أطلقها ولا الفيرنا متستاهلش مني كدا :-(

[p r i n c e]

عربيتي فيرنا مانيوال جميع الكماليات موديل 2010
ماشية 19 ألف كيلو راشة برا ما عدا السقف و الشنطة
بحالة الزيرو الحمدلله مش تعباني خالص ولا بصرف عليها أي حاجة غير بنزين و زيت عربية لسة خير الزيرو فيها و مفهاش أي عيب
واحد معرفة عارض عليا يشتريها ب 65 ألف جنيه
أنا ف حيرة ما بين ان السعر كويس جدا جدا جدا و ما بين اني مستحرم أبيع عربية بالحالة دي و أتنطط على نعمة ربنا و بعد كدا ملاقيش عربية نضيفة اشتريها
تنصحوني ب إيه؟ أبيع و أكمل على الفلوس لحد مثلا 75 ألف و اجيب حاجة احسن ولا أحمد ربنا و مطمعش ف ال 65 ألف؟

[khaabas]

هتكمل 75 على 65
وله هتزود على 65 عشرة ويبقوا 75
لو الاختيار رقم 2 لأ خليك فى فيفي وبس

[El Prince]

انت جاوبت :
" مستحرم أبيع عربية بالحالة دي و أتنطط على نعمة ربنا و بعد كدا ملاقيش عربية نضيفة اشتريها "

[Ahmed Nasser]

خليك فى عربتك ومتفتريش عليها

[a_arazik]

بص انا عندي مبدأ مش هبيع عربية عارف فيها اية ومفيهاش اية الا في حالة واحدة هشتري عربية زيرو محدش ركبها قبلي (اصل انا مش هبيع مستعمل عشان اشتري مستعمل تاني )

[Diaby]

رأى تبيع بالسعر ده طبعا

[mshmshm3]

تبيعها و تركب ايه مثلا بيكانتو الجديدة ؟
فاكس العربيات دلوقتي غالية اصبر الدنيا تهدي و الدولار يعقل و تقدر مثلا تبيعها و تجيب ار بي او ريو

[_hema]

عربيتي فيرنا مانيوال جميع الكماليات موديل 2010
ماشية 19 ألف كيلو راشة برا ما عدا السقف و الشنطة
بحالة الزيرو الحمدلله مش تعباني خالص ولا بصرف عليها أي حاجة غير بنزين و زيت عربية لسة خير الزيرو فيها و مفهاش أي عيب
واحد معرفة عارض عليا يشتريها ب 65 ألف جنيه
أنا ف حيرة ما بين ان السعر كويس جدا جدا جدا و ما بين اني مستحرم أبيع عربية بالحالة دي و أتنطط على نعمة ربنا و بعد كدا ملاقيش عربية نضيفة اشتريها
تنصحوني ب إيه؟ أبيع و أكمل على الفلوس لحد مثلا 75 ألف و اجيب حاجة احسن ولا أحمد ربنا و مطمعش ف ال 65 ألف؟

طالما العربيه مريحه حضرتك ومفيش منها شكوى وبتقضى بيها مصالحك وتحت اديك فى اى لحظه
ليه تغرم فلوس تانيه فى شراء جديد وعربيتك لسه جديده مشاء الله ربنحا يحفظهالك ويحفظ منها
بس نصيحه بلاش تجرى بيها كتير خلى جريك بيها فى حدود المعقول

تحياتى لحضرتك

[mhmhmh75]

لو انتا عايز عربية غالية ومعاك فلوس وعايز تعيش عيشة تانية يعني معاك فلوس تجيب سيفك الجديدة مثلا او اي عربية جديدة يبقا تمام سعر مذهل لاكن لو عايز تجيب مستعمل وتزود فلوس على القد طبعا لا تبقا غلطة عمرك عربيتك انتا عارف سرها وشغالة تمام يبقا لا تطلقها وتتجوز عليها تانية ابدا

[devil_storm]

يا باشا الفيرنا متطلقش... اخرك تجوز عليها

[mhkorayem]

ماشية 19 ألف كيلو راشة برا ما عدا السقف و الشنطة

2010 وماشيه 19.000 وراشه برا ليه كده بس
تصدق انا زعلت

[verna2008auto]

خليك فى عربتك ومتفتريش عليها

دعني احييك

[nab!l]

65 دول مش هييجو فيها تانى
بيع وحدث

[elkorany]

بص يا سيدى
لو هتبيع وتجيب زيرو يبقى تمام بس المشكلة بقى فيه ايه زيرو احسن من الفيرنا
هتقولى فيه كتير طيب بكام ؟؟؟؟؟
اقل حاجة عدلة احسن من الفيرنا هتكون اوبترا او صنى ودول مش اقل من 110 الف
طيب هتجيبهم مستعملين
نصيحة من واحد لف على المستعمل كتير وفى نهاية الأمر اشتريت زيرو
متبعش مستعمل مريحك وتروح تشترى سمك فى ميه
لو العربية تعباك يبقى ليك حق بس لو العربية مريحاك نصيحة بلاش
وبعدين اسئل نفسك عربيتك بمواصفاتها دى متجبش الستين الف علشان رشة بره
اللى عايز يشتريها دده هيموت عليها ليه
اكيد علشان مش لاقى احسن منها بره وبالحالة دى

اتقى ربنا فى نفسك وفلوسك وبلاش احسن

ربنا يهيئ ليك الخير

[p r i n c e]

بص يا سيدى
لو هتبيع وتجيب زيرو يبقى تمام بس المشكلة بقى فيه ايه زيرو احسن من الفيرنا
هتقولى فيه كتير طيب بكام ؟؟؟؟؟
اقل حاجة عدلة احسن من الفيرنا هتكون اوبترا او صنى ودول مش اقل من 110 الف
طيب هتجيبهم مستعملين
نصيحة من واحد لف على المستعمل كتير وفى نهاية الأمر اشتريت زيرو
متبعش مستعمل مريحك وتروح تشترى سمك فى ميه
لو العربية تعباك يبقى ليك حق بس لو العربية مريحاك نصيحة بلاش
وبعدين اسئل نفسك عربيتك بمواصفاتها دى متجبش الستين الف علشان رشة بره
اللى عايز يشتريها دده هيموت عليها ليه
اكيد علشان مش لاقى احسن منها بره وبالحالة دى

اتقى ربنا فى نفسك وفلوسك وبلاش احسن

ربنا يهيئ ليك الخير

فعلا عندك حق و خلاص هحمد ربنا على النعمة و مش هتنطط على نعمة ربنا
الحمدلله