. حطيت منظف انجكشن في التانك .. كل ده عملته و لسه المشكلة موجودة بس بتروح و تيجي ..
رحت عملت فحص بالكمبيوتر لقيت طالع قراءة ان حساس الكام فيه مشكلة و مهندس الصيانة قالي ده راجع لتأخير أو تقديم من سير الكاتينة لأنه مش مظبوط و عاوز يتغير ..
السير الأصلي عامل 185 جنيه + 80 جنيه مصنعية يعني 265 جنيه ده غير ال 50 جنيه الفحص اللي خده و مش عارف العيب هيروح و لا مش هيروح
بيني و بينكم صرفت كتير حوالي 450 جنيه لحد دلوقتي و مش راضية تتظبط و خايف اصرف كمان على سير الكاتينة بلا داعي .. قولولي اعمل ايه ؟

[Ramy Rateb]

موضوع أكتر من رائع .. و روح تعاون جميلة

[mr57444]

متابع

[mr57444]

النقلات كده مضبوطة و لا في حاجة غلط ؟
لاحظ ال rpm و ارتفاعه و الخامس جاي ع 120 !!!!!
Hyundai Matrix rpm problem ! - YouTube

[seri0us]

النقلات كده مضبوطة و لا في حاجة غلط ؟
لاحظ ال rpm و ارتفاعه و الخامس جاي ع 120 !!!!!
hyundai matrix rpm problem ! - youtube

صح جدا جدا ... لان اول ما بتلاقي نفسك داخل ع ال 120 و صوت الماكنة بيعلى اعرف ان رجلك تقيلة و كأنك مدي للفتيس اوردر عكسية او كيك داون ...

و اول ما هترفع رجلك سنة بسيطة هتلاقي الار بي ام نزل و هدا و العربية بتجمع تاني زي الفل ...

انا شايف ان الفيديو ده حلو جدا ... و لو عاوز تتأكد اكتر ثبت عداد السرعة على 100 ساعتها لازم الار بي ام يبقى على 2.7 او 2.8 المهم ما بين ال 2 و ال 3 ....

[mr57444]

طيب حضرتك اخدت بالك من الصوت اللي ظهر عند سرعة 140 ده مصدره الناحية اليمين و مش عارف بتاع ايه !
بس كده في تقديرك العربية مظبوطة و الار بي ام تمام ولا في مشاكل ؟
العربية عملتلها كشف كمبيوتر و طلع ان حساس الكامة مش مظبوط !! المهندس قالي سير الكاتينة و التقسيمة بتاعته مش مظبوط و العريبة مقدمة شوية و السير عاوز يتغير
مش عارف بقى الكلام ده صح و لا غلط ؟؟؟؟؟

[drsalem]

النقلات كده مضبوطة و لا في حاجة غلط ؟
لاحظ ال rpm و ارتفاعه و الخامس جاي ع 120 !!!!!
Hyundai Matrix rpm problem ! - YouTube

بص ياباشا انا خبرتي محدودة شوية مع الماتريكس لاني لسه جايبها بس اظن عربيتك تجميعها كويس هو انت بس بتقرص عليها شوية لو سبتها تجمع براحتها حتلاقي فرق ..
بالنسبة للصوت اللي ظهر في الاخر ده صوت سير ياباشا... بس علي سير التقسيمة و"الرومبيل بتاع التقسيمة الثابت و المتحرك... وهما مش غاليين خالص بس غالبا الصوت ده منهم

ربنا يباركلك فيها ويكفيك شرها...

[mr57444]

اللهم آمين
انا غيرت سير الكاتينة و لاحظت تغير كبير في التجميع و الحمد لله تم حل المشكلة