ايهما الافضل

[muhammadghunaim]

سلام الله عليكم ورحمته وبركاته
كان عندي استفسار بخصوص شراء سيارة جديدة أنا معايا في حدود 90 سؤالي بقى انا كنت بختار بين 1- رينو لوجان اوتومتك او 2- هيونداي فيرنا اوتومتك او 3- شيفرليه افيو اتومتك
كنت عايز اعرف ايهم افضل في الاداء العام واداء التكييف واقتصاديات استهلاك البنزين و خدمة مابعد البيع والصيانة وسعر اعادة البيع
ولو في حاجه افضل من التلاته دول وفي حدود المبلغ المذكور ممكن تكون ايه
افيدوني جزاكم الله خير

[أحمد جودة]

متابع مع حضرتك

اعتقد الاوبترا احسن من الافيو

[#MAAM#]

اولا ابعد عن الافيو خالص ......... تاني حاجة انا افضل الفيرنا وافضل تخلي الموضوع ده في قسم المقارنات علشان الناس تقدر تفيدك وشكرا

[john55]

اللوجان جميله عاليه عن الارض عفشه تناسب الطرق المصريه واسعه في الكنبه الخلفيه وفيها اير باج وايموبلايزر بس عيوبها سعر اعاده بيع في الارض

[mhopa2440]

هو حضرتك عايز تدفع 90 الف في فيرنا ولا لوجان ولا افيو

والله حرام العربيات دي مبالغ فيها قوي

ممكن بال 90 الف تركب سكودا اوكتافيا - هيونداي الانترا - مازدا ثري - على الأقل متسوبيشي لانسر

دي عربيات محترمة والفرق بينا وبين اختيارك فرق السما من الأرض

ف عربيات حالتها ممتازة لو كانت رشه جامبين بس يبقى كويس قوي اكشف كويس على العربية وربنا يوفقك

[khaabas]

هو حضرتك عايز تدفع 90 الف في فيرنا ولا لوجان ولا افيو

والله حرام العربيات دي مبالغ فيها قوي

ممكن بال 90 الف تركب سكودا اوكتافيا - هيونداي الانترا - مازدا ثري - على الأقل متسوبيشي لانسر

دي عربيات محترمة والفرق بينا وبين اختيارك فرق السما من الأرض

ف عربيات حالتها ممتازة لو كانت رشه جامبين بس يبقى كويس قوي اكشف كويس على العربية وربنا يوفقك

كلام حلو وسليم بس الراجل عاوز جديد
انا وعن تجربة ارجح الفيرنا ( سهولة الصيانة + رخص قطع الغيار خارج التوكيل وتوافرها + اعادة بيع بدون اى خسارة تقريبا + الفيرنا = مرمطة + بهدلة ):b4_095:

[muhammadghunaim]

اشكركم على المرور وجزاكم الله خيرا على المتابعة واحب اضيف بس ان الخوف من المستعمل ان المسروق مالي السوق فالواحد خايف انه يلبس في الحيط
على العموم الواحد محتاج يصلي ركعتين استخارة ويتوكل على الله وان شاء الله ربنا يسترها معانا جميعا