بوهية الفيرنا كشفت وبقيت شكلها وحش اوى اعمل اية

[lolita]

الفيرنا بتاعتى 2008 اسود فابريكة كلها مافهاش قلم بوهية من الكصدام للاكصدام اللى مضايقنى اوى البوهية ابهتت جدا على الكبوت و حتت فى السقف و الشنطة لاكن جنابها ممتازة بتلمع زى الفل وحاولت المعها عند بتاع الدوكو لاكن النتيجة مافيش فايدة وشكلها وحش قربت تبقى بيضة من الكبوت بالذات اعمل اية ارش والا تمنها هاينزل طيب مانا برضة لاما ابيع هايقولى بوهيتة وحشة و شكلها وحش مع ان لو العربية بوهيتها حلوة هاتبقى حالة شاذة فعلا لانه عربية استعما راقى جدااااا ونضيفة جدا من جوة و الماتو ر طلقة اعمل اية

[koj@k]

متابع لأن عندي نفس المشكلة

[lolita]

يعنى لو حد محترف رشلى الكبوت والشنطة كفاية بطريقة احترافية لانها مش عايزة اى سمكرة او معجون ممكن ماتتعرفش انها مارشوشة والا لا

[mando_07]

سيبك من موضوع محدش يعرف أنها رشة حتى لو محدش عرف حضرتك هتقول كل تفاصيل العربية و في حالتك دي العربية مش هتحتاج معجون خالص فهيبقى وش نضافة مفيهوش حاجة و اللي هيشتري هيكشف و يعرف ده بس تمنها برضه هينزل عن الفبريكة بالكامل حاجة بسيطة، بس أنا عن نفسي النقطة د مش بتفرق معايا أوي المهم أبقى مبسوط وهي معايا ساعة البيع د مش بفكر فيها الى ساعتها

[hossamalsadik]

لاحول ولاقوة الابالله
هوا السوق المصرى العجيب كده
طيب أنتا عاوز تبيع بعها على كده
عاوز تركب رشها وركب وحتى لوفكرت تبعها يبقى اسمها رشه نضافه من غير معجون وده مينزلش تمنها ده يزوده
أنا عن نفسى مخدش عربيه يقلى أنها فبريكه بالكامل وبهيتها ضيعه
أنا عاوزها فبريكه دواخل وصالون ومش مهم رشه بره ده مثل وفى غيرى كتير كده
أنما يجيلك واحد ويحاول يقلل معاك السعر بسبب أنك رشتها نضافه ده بنأدم بيبخس أشياء الناس
يعنى أنسان لاموأخذه

ولو بعتها مثلا تقول انها رشه ( من غشنا فليس منا ) ولو فيها أى حاجه تانيه قول وأستعين بالله وربنا هيباركلك .

[lolita]

بس فى عالم تقولك العربية مقلوبة عشان رش السقف واللى يقولك وقع على الكبوت حاجة وغيرة بواحد استيراد و تحاول تقنع فية مافيش فايدة اية رائيك اصورها قبل و بعد الدهان عشان المشترى يتفرج ويقتنع

[lolita]

87 مشاهدة ياجماعة عايز استفتاء ارش والا مارشش

[p r i n c e]

87 مشاهدة ياجماعة عايز استفتاء ارش والا مارشش

لو عاوز تستمتع بالعربية رشها
لو الأهم عندك إن العربية سعرها مينزلش عند البيع يبقى مترشهاش
يعني القرار قرارك
بس انا لو مكانك هبقى محتار بردو بصراحة
انا بالنسبالي فكرة الاستمتاع بالعربية و إنها تبقى بتلمع و مفهاش خدش أهم من سعر إعادة البيع بس دي بتفرق من واحد لواحد
واحد صاحبي عنده صني فابريكة كلها 2008 و متبهدله خبطات و حكات و في حاجات عاوزه سمكره و دوكو قلتله عربيتك ممتازة ما شاء الله بس حرام عليك تسيبها منظرها يقرف من برا كدا
قالي لأ انا اسيبها بكرامتها كدا احسن ما اجي ابيعها ملاقيش حد يشتريها بالسعر اللي تستاهله عشان راشة برا
يعني صديقي عكسي تماما... بتختلف من واحد للتاني
شوف انت يهمك إيه اكتر سعر إعادة البيع ولا الاستمتاع بالعربية و خد قرار

[lad]

مش عارف ليه على طول بنفكر و نقول لما اجى ابيع لما اجى ابيع ياسيدى رشها مدام شكلها وحش ولما تيجى تبيع هتاخد رزقها وخلاص ولما تبيع تقول انا عاوز فلوس اد كدا اللى عجبه يشترى اللى مش عجبه خلاص

[dr.hazem]

فياعتقد بتترش وش ورنيش بس...
اسال كريم منير في موضوع ورشة نايل موتورز وهيفيدك اكتر ان شاء الله...
تحياتي

Sent from my Xperia Arc S using Forum Runner

[lolita]

احبيبى د حازم هو دة اللى انا عوزة ارش ورنيش بس وترجع تمام ماتبقاش باينة

[lolita]

ها ياجماعة اعمل اية