مفتاح العربيه مش بيفتح

[0samah]

ازيكم يا جماعه عملين ايه
عندي سؤال ياريت حد يجاوبني عليه انا معايا هينداي i20 موديل 2011
اشترتها بالضبط في 10/2011 المهم بقالي يومين كده مفتاح العربيه تقيل في الفتح والقفل السنتر اقصد
لما دورت علي النت اكتشفت ان المفتاح ده فيه بطريه
انا مكنش الموضوع ده في بالي خالص المهم المفتاح الاحتياطي بجربه لقيته مش بيفتح
المفتاح الاصلي شغال بس بقي تقيل مش عارف هل البطاريه دي بتعيش اد ايه؟
ولو لازم تتغير بتتغير فين لازم توكيل ولا ممكن اي حد بتاع مفاتيح ولا ممكن انا اعملها ؟

مش عارف ياريت تفيدوني وشكرا

[Land_Cruiser]

اي ريموت يا فندم بيشتغل ببطاريه شبه بتاعه الساعه و بتبقي موجوده في الريموت او في المفتاح نفسه اذا كان الريموت في المفتاح و حضرتك بتفكه و بتطلع البطاريه و بتجيب زيها من عند بتوع الساعات او من عند راديوشاك. علي فكره احيانا فك كابل بطاريه العربيه دقيقتين تلاته بيحل المشكله و الكلام ده في اكتر من ماركه بس لم اجربها في هيونداي

[0samah]

اي ريموت يا فندم بيشتغل ببطاريه شبه بتاعه الساعه و بتبقي موجوده في الريموت او في المفتاح نفسه اذا كان الريموت في المفتاح و حضرتك بتفكه و بتطلع البطاريه و بتجيب زيها من عند بتوع الساعات او من عند راديوشاك. علي فكره احيانا فك كابل بطاريه العربيه دقيقتين تلاته بيحل المشكله و الكلام ده في اكتر من ماركه بس لم اجربها في هيونداي

شكرا للافاده
انا الريموت عندي مش في المفتاح لوحده بس الريموت مفهوش مسامير شكلو كبس مش عارف ممكن افكه ازاي ؟
معلش ممكن توضحلي فكره كابل بطريه العربيه دي علشان مش فاهمها
شكرا

[aldesha989]

عادى مش شرط يكون مسامير ممكن يكون كلبسات حاول تفكه بالراحه وتجيب البطاريات من عند اى حد بتاع ساعات او الكترونيات وحاول تجيب بطاريه محترمه علشان تعيش معاك

[0samah]

عادى مش شرط يكون مسامير ممكن يكون كلبسات حاول تفكه بالراحه وتجيب البطاريات من عند اى حد بتاع ساعات او الكترونيات وحاول تجيب بطاريه محترمه علشان تعيش معاك

انا فعلا حاولت معاه براحه واتفتح الحمد الله
انشاء الله بكره انزل اشوف بطاريه .. بس انا لقيت جواه 3 بطاريات هو ده طبيعي ؟؟
هتوفرو عليا مشوار لابورواش يارب يشتغل

[Land_Cruiser]

انا فعلا حاولت معاه براحه واتفتح الحمد الله
انشاء الله بكره انزل اشوف بطاريه .. بس انا لقيت جواه 3 بطاريات هو ده طبيعي ؟؟
هتوفرو عليا مشوار لابورواش يارب يشتغل

حضرتك تاخد البطاريات و تروح لبتاع ساعات او راديوشاك و تجيب زيهم و تجرب . بالنسبه لانك تفك كابل البطاريه دقيقيتين تلاته ده باختصار بيعمل ريسيت لكنترول العربيه يعني زي الاعاده لوضع المصنع كده في حاله لو كانت المشكله مش من بطاريات الريموت . الآثار الجانبيه لها بسيطه زي مسح ترتيب قنوات الراديو لكنه احيانا بيحل عده مشاكل منها موضوع ثقل الريموت ده

[adelghanem]

عادى ممكن تكون فيها 3بطاريات
وده حسب الفولت اللى محتاجه الريموت
انت تلافى رقم مكتوب على البطاريه
وده رقم او مقاس البطاريه
هات زيه ويكون يابانى اصلى افضل
واحفظ وضعهم فى الريموت من ناحية السالب والموجب

[0samah]

شكرا يا جماعه وربنا يخليكم .. انا رحت راديوشاك فعلا وغيرت البطاريات والمفتاحين اشتغلو
وكلو تمام وزي الفل الحمد الله
وشكرا مره تانيا

[Land_Cruiser]

شكرا يا جماعه وربنا يخليكم .. انا رحت راديوشاك فعلا وغيرت البطاريات والمفتاحين اشتغلو
وكلو تمام وزي الفل الحمد الله
وشكرا مره تانيا

طيب الحمد لله و مبروك علي حل المشكله