عايز اشتري اكسنت ايه رئيكم

[الجهيني]

السلام عليكم
باختصار معايا لغاية 35000 تقريبا وعايز اشتري اكسنت ممكن حد يفيدني برئية في الموضوع ده من حيث
رئيكم في الاكسنت عموما
اقدر اشتري موديل كام
حالتها بالنسبه لسعرها
مانيوال و لا اتوماتيك
فبريكه بره وجوه و لا بره بس
عموما يعني انا عايز حد يكلمني عن العربيه ديه علشان مصرفش فلوسي علي الفاضي
ولكم جزيل الشكر و العرفان

[aboomar22]

نفس السؤال وبضيف عليه اخبار التكييف ايه واخبار السحب معزم العربية مع التكييف وايه الفرق بين 1300 و 1500 وشكرا جزيلا

[أحمد جودة]

متاااااااااااااااااابع مع اني سألت نفس السؤال دة قبل ماشتري

وفي النهاية اشتريت سكودا فليشيا كانت الافضل من وجهه نظري بعد عدة مقارنات

[khaabas]

بداية المبلغ ده يجيب اكسيل موش اكسنت
والاكسيل فيها اتوماتيك وتكييف ودلع وعربيه زلطه بتاعه مرمطه
شوف المواضيع دى فيها راى مالكيها واسعار قطع الغيار وقولى لو عاوز تتعرف اكتر

http://www.nilemotors.net/Nile/354620-7.html

http://www.nilemotors.net/Nile/362418-a.html

http://www.nilemotors.net/Nile/265089-a.html

[الجهيني]

متاااااااااااااااااابع مع اني سألت نفس السؤال دة قبل ماشتري

وفي النهاية اشتريت سكودا فليشيا كانت الافضل من وجهه نظري بعد عدة مقارنات

ممكن تكلمنا شوية عنها يا استاذ احمد مميزاتها عيوبها قطع غيار يعني احكيلنا حدوتة الفليشيا لاني بحب بس متكنش الكومبو الكبيرة لاني مبحبهاش خالص
انا سمعت اشاعه بتقول ان وش السلندر بتاعها ضعيف

[أحمد جودة]

بإختصار شديد اى عربية تهمل فيها هطلع عينك
موضوع وش السلندر مش مظبوط

العربية مشكلتها انها معمولة للاجواء الاوربية ودة سبب سخونتها ولكن

ردياتير ألومنيوم ومروحة وثرمومستات أقل يساوي حل مشكلة السخونة اللى بتسبب في تلف جوان وش السلندر ...... دي مشكلتها بإختصار

ودة تقرير عن الفليشيا

الاول نتعرف على السيارة

هى سيارة محيرة فقد تجد من يقول فيها شعرا و قد تجد من يحذرك منها بشدة و يلعن اليوم الذى قرر فيه شراء هذه السيارة.

و ربما يرجع هذا التناقض فى الاراء الى كميه المزايا العديدة التى تتميز بها هذه السيارة و كذلك كميه العيوب الخطيرة الموجودة بالسيارة.

و لنبدأ اولا بمميزاتها و لكن قبل ان نبدأ راجع مواصفات الفنية و صور السيارة من الرابط التالى

مواصفات سكودا فيليشيا 1997

لمحرك و ناقل الحركة:

موقع المحرك: امامى مستعرض

سعة المحرك :1289 سى سى 4 اسطوانات

اقصى قوة: 53 حصان

اقصى عزم الدوران: 95 نيوتن/3250

نظام الوقود: حقن الكترونى

صندوق التروس: 5 سرعات يدوى

اقصى سرعة: 156 كم/س

التسارع: 0 – 100 فى 13.5 ثانية

الابعاد و الوزن:

الوزن: 920 كج

الطول الكلي: 3860 مم

العرض الكلى: 1640 مم

الارتفاع الكلى: 1420 مم

قاعدة العجلات: 2470 مم

مميزات السيارة سكودا فيليشيا 1995- 1997

1- السيارة اوروبية و بالتحديد تشيكية الصنع و هذا فى حد ذاته ميزة بالنسبة للكثيرين فلايوجد سيارة اوروبية فى هذه الفئة السعرية.

