تقييم ماتريكس ٢٠١١ اوتوماتيك

[solly1979]

السلام عليكم يا شباب
عندى ماتريكس عايز اعرف تعمل كام عشان أقرر أبيع ولا أشوف اوبشن تانى
اوتوماتيك ٢٠١١ وكيل عامله 25 ألف كيلو راشه جنب نضافه واقصدام اول مالك لسه في الضمان
رخصه سنه مرور النزهه اللون سماوي

[mr57444]

90 :95 و ربنا يوفقك

[aboamina]

قبل ما تقيم العربية لازم تبقى جاهز للرد على سؤال ازاي عربية موديل2011 وعاملة 25000ك بس وترش جنب نضافة؟؟
انا لو بشتري بصراحة هييجي في بالي على طول انها مخبوطة قبل كدة...
احتمال طبعا اكون غلطان بس أوعى تزعل مني

[solly1979]

قبل ما تقيم العربية لازم تبقى جاهز للرد على سؤال ازاي عربية موديل2011 وعاملة 25000ك بس وترش جنب نضافة؟؟
انا لو بشتري بصراحة هييجي في بالي على طول انها مخبوطة قبل كدة...
احتمال طبعا اكون غلطان بس أوعى تزعل مني

أكيد غلطان يا باشا ومفيش زعل إن شاء الله
العربية مراتى الى سايقاها وانت عارف الحريم وصباح التجاريح وخصوصا الجنب اليمين ولما الموضوع زات رشيت جنب على اللحم
وبيبان يا باشا الى راشش نضافه و من الى عامل حادثه كله بيبان
آمال انا شايف على كونتكت ناس بتطلب ١٠٠ و ١٠٣ نفس الفئه مش فاهم الناس ديه بتهرج ؟

[mr57444]

للأسف سوق السيارات على ارض الواقع لا يفرق بين الرش على نظافة و الرش التاني كله بيسموه راشش
عشان كده هتلاقي عربيتك اقل من الفابريكة برة و جوة بمعدل مش اقل من 5 الاف جنيه و الماتريكس كده كده مش هتلاقي حد يدفع فيها اكتر من 100 الف حتى لو فابريكة الا لو واحد مدمن ماتريكس فعلا
و ربنا يوفقك و تبيعها بسعر كويس

[أبو يوسف]

الناس اللى بتطلب فى الماتريكس فوق 100 ألف , دى ناس متهيئلى مش شافتش العربيات الجديدة وسعرها اية
فعلاً فى كونتكات كار , اللى طالب 110 ألف , و 105 ألف , 108 ألف , طيب ما أنا أشترى كارينز 2010 أتوماتيك بـ 115 ألف
لازم اللى يقييم العربية يشوف أسعارها فى السوق أية نفس الموديل والامكانيات , وبعدين يقرر
المهم
من راييى تساوى 90 ألف أو تزيد شوية
مع الشكر

[mr57444]

الناس اللى بتطلب فى الماتريكس فوق 100 ألف , دى ناس متهيئلى مش شافتش العربيات الجديدة وسعرها اية
فعلاً فى كونتكات كار , اللى طالب 110 ألف , و 105 ألف , 108 ألف , طيب ما أنا أشترى كارينز 2010 أتوماتيك بـ 115 ألف
لازم اللى يقييم العربية يشوف أسعارها فى السوق أية نفس الموديل والامكانيات , وبعدين يقرر
المهم
من راييى تساوى 90 ألف أو تزيد شوية
مع الشكر

ممكن يجيب سيراتو نضيفة بالمبلغ ده أو تيريوس أو سوبر أكشن أو بومة أو كروز أووووووووووووو في عربيات كتير في الحدود دي .. اللي مصبرنا و محلي الماتريكس في عينينا سعرها المعقول و امكانياتها الجميلة ووو الكرسي بتاعها اللي مش موجود في عربية تانية الا التيريوس