للأسف دخلت العربية التوكيل

[RamyEskander]

انا دخلت عربيتى التوكيل نضفلى كوعة المياه وكشفلى على التكييف بعد ما اخدت العربية لاقيت فيها مشكلة انا هشرح على قد ما اقدر وياريت تفهمونى

-انا دلوقتى ماشى على الغيار التانى مثلا وعداد السرعة على 40 ك/س والطريق هدى رحت خافف رجلى من على البنزين اسمع صوت رجة جامدة مجرد ما احط رجلى على الدبرياج او ادوس فرامل تروح

- وبردوا وانا واقف لو زود بنزين جامد اسمع نفس الصوت

حد يعرف ده ايه

[khaabas]

ارجعلهم تانى واشتكيهم تسيب حقك ليه
وكنت روحت ومع انى سحبت العربية ومكملتش الصيانة لقيت السنتر والانذار بوظوا وصلحتهم بره وسجلت شكوى ومنتظر الرد وخدت رقم الشكوى وهاتبعها ان شاء الله فاعمل كده انتا كمان
ومتقوليش توكيل العبور

[amagroup]

شكله سلك بوجيه مفكوك اكيد علي البوجيهات الاول

[أحمد جودة]

بص ياباشا لو الصوت دة مثلا صوت فرقعة خفيفة من الشكمان أو صوت زي كركرة من الشكمان دة هيكون سببة فى علبة الشكمان

أما لو كانت رجة فى العربية طيب ازاي وهيا واقفة هتترج الموضوع محتاج توضيح شوية

لو كان الصوت دة يبقي بسيطة دة علبة شكمان مخرومة او محتاجة تنظيف
أما لو رجة دة لية اسباب متعددة

منها العربية محتاجة ظبط كهرباء
الكاربيراتير او الانجكشن محتاج تنظيف
البوجيهات وسلك البوجيهات تراجع عليهم
أسلاك البوبينة أو وصلات المشط الالكتروني لو عندك كل دة محتاج مراجعة دة لو العربية فيها رجة


متابع معاك وانتظر ردود خبراء القسم

[RamyEskander]

انا رحت التوكيل تانى و المهندس قالى وصلة الشكمان الامامية
الكلام ده ممكن يكون مظبوط ولا ايه

[khaabas]

مالها الوصلة وعملتها فى التوكيل وله لسه

[RamyEskander]

لسة معملتهاش