2- صاج قوى جدا و هذا هو المطلوب فى مصر.

3- استهلاك الوقود جيد جدا بالنسبة لوزنها الثقيل نسبيا.

4- ثبات عالى جداز هو شىء نادر فى فئتها السعرية.

5- اسعار قطع غيار معقوله جدا و متوفرة و يوجد منها الصينى و الالمانى و المصرى.

6- ككل السيارات الاوروبية قطع الغيار معمرة جدا بالنسبة للكورى مثلا.

7- عفشة قويه جدا و مناسبة جدا للطرق المصرية الوعرة.

8- المساحة الداخلية كبيرة جدا و لن تجدها فى اى سيارة هاتشباك فى فئتها.

9- سير الكاتينة مصنوع من الحديد و بالتالى معمر جدا رغم انه يتسبب فى خشونة بسيطة فى صوت المحرك.

مما سبق نجد انها سيارة اعتمادية جدا موفرة فى استهلاك الوقود و قطع غيار معمرة و ثبات و اتزان نادرا ما يوجد بهذا السعر بالضافة لعفشة قوية و صاج قوى اى

انها السيارة المناسبه للطرق المصرية و للمستهلك المصرى, و لكن لماذا يكره البعض هذه السيارة؟؟؟

• عيوب السيارة سكودا فيليشيا 1995- 1997

1- السيارة اوروبية الصنع و التصميم ايضا اى انها غير مصممة للعمل فى الاجواء الحارة, و لذلك ترتفع حرارتها بشكل ملحوظ خاصة فى

فصل الصيف مما يسبب خطورة على المحرك و خاصة (وش السلندر) و تعتبر هذه المشكلة الوحيدة فى هذه السيارة التى قد تجعل الكثيرين

يحذروك من شرائها رغم ان علاجها بسيط جدا يتمثل فى تركيب مروحة 6 ريشة و تغيير الريدياتير ال2 ماسورة باخر 3 ماسورة و البعض

يقوم بتغيير الترموستات ايضا باّخر اقل حتى تعمل المروحة عن درجة حرارة 70 بدلا من 90.

2- عكس السيارات الكورى و اليابانى و مثل معظم السيارات الاوروبى تعتبر السكودا فيليشيا بطيئه نسبيا فى التسارع

اى ان المحرك كسول نوعا ما و لكن مع استعمال بنزين 92 يتحسن التسارع كثيرا.

3- ارتفاع السيارة عن الارض قليل نوعا ما و لذلك يجب الحذر عند تخطى المطبات العاليه جدا.

4- السيارة خشنة بالنسبة للكورى و اليابانى كما انها غير مجهزة بباور ستيرينج.

فى النهاية دي أراء وكل واحد بيختار عربيتو على حسب هوة عاوز منها اية

شكل ونعومة وتكيف وباور بس
ولا للخدمة الشاقة

بكدة أكون قدمت ليك معلومة عنها

تقبل تحياتي

[أحمد جودة]

نسيت أقولك الفرق بين الصغيرة والكومبي

الكومبي اطول من الفليشيا العادية ودة بيديك وسع الى حد ما فى الشنطة

بس فى الشكل الصغيرة أجمل بكتير

[الجهيني]

انا ملاحظ ياجماعه ان كمية المشاهدات اكتر من الردود و الاعضاء البنائه و المساعده قليلين جدا
فين الردود والناس الحلوه انا هشتري عربية مش بسكلته
ههههههههههههههه

[tota_ys]

