الايموبلايزر

[FOREX EAGLE]

سلام عليكم
انا معايا النترا 2013 فولي لودد فيها ايموبلايزر ...كنت عايز اعرف لو المفتاح بعد عند العربيه مده اد ايه العربيه هتبطل وتفصل ؟؟؟
* ايضا انا عامل تقريبا 750 كيلو حتي الان ومزودتش ميه العربيه في الاربه هل لازم ازودها ولا الميه الخضراء الي فيها مينفعش ازودها بميه مفلتره ؟
* استهلاك العربيه 9.6 طرق داخليه والتكييف شغال دايما دا معدل عالي ولا كويس ؟
* مؤشر حراره العربيه دايما عند النص 5 شرطه ومش بينزل عن كده دايما حتي لو الجو برد دا طبيعي ؟

شكرا ليكم

[windofchange]

الايموبلايزر معناه انها متدرش بمفتاح منسوخ لازم مفتاحها الاصلي اللي جواه الفحمايه(لغة الصنايعيه) اللي متكوده علي كنترول العربية

[ehab98]

خمس شرط دة مش النص دة تحت النص بشرطة

و دي درجة الحرارة العادية بتاعت العربية

[baherhassan30]

اولا مبروك عليك العربية الجديدة .. ربنا يكفيك شرها ويطعمك خيرها
ثانيا موضوع الحرارة والبنزين طبيعي جدااا
والمياة زودها مياة خضرا نوع كويس .. لما تنقص بسس
امال موضوع الامبولايز
لو عربيتك بصمة .. والعربية شغالة ممكن تبعد عن المفتاح عادي جدااااا وممكن تسبيه في البيت وتروح مشوار كمان .. بس لو بطلت العربية مش هتشتغل تاني .. لازم يكون المفتاح معاك وانت بتشغل العربية

[esam_ayad]

ياباشا المفروض انت اللي تقولنا المسافه اللي العربيه بتفصل فيها لما الريموت يكون بعيد عن العربيه.
بالنسبه للميه : لما تروح تعمل صيانة الألف قولهم علي أي حاجه في نفسك وهم يظبطوها.
بالنسبه للإستهلاك : فول العربيه علي الأخر وشوف حطيت كام لتر وصفر عداد الكيلومرات وشوف هاتعمل قد أيه واحسب الكيلومترات علي اللترات اللي حطتها.

[hossamalsadik]

ياباشا المفروض انت اللي تقولنا المسافه اللي العربيه بتفصل فيها لما الريموت يكون بعيد عن العربيه.
بالنسبه للميه : لما تروح تعمل صيانة الألف قولهم علي أي حاجه في نفسك وهم يظبطوها.
بالنسبه للإستهلاك : فول العربيه علي الأخر وشوف حطيت كام لتر وصفر عداد الكيلومرات وشوف هاتعمل قد أيه واحسب الكيلومترات علي اللترات اللي حطتها.

[mody_elmasry]

مية ايه يا باشا اللي بتتزود والعبيه جديده يا باشا الميه مبتنقصش الا اذا كان في مشكله ديه دورة تبريد مغلقه رايح جاي من القربه للرادياتير للكوعه ثيرموستات يفتح يودي للموتور وترجع تاني وهكذا ديه مش 128 عشان تزودها ميه مع احترامي الشديد لاصحاب ال128

[baherhassan30]

مية ايه يا باشا اللي بتتزود والعبيه جديده يا باشا الميه مبتنقصش الا اذا كان في مشكله ديه دورة تبريد مغلقه رايح جاي من القربه للرادياتير للكوعه ثيرموستات يفتح يودي للموتور وترجع تاني وهكذا ديه مش 128 عشان تزودها ميه مع احترامي الشديد لاصحاب ال128

كنت عاوز اقول كده ..
العربيات جديدة كل فترة تكشف بس على المياة .. ونادرا لما تلاقيها قليلة

[ayman2]

كنت عاوز اقول كده ..
العربيات جديدة كل فترة تكشف بس على المياة .. ونادرا لما تلاقيها قليلة

+1
وحتى لو قلت بعد فتره عن العلامه زودها ميه مقطره فقط عندما تكون السياره بارده جدا يعنى صباحا قبل التشغيل

[amagroup]

المايه طول ما هي موصلتش للmin متزودش إلا بعد كده مياه خضر

استهلاك البنزين الحقيقي مش هيبان إلا بعد 5000 كم او اكتر