بص هى معايا 1300 عربيه بجد تحفه فى كل حاجة تكيف تلاجة سحب جامد اوى ثبات قطع غيار رخيصه جدا وكمان الشكل العام بتعها حلو اوى انا بفضل ال1300 علشان هى مش انجكشن ال1500 فيها حساسات كتير وكانت مع واحد صاحبى وكل يومين مشكله فى حساس شكل فا علشان كده انا جبت ال1300
وكمان بردو لو مش لقيت بنزين 92 ممكن فى ناس بتحطلها 80 وبتمشى عادى جدا
نصيحه بقى من اخ ابعد عن حاجة اسمها فليشيا عربيه كلها مشاكل وكل كام شهر هتجيب معاك جوان وش سلند وسحب ضعيف جدا بالنسبه للاكسنت وطبعا السخونه لان العربيه دى مش متصنعه للاجواء الحر زى مصر والماتور بتعها من ماده بتسخن بسرعه العربيه دى كانت معايا وخلتنى كرهت حاجة اسمها فليشيا
بس المبلغ اللى معاك دا محتاج تذود عليه كام الف كده علشان تجيب اكسنت تكون حلوة ونضيفه وباذن الله موفق فى الشراء

[الجهيني]

بص هى معايا 1300 عربيه بجد تحفه فى كل حاجة تكيف تلاجة سحب جامد اوى ثبات قطع غيار رخيصه جدا وكمان الشكل العام بتعها حلو اوى انا بفضل ال1300 علشان هى مش انجكشن ال1500 فيها حساسات كتير وكانت مع واحد صاحبى وكل يومين مشكله فى حساس شكل فا علشان كده انا جبت ال1300
وكمان بردو لو مش لقيت بنزين 92 ممكن فى ناس بتحطلها 80 وبتمشى عادى جدا
نصيحه بقى من اخ ابعد عن حاجة اسمها فليشيا عربيه كلها مشاكل وكل كام شهر هتجيب معاك جوان وش سلند وسحب ضعيف جدا بالنسبه للاكسنت وطبعا السخونه لان العربيه دى مش متصنعه للاجواء الحر زى مصر والماتور بتعها من ماده بتسخن بسرعه العربيه دى كانت معايا وخلتنى كرهت حاجة اسمها فليشيا
بس المبلغ اللى معاك دا محتاج تذود عليه كام الف كده علشان تجيب اكسنت تكون حلوة ونضيفه وباذن الله موفق فى الشراء

اولا شكرا جدا لمشاركتك بس كان ليه تعليق
ناس كتير قالتلي ان اكسنت 1300 مع تشغيل التكيف بتتبرجل في المشي بتاعها او يعني مبتبقاش نفس حالتها وانت طافي التكييف ممكن تقولي اذا كان ده بيحصل معاك

[tota_ys]

اولا شكرا جدا لمشاركتك بس كان ليه تعليق
ناس كتير قالتلي ان اكسنت 1300 مع تشغيل التكيف بتتبرجل في المشي بتاعها او يعني مبتبقاش نفس حالتها وانت طافي التكييف ممكن تقولي اذا كان ده بيحصل معاك

بص هى معايا بصراحه زى الفل بالتكيف وانا ماشى
هو فى حاجة ايام ما كان معايا الفليشا سمعه عنها بتبقى متركبه مع التكيف تقريبا اسمها تشوك او حاجه زى كده دا بتعمل ايه بقى اول ما بتشغل التكيف طبيعى الكهربا بتقل التشك دا بيعلى الكهرباء لوحده فا بتكون العربيه مظبوطه
وبالتوفيق ان شاء الله فى الشراء

[momo100010]

https://www.facebook.com/groups/hyundai.accent/


الاخوة الافاضل اللي بيسالوا عالاكسنت
دا الجروب بتاعنا وفيه كل حاجة
ولكن كنت عاوز اتكلم عن كزا حاجة
اولا انا معايا اكسنت 1500 بقالها سنتين او اكتر
الحمد لله العربية تمام التمام
تكييف باور سنتر ازاز كهربا ايريال كهربا
قطع غيار رخيصة
مارحتش لمحل عليه اللوجو بتاع هيونداى وسالت على قطعة غيار الا ولقيتها
اى ميكانيكي كهربائي يشتغل فيها
اعتمادية جدا
طبعا التكييف يؤثر ولكن عادى دا الطبيعي
تكييفها لو ظبطته تلاااااااااااااجة بمعنى الكلمة تلاااااااااااااااااجة
انا والله بشغله على 1 في ز الحر والله
واوقات بتضايق واقفله
هي فيها عيب بس وانا مش شايفه عيب وهو التاابلوه بتاعها بيتكسر بسرعة
ولكن ممكن تجيب واحد جديد
وبسرعة دي يعني 5 : 7 سنوات ف الشمس وفي الحاجات اللى بتخليك تحافظ عليه
على فكرة الحساسات مفيش فيها مشكلة نهااااااااااااااااائي
وطبعا 1500 افضل من 1300
لو حافظت
و فى اى سؤال عن اى حاجة انا تحت امر حضراتكم
0110775006
اخوكم محد جودة :)

[jos]

السلام عليكم

باختصار معايا لغاية 35000 تقريبا وعايز اشتري اكسنت ممكن حد يفيدني برئية في الموضوع ده من حيث
رئيكم في الاكسنت عموما
اقدر اشتري موديل كام
حالتها بالنسبه لسعرها
مانيوال و لا اتوماتيك
فبريكه بره وجوه و لا بره بس
عموما يعني انا عايز حد يكلمني عن العربيه ديه علشان مصرفش فلوسي علي الفاضي
ولكم جزيل الشكر و العرفان

العربية دى فضلت معايا 11 سنة عملت فيهم 260000 كم وبعتها الموتور متفتحش العربيه دى من احسن عربيات هيونداى اللى نزلت مصر اشترى منها الكورى اللى هو موديل قبل 99 الموتور 1500 المانيوال دواخل فبريكة ولو فبريكه بره يبقى احسن طبعا ولو انه نادر تلاقى حاجه زى كده
مميزات العربيه دى كتيره عفشتها حديد . ناعمة. سحبها ممتاز. استهلاك بنزين بتشم البنزين. كماليات سابقه عصرها بالنسبه للتسعينات اربعه زجاج كهربا تكييف قوى كاسيت شرايط وسمعات صوتها حلو اريال كهربا سنتر لوك باور موتورها معمر الى حد ما وقوى (1500) قطع غيارها رخيصه جدا ومتوفره فى كل مكان الميكانيكيه حافظنها العيوب هيا العربية واطيه ودينامو دايما بيبوظ والطابلوه بيشقق والقربة فى الصيف بتغلى صاجها ضعيف بس انا لما كان باب يتخبط كنت اجيبه استيراد ب 200 جنيه

[khaabas]

العربية دى فضلت معايا 11 سنة عملت فيهم 260000 كم وبعتها الموتور متفتحش العربيه دى من احسن عربيات هيونداى اللى نزلت مصر اشترى منها الكورى اللى هو موديل قبل 99 الموتور 1500 المانيوال دواخل فبريكة ولو فبريكه بره يبقى احسن طبعا ولو انه نادر تلاقى حاجه زى كده
مميزات العربيه دى كتيره عفشتها حديد . ناعمة. سحبها ممتاز. استهلاك بنزين بتشم البنزين. كماليات سابقه عصرها بالنسبه للتسعينات اربعه زجاج كهربا تكييف قوى كاسيت شرايط وسمعات صوتها حلو اريال كهربا سنتر لوك باور موتورها معمر الى حد ما وقوى (1500) قطع غيارها رخيصه جدا ومتوفره فى كل مكان الميكانيكيه حافظنها العيوب هيا العربية واطيه ودينامو دايما بيبوظ والطابلوه بيشقق والقربة فى الصيف بتغلى صاجها ضعيف بس انا لما كان باب يتخبط كنت اجيبه استيراد ب 200 جنيه

والله انتا حببتنى فى العربية